ବାଧିଲାଣି ମହଙ୍ଗା ମାଡ଼ : ପ୍ରେଟୋଲ ଓ ଡିଜେଲ ଦର ବୃଦ୍ଧି ପରେ ବଢିଲା ଗ୍ୟାସ ଦର
କନକ ବ୍ୟୁରୋ : ବାଧିଲାଣି ମହଙ୍ଗା ମାଡ଼ । ପ୍ରେଟୋଲ ଓ ଡିଜେଲ ଦର ଲଗାତର ବୃଦ୍ଧି ପାଉଥିବା ବେଳେ ଆଜି ବଢିଛି ଗ୍ୟାସ୍ ଦର । ଅଣସବସିଡି ଗ୍ୟାସ୍ ଦର ବୃଦ୍ଧି ପାଇଛି । ଭୁବନେଶ୍ୱରରେ ଅଣସବସିଡି ଗ୍ୟାସ୍ ୨୬୮ ଟଙ୍କା ବଢିଛି । ୧୯ କିଲୋ ସିଲିଣ୍ଡର ପୂର୍ବରୁ ୧୮୩୨ ଟଙ୍କା ଥିବା ବେଳେ ଏବେ ୨୧୦୦ ଟଙ୍କାରେ କିଣିବାକୁ ପଡ଼ିବ । ରାଜଧାନୀ ଦିଲ୍ଲୀରେ ଅଣସବସିଡି ଗ୍ୟାସ୍ ଦର ୨୬୬ ଟଙ୍କା ବଢିଛି । ଦିଲ୍ଲୀରେ ଅଣସବସିଡି ଗ୍ୟାସ୍ ଦର ୨ ହଜାର ଟଙ୍କା ୫୦ ପଇସାରେ ପହଂଚିଛି । ପୂର୍ବରୁ ଦିଲ୍ଲୀରେ ଏହି ଦର ଥିଲା ୧୭୩୪ ଟଙ୍କା । ଗ୍ୟାସ୍ ଦର ପୁଣି ବଢିଥିବାରୁ ଏବେ ଖାଉଟିଙ୍କ ପାଇଁ ଚିନ୍ତାର କାରଣ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି, ମୁମ୍ବାଇରେ ୧୯ କିଲୋ ‘ଏଲ୍ପିଜି’ ସିଲିଣ୍ଡର୍ ଦର ୧,୯୫୦ ଟଙ୍କା, କୋଲ୍କାତାରେ ୨,୦୭୩.୫୦ ଟଙ୍କା ଏବଂ ଚେନ୍ନାଇରେ ୨,୧୩୩ ଟଙ୍କା ରହିଛି । ଆଶ୍ୱସ୍ତିର କଥା ଯେ, ପେଟ୍ରୋଲିୟମ୍ କମ୍ପାନିମାନେ ଘରେ ରୋଷେଇ ପାଇଁ ବ୍ୟବହୃତ ‘ଏଲ୍ପିଜି’ ସିଲିଣ୍ଡର୍ର ମୂଲ୍ୟ ଅପରିବର୍ତ୍ତିତ ରଖିଛନ୍ତି । ସ୍ମରଣଯୋଗ୍ୟ, ପୂର୍ବରୁ ଅକ୍ଟୋବର ୬ ତାରିଖରେ ପେଟ୍ରୋଲିୟମ୍ କମ୍ପାନି ସବୁ ଉପରୋକ୍ତ ସିଲିଣ୍ଡର୍ ଦର ୧୫ ଟଙ୍କା ବୃଦ୍ଧି କରିଥିଲେ । ସେହି ଅନୁସାରେ, ସମ୍ପ୍ରତି ଦିଲ୍ଲୀରେ ୧୪.୨ କେଜି ଓଜନବିଶିଷ୍ଟ ଘରୋଇ ବ୍ୟବହାର ନିମନ୍ତେ ଉଦ୍ଦିଷ୍ଟ ‘ଏଲ୍ପିଜି’ ସିଲିଣ୍ଡର୍ର ଦର ୮୯୯.୫୦ ହୋଇଥିବା ବେଳେ ୫ କେଜି ସିଲିଣ୍ଡର୍ର ମୂଲ୍ୟ ରହିଛି ୫୦୨ ଟଙ୍କା ।