ଉଦ୍ଧବ ଠାକରେଙ୍କ ଇସ୍ତଫା ପରେ ମହାରାଷ୍ଟ୍ରରେ କ’ଣ ହେବ ? ସରକାର ଗଠନ ପାଇଁ ରାଜ୍ୟ ବିଜେପିର କସରତ ଆରମ୍ଭ, ଆଜି ବସୁଛି କୋର କମିଟି ବୈଠକ
କନକ ବ୍ୟୁରୋ : ମୁଖ୍ୟମନ୍ତ୍ରୀ ପଦରୁ ଉଦ୍ଧବ ଠାକରେ ଇସ୍ତଫା ଦେବା ପରେ ମହାରାଷ୍ଟ୍ର ରାଜନୈତିକ ଉଷ୍ମତା ଲାଗି ରହିଛି । ବିଜେପି ଶିବିରରେ ଖୁସିର ଲହରି ଖେଳିଯାଇଛି । ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନଭିସ୍ ଓ ରାଜ୍ୟ ବିଜେପିର ବରିଷ୍ଠ ନେତମାନେ ପରସ୍ପରକୁ ମିଠା ଖୁଆଇ ଖୁସି ମନାଇଛନ୍ତି । ଉଦ୍ଧବ ଇସ୍ତଫା ଦେବା ପରେ ମହାରାଷ୍ଟ୍ରର ମେଂଟ ସରକାର ଭାଙ୍ଗିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ବିଜେପି ସବୁଠୁ ବଡ଼ ଦଳ ହୋଇଥିବାରୁ ରାଜ୍ୟପାଳ ଭଗତ ସିଂହ କୋସିଆରୀ, ଫଡ଼ନବିସଙ୍କୁ ସରକାର ଗଢିବାକୁ ଡାକି ପାରନ୍ତି । ଆସନ୍ତାକାଲି ଶପଥ ନେଇପାରନ୍ତି ଦେବେନ୍ଦ୍ର ଫଡ଼ନବିସ୍ । ଯଦି ଫଡ଼ନବିସ୍ ସରକାର ଗଢିବେ, ତେବେ ପ୍ରାୟ ୨ ବର୍ଷ ୯ମାସ ପରେ ପୁଣିଥରେ ମୁଖ୍ୟମନ୍ତ୍ରୀ ପଦ ସମ୍ଭାଳିବେ । ଏହାକୁ ନେଇ ମହାରାଷ୍ଟ୍ର ରାଜନୀତିରେ ସବୁଠୁ ବଡ଼ ହଲଚଲ ଦେଖିବାକୁ ମିଳିଛି ।
ପ୍ରାୟ ୧ ସପ୍ତାହ ଧରି ମହାରାଷ୍ଟ୍ରରେ ରାଜନୈତିକ ଅସ୍ଥିରତା ଚରମ ସୀମାରେ ପହଁଚିଛି । ଏକନାଥ ସିନ୍ଦେ, ଶିବସେନାରେ ବିଦ୍ରୋହ କରିବା ପରେ ତାଙ୍କ ସପକ୍ଷରେ ସମର୍ଥନ ବଢିଥିଲା । ୩୯ ଜଣ ଶିବସେନା ବିଧାୟକ ଏକନାଥ ସିନ୍ଦେଙ୍କୁ ସମର୍ଥନ କରିବାରୁ ମହାରାଷ୍ଟ୍ର ସରକାର ସଂଖ୍ୟାଲଘୁରେ ପରିଣତ ହୋଇଥିଲା ।
ସରକାରରେ ବସିବାକୁ ବିଜେପିର ସଜବାଜ
– ଉଦ୍ଧବଙ୍କ ଇସ୍ତଫା ପରେ ସରକାର ଗଢିବାକୁ ବିଜେପିର ପ୍ରସ୍ତୁତି
– ଆଜି ବିଜେପି କୋର କମିଟି ବୈଠକ ପରେ ନିଷ୍ପତି ସମ୍ଭାବନା
– ଦେବେନ୍ଦ୍ର ଫଡନବିସଙ୍କ ବାସଭବନରେ ବସିବ ବୈଠକ
– କାଲି ବିଳମ୍ବିତ ରାତି ଯାଏଁ ବିଧାୟକଙ୍କ ସହ ଆଲୋଚନା କରିଥିଲେ
– ବିଜେପି ଓ କେତେକ ସ୍ୱାଧୀନ ବିଧାୟକଙ୍କ ସହ ଆଲୋଚନା
– ସମସ୍ତ ବିଜେପି ବିଧାୟକ ମୁମ୍ବାଇରେ ଏକାଠି ରହିବାକୁ ନିର୍ଦ୍ଦେଶ
– ଫଡନବିସ ଓ ଏକନାଥ ସିନ୍ଦେ ମିଶି ସ୍ଥିର କରିବେ ଆଗାମୀ ରଣନୀତି
– ଗୌହାଟୀରୁ ଆସି ଗୋଆରେ ପହଂଚିଛନ୍ତି ଏକନାଥ ସିନ୍ଦେ ଗୋଷ୍ଠୀ
– ଗୋଆର ହୋଟେଲ ତାଜରେ ଅଛନ୍ତି ଶିବସେନା ବିଦ୍ରୋହୀ ବିଧାୟକ
– ବିଳମ୍ବିତ ରାତିରେ ତାଙ୍କୁ ସାକ୍ଷାତ କରିଛନ୍ତି ଗୋଆ ମୁଖ୍ୟମନ୍ତ୍ରୀ
– ଟ୍ୱିଟ କରି ବିଜେପି ଲେଖିଛି- ଏହା ତ କେବଳ ଏକ ଝଲକ ଥିଲା..
– ଆଗକୁ ମୁମ୍ବାଇ ମହାନଗରପାଳିକା ବାକିଥିବା ସୂଚନା ଦେଇଛି ବିଜେପି
– ସରକାର ଗଠନ ନେଇ ରାଜ୍ୟପାଳଙ୍କୁ ଦାବି କରିପାରେ ବିଜେପି
୯୪୩ ଦିନର ମୁଖ୍ୟମନ୍ତ୍ରୀ
– ୨୦୧୯ ନଭେମ୍ବର ୨୮ରେ ଆରମ୍ଭ ହୋଇଥିଲା ଉଦ୍ଧବରାଜ୍
– ୧୦ ଦିନର ହାଇଡ୍ରାମା ପରେ ଗତକାଲି ଇସ୍ତଫା ଦେଇଛନ୍ତି ଉଦ୍ଧବ
– ଉଭୟ ମୁଖ୍ୟମନ୍ତ୍ରୀ ଓ ବିଧାନ ପରିଷଦ ସଦସ୍ୟ ପଦରୁ ଇସ୍ତଫା
– ମୋଟ୍ ୯୪୩ ଦିନ ପାଇଁ ମୁଖ୍ୟମନ୍ତ୍ରୀ ରହିଛନ୍ତି ଉଦ୍ଧବ ଠାକରେ
– ସୁପ୍ରିମକୋର୍ଟରେ ଶୁଣାଣିର ୩୦ ମିନିଟ ପରେ ଉଦ୍ଧବଙ୍କ ଇସ୍ତଫା
– ଫ୍ଲୋର ଟେଷ୍ଟ ଉପରେ ରୋକ୍ ଲଗାଇବାକୁ ମନା କରିଥିଲେ କୋର୍ଟ
– ମାହାରାଷ୍ଟ୍ରରେ କେବଳ ୨ଜଣ ପୂର୍ଣ୍ଣକାଳ ମୁଖ୍ୟମନ୍ତ୍ରୀ ରହିଛନ୍ତି
– ବିଜେପିର ଦେବେନ୍ଦ୍ର ଫଡନବିସ ଓ କଂଗ୍ରେସର ବସନ୍ତରାଓ ନାଇକ
– ୧୯୬୦ରେ ଅଲଗା ରାଜ୍ୟର ମାନ୍ୟତା ପାଇଥିଲା ମହାରାଷ୍ଟ୍ର
– ୧୯୬୩ରୁ ୬୭ ଯାଏଁ ମୁଖ୍ୟମନ୍ତ୍ରୀ ଥିଲେ ବସନ୍ତରାଓ ନାଇକ
– ୧୯୬୭ରେ ସେ ପୁଣି ମୁଖ୍ୟମନ୍ତ୍ରୀ ହୋଇ କାର୍ଯ୍ୟକାଳ ପୂରଣ କଲେ
– ୨୦୧୪ରେ ବିଜେପି- ଶିବସେନା ମେଂଟ କରି ସରକାର ଗଢିଥିଲେ
– ମୁଖ୍ୟମନ୍ତ୍ରୀ ଭାବେ କାର୍ଯ୍ୟକାଳ ପୂର୍ଣ୍ଣ କଲେ ଦେବେନ୍ଦ୍ର ଫଡନବିସ
ଯେସାକୁ ତେସା..
– ୨୦୧୯ରେ ବିଜେପି ସହ ମିଶି ନିର୍ବାଚବନ ଲଢିଥିଲା ଶିବସେନା
– ବିଜେପିକୁ ୧୦୬ ଓ ଶିବସେନାକୁ ୫୫ ଆସନ ମିଳିଥିଲା
– ହେଲେ ବିଜେପି ସହ ମିଶି ସରକାର ଗଢିବାକୁ ରାଜି ହେଲାନି ଶିବସେନା
– ଏନସିପିରକୁ ସାଙ୍ଗରେ ନେଇ ସରକାର ଗଢିବାକୁ ପ୍ରସ୍ତୁତ ହେଲା ବିଜେପି
– ମୁଖ୍ୟମନ୍ତ୍ରୀ ଭାବେ ଶପଥ ନେଇଗଲେ ଦେବେନ୍ଦ୍ର ଫଡନବିସ
– ହେଲେ ଶେଷ ମୁହୂର୍ତରେ ପଲଟିଗଲେ ଏନସିପିର ଅଜିତ ପାୱାର
– ଶିବସେନା ସହ ମିଶି ସରକାର ଗଢିଲେ ଏନସିପି ଓ କଂଗ୍ରେସ
– ଏକକ ସଂଖ୍ୟା ଗରିଷ୍ଠ ଦଳ ହୋଇ ସୁଦ୍ଧା ବିରୋଧୀ ଆସନରେ ବସିଲା ବିଜେପି
– ତେଣୁ ଶିବସେନାଠାରୁ ପ୍ରତିଶୋଧ ନେବାକୁ ସୁଯୋଗ ଖେଜୁଥିଲେ ଫଡନବିସ
– ଏକନାଥ ଗୋଷ୍ଠୀରୁ ଅସନ୍ତୋଷରୁ ଫାଇଦା ନେବାକୁ ପ୍ରସ୍ତୁତ ହେଲା ରଣନୀତି
– ଏକନାଥ ଗୋଷ୍ଠୀରେ ଦୁଇ ତୃତୀୟାଂଶ ବିଧାୟକ ରହିବା ଜରୁରୀ ଥିଲା
– ଫଳରେ ଆଗକୁ ଆଇନଗତ ସମସ୍ୟା ଆସିଲେ ବି ମୁକାବିଲା କରିହେବ
– ଏବେ ସିନ୍ଦେ ଗୋଷ୍ଠୀକୁ ସାଙ୍ଗରେ ନେଇ ପୁଣି କ୍ଷମତାରେ ବସିବ ବିଜେପି
– ଉଦ୍ଧବ ଇସ୍ତଫା ଦେଇସାରିଥିବା ବେଳେ ମୁଖ୍ୟମନ୍ତ୍ରୀ ଆସନରେ ବସିବେ ଫଡନବିସ