ନିଜ ପିଲାଙ୍କୁ ସ୍ମାର୍ଟ ବନେଇବାକୁ ଚାହୁଁଛନ୍ତି କି ? ଆପଣାନ୍ତୁ ଏହି ଉପାୟ
ନିକଟରେ ହୋଇଥିବା ଏକ ଗବେଷଣାରୁ ଏହି ତଥ୍ୟ ସାମ୍ନାକୁ ଆସିଛି ଯେ, ସାଧାରଣତଃ ପ୍ଲେ ସ୍କୁଲକୁ ଯିବା ପୂର୍ବରୁ ପିଲାଙ୍କ ବୁଦ୍ଧି ପୁରା ପ୍ରଖର ହୋଇଥାଏ । ସେମାନଙ୍କ ସ୍ମୃତି ଶକ୍ତି ଓ ଶିଖିବାର କ୍ଷମତା ପୁରା ବିକଶିତ ହୋଇଯାଇଥାଏ । ଏବେ କୈାଣସି ପିଲା କେତେ କ୍ଷମତାବାନ୍ ବା ପ୍ରଖର ବୁଦ୍ଧି ସଂପନ୍ନ ଏହା ତାର ଲାଳନପାଳନ ଉପରେ ନିର୍ଭର କରେ ବୋଲି ଜଣାଯାଇଛି । ଆଉ ଏହା ଶିଶୁଟିର ପରିବାରର ଦାୟିତ୍ୱ ଉପରେ ନିର୍ଭର କରେ ।
Kanak News is now on WhatsApp
Join and get latest news updates delivered to you via WhatsApp
ଅନୁସନ୍ଧାନରୁ ଜଣାପଡିଛି କୈାଣସି ପିଲାର ଶିଖିବାର କ୍ଷମତା କେମିତି ହେବ ବା ଆଗକୁ ସେ ବୈାଦ୍ଧିକ ସ୍ତରରେ କେମିତି ପ୍ରଗତି କରିବ ବା ଏହାର ଲାଳନପାଳନ ଆରମ୍ଭର ୪ ବର୍ଷ ଉପରେ ନିର୍ଭର କରିଥାଏ । କୈାଣସି ନୂଆ ଜିନିଷ ବିଷୟରେ ଶିଖିବା ପାଇଁ ପିଲାଙ୍କ ବ୍ରେନ୍ ୨ରୁ୪ ବର୍ଷ ବୟସରେ ବିକଶିତ ହୋଇଥାଏ । ଏହି ବୟସରେ ଶିଶୁଟି ପୁରୁଣା ଜିନିଷକୁ ତୁରନ୍ତ ଭୁଲି ଯାଏ । ଏହି ବୟସ ପରେ ଆଉ ଯାହା ସବୁ ଶିଖେ ଓ ଜାଣେ ସବୁ ମନେରଖିଥାଏ ।
ୟୁଏସର ନ୍ୟୁୟର୍କ ୟୁନିଭର୍ସିଟିର ପ୍ରଫେସର କ୍ରେଷ୍ଟିନା ଏଲବେରିନାଙ୍କ ଅନୁସାରେ ‘୨ରୁ ୪ ବର୍ଷ ବୟସ ମଧ୍ୟରେ ଯଦି ଶିଶୁକୁ ହେଲଥ ବ୍ରେନ ଏକ୍ଟିଭେସନ ମିଳିଥାଏ ତ ଏହା ତାହା ପାଇଁ ବହୁତ ଭଲ ହୋଇଥାଏ । ଏହି ବୟସରେ ଶିଶୁ ପ୍ରି-ସ୍କୁଲ ଯିବା ଆରମ୍ଭ କରିଥାଏ । ଅର୍ଥାତ୍ ଶିଶୁକୁ ଘରେ ଏମିତି ମାହୋଲ ମିଳିବା ଉଚିତ୍ , ଯଦ୍ୱାରା ଏହାର ବ୍ରେନ୍ ଏକ୍ଟିଭେଟ୍ ହୋଇପାରିବ । ଏହା ନହେବା ସ୍ଥିତିରେ ଶିଶୁର ନ୍ୟୁରୋଲଜିକାଲ୍ ସିଷ୍ଟମ୍ ପୁରା ଭାବରେ ଡେଭେଲପ୍ ହୋଇପାରିନଥାଏ । ଯେଉଁଥିରେ ଏହାର ଶିଖିବା ଗୁଣ ପ୍ରଭାବିତ ହୋଇଥାଏ ।’ ଗବେଷକଙ୍କ କହିବା ହେଲା , ଯଦି ଏହି ସମୟରେ ଶିଶୁଙ୍କର ନୂଆ ନୂଆ ଜିନିଷ ବିଷୟରେ ଶିଖିବାକୁ ନେଇ ଧ୍ୟାନ ଦିଆଯାଏ , ତ ଭବିଷ୍ୟତରେ ସେମାନେ ଶିଖିବାର କ୍ଷମତା ବଢାଇପାରିବେ ଓ ସ୍ମୃତିଶକ୍ତି ପ୍ରଖର ହୋଇପାରିବ । ଭଲ ଲର୍ଣ୍ଣିଂ ଦକ୍ଷତା ପାଇଁ ବ୍ରେନର ନ୍ୟୁରୋଲଜିକଲ୍ ସିଷ୍ଟମକୁ ଉତ୍ତେଜନା ମିଳିବା ଜରୁରୀ ଅଟେ । ବ୍ରେନର ପ୍ରଖରତା ପାଇଁ ଓ ଉତ୍ତେଜନା ବା କ୍ରିୟାଶୀଳ କରିବା ପାଇଁ ଶିଶୁଙ୍କୁ କିଛି ଛୋଟ ଛୋଟ ଅଭ୍ୟାସ କରାଯାଇପାରିବ । ଆଉ ଏଥିରେ ଲର୍ଣ୍ଣିଂ ଗେମ୍ ମଧ୍ୟ ସାମିଲ୍ ହୋଇପାରିବ ।
ଏଣୁ ଆପଣ ଯଦି ଆପଣଙ୍କ ପିଲାକୁ ସ୍ମାର୍ଟ ଓ ପ୍ରଖର ବୁଦ୍ଧିବାନ କରିବାକୁ ଚାହୁଁଥାନ୍ତି , ତା’ହେଲେ ନିଜ ଘରେ କିଛି ଏମିତି ଅଭ୍ୟାସ କରାନ୍ତୁ , ଯାହା ପିଲାର ଡେଭେଲପମେଂଟରେ ସାହାଯ୍ୟ କରିବ । ଆଉ ପିଲାଟି ସ୍କୁଲ୍ ଯିବା ପୂର୍ବରୁ ଶିଖିବାର ଗୁଣକୁ ବିକଶିତ କରିପାରିଥିବ । ଯାହା ପିଲାର ଭବିଷ୍ୟତ ପାଇଁ ଖୁବ୍ ଫାଇଦାପୂର୍ଣ୍ଣ ହେବ । ଆଜିକାଲି ଦେଖାଯାଉଛି ଅନେକ ଅଭିଭାବକ କାର୍ଯ୍ୟ ବ୍ୟସ୍ତତା ଭିତରେ ଏସବୁକୁ ଅଣଦେଖା କରୁଛନ୍ତି । ନିଜର ଅଫିସ ଓ ବ୍ୟବସାୟ ଭିତରେ ସେ ନିଜ ପିଲାର ଦାୟିତ୍ୱ ଠିକରେ ନେଇପାରନ୍ତି ନାହିଁ । ଏଣୁ ଖାଲି ପିଲା ପାଇଁ ଅର୍ଥ ଖର୍ଚ୍ଚ କରିଦେଲେ କି ଭଲ ସ୍କୁଲରେ ଆଡମିଶନ କରାଇଦେଲେ ହେବନି । ଏହାସହ ପିଲାର ଯତ୍ନ ନେବାକୁ ନିଜକୁ ଟିକେ ତତ୍ପର ହେବାକୁ ପଡିବ । ( ସୌଜନ୍ୟ-ନବଭାରତ ଟାଇମ୍ସ)