କୋର୍ଟରେ ହାଜର ହେବେ ଲେଡି ବ୍ଲାକମେଲର ଅର୍ଚ୍ଚନା ନାଗ : ରିମାଣ୍ଡରେ ନେଇ ଖୋଳତାଡ କରିବ ଇଡି
କନକ ବ୍ୟୁରୋ : ଅର୍ଚ୍ଚନାଙ୍କ ଆୟର ଉତ୍ସ ଏବଂ କୋଟିପତି ହେବା ପଛର ଗୁମର ଫିଟାଇବ ଇଡି । ଲେଡି ବ୍ଲାକମେଲର ଅର୍ଚ୍ଚନା ନାଗ ଆଜି କୋର୍ଟରେ ହାଜର ହେବେ । ଏହାପରେ ଇଡି ଅର୍ଚ୍ଚାନଙ୍କୁ ରିମାଣ୍ଡରେ ନେବାକୁ ଆବେଦନ କରିବ । ହନିଟ୍ରାପ ମାମଲାରେ ଅନେକ ବଡ ବଡିଆଙ୍କୁ ଇଡି ଜେରା କରିସାରିଛି । ତେଣୁ ଏବେ ଅର୍ଚ୍ଚନାଙ୍କ ପାଳି ପଡିଛି । ଅର୍ଚ୍ଚନା ନାଗ ଇଡି ଅଫିସରେ ହାଜର ହେବେ ତେଣୁ ଦୁଇ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଏଥିସହ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆର୍ଥିକ କାରବାରର ଖିଅ ଖୋଜୁଥିବା ଇଡି ଅର୍ଚ୍ଚନାଙ୍କୁ ରିମାଣ୍ଡରେ ନେଇ ଜେରା କରିବା ସହିତ ଅନେକ କିଛି ଗୁମର ଫିଟାଇବାକୁ ଲକ୍ଷ୍ୟ ରଖିଛି । ଅର୍ଚ୍ଚନା କିଭଳି କୋଟିପତି ହେଲେ, ଦାମୀ କାର ପାଇଁ ନଗଦ କାରବାର ପଛର ରହସ୍ୟ ଆଦିକୁ ନେଇ ଇଡି ଆଜି ଜେରା କରିବ । ସବୁଠାରୁ ବଡ କଥା ହେଲା ଏତେ କମ୍ ସମୟରେ ଅର୍ଚ୍ଚନା କିଭଳି କୋଟିପତି ହେଲେ ଏବଂ ତାଙ୍କ ଆୟର ଉତ୍ସ କଣ ରହିଛି । ଏବେ ସୁଦ୍ଧା ଇଡି ୯ ଜଣଙ୍କୁ ଜେରା କରି ସାରିଛି । ଆଗକୁ ଆହୁରି ୬ ଜଣଙ୍କୁ ଇଡି ଜେରା କରିବ ବୋଲି ସୂଚନା ରହିଛି । ସେପଟେ କମିଶନରେଟ ପୋଲିସ ମଧ୍ୟ ଇ-ମେଲ ଯୋଗେ ଇଡିକୁ କିଛି ତଥ୍ୟ ଦେଇଛି । ପୋଲିସ କଣ ସବୁ ଡକ୍ୟୁମେଣ୍ଟ ଜବତ କରିଛି ତାର ତଥ୍ୟ ଦେଇଥିବା ସୂଚନା ରହିଛି ।