କୁନି ପୁଅ ବି କମ୍ ନୁହଁ । ମା’କୁ ଧକ୍କା ଦେଲା କାର, ଉଠିପଡି କାରକୁ ଗୋଇଠା ପରେ ଗୋଇଠା ମାରିଚାଲିଲା କୁନି ପୁଅ । ଦେଖନ୍ତୁ ମା’ ପ୍ରତି କୁନି ପୁଅର ଭଲପାଇବାର ଭିଡିଓ ।
କନକ ବ୍ୟୁରୋ : ମା । ଏଭଳି ଏକ ଡାକ, ଯାହାକୁ ବଖାଣିହେବନି କି ଶବ୍ଦରେ ପ୍ରକାଶ କରିହେବନି । ମା ହାତ ଧରି ବାଟ ଚାଲିବା ଶିଖାଏ. ଝୁଣ୍ଟିପଡିଲେ କୋଳେଇ ନିଏ । ନିଜ ପିଲାକୁ ଟିକିଏ ଆଘାତ ଲାଗିଲେ, ମାର ଆଖି ଓଦା ଓଦା ହୋଇଯାଏ । ଏ ଦୁନିଆରେ ଯଦି ସମ୍ପର୍କର ସଜ୍ଞା ଖୋଜାଯାଏ, ତେବେ ମା-ପୁଅର ସମ୍ପର୍କ ହେବ ଉଦାହରଣ । ଏହା ଏମିତି ଏକ ସମ୍ପର୍କ ଯେଉଁଥିରେ ଜଣେ ଜଣଙ୍କ ବିନା ବଞ୍ଚିବା କଷ୍ଟକର ।
Kanak News is now on WhatsApp
Join and get latest news updates delivered to you via WhatsApp
ପୁଅର କିଛି ହୋଇଗଲେ ଯେମିତି ମା ଆଖିରୁ ନିଦ ହଜିଯାଏ, ସେମିତି ମାକୁ ମଧ୍ୟ ଟିକିଏ କଷ୍ଟ ହେଲେ ପୁଅର ଛାତି ଥରିଉଠେ । ଆଜି ଆମେ ଆପଣଙ୍କୁ ଏମିତି ଏକ ଘଟଣା କହିବୁ, ଯାହା ଶୁଣିଲେ ଆପଣ ବି କହିବେ ପୁଅ ହେବ ତ ଏମିତି ।
This little boy in China is his mummy’s big hero – he vented his anger at a car that sent his mum flying pic.twitter.com/tCBNShmyHG— SCMP News (@SCMPNews) December 11, 2019
ଏହି ଘଟଣାଟି ହେଉଛି ଚାଇନାର । ନିଜ କୁନି ପୁଅକୁ ଧରି ରାସ୍ତା ପାରି ହେଉଥିଲେ ମା । ଏତିକିବେଳେ ଏକ ଗାଡି ଆସି ତାଙ୍କୁ ଧକ୍କା ଦେଇଥିଲା । ଦୁର୍ଘଟଣାରେ ଛିଟିକି ହୋଇ ରାସ୍ତାରେ ପଡିଯାଇଥିଲେ ମା ପୁଅ । ଭାଗ୍ୟବସତଃ ଦୁଇଜଣଙ୍କ ଜୀବନ ବଂଚିଯାଇଥିଲା । କିନ୍ତୁ ମାଙ୍କ କଷ୍ଟ ଦେଖି ରାଗ ସମ୍ଭାଳିପାରିନଥିଲା କୁନି ପୁଅ । ରାଗରେ କାରକୁ ବାରମ୍ବାର ଗୋଇଠା ମାରି ଚାଲିଥିଲା । ଏହା ପରେ ଡ୍ରାଇଭର ଜଣଙ୍କ ବାହାରକୁ ଆସିବା ସହ ଉକ୍ତ ମହିଳାଙ୍କୁ ନିଜ କାରରେ ଡାକ୍ତରଖାନାକୁ ନେଇଥିଲେ ।
ମା ପ୍ରତି କୁନି ପୁଅର ଏପରି ଭଲପାଇବା ସୋସିଆଲ୍ ମିଡିଆରେ ସମସ୍ତଙ୍କ ମନ ଜିଣିପାରିଛି । ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ସମସ୍ତେ କହୁଛନ୍ତି ପୁଅ ହେବ ତ ଏମିତି ।