କୋରାପୁଟ ପଟାଙ୍ଗି ମଣ୍ଡିରୁ ଉଠୁନି ମାଣ୍ଡିଆ : ୪ହଜାର କ୍ୱିଂଟାଲ ମାଣ୍ଡିଆ କିଣିବା ପାଇଁ ଲ୍ୟାମ୍ପ୍ସକୁ ଦିଆଯାଇଥିଲା ଟାର୍ଗେଟ
୨୭ଶହ କ୍ୱିଂଟାଲ ମାଣ୍ଡିଆ ଉଠାଇବା ପରେ ବନ୍ଦ ହୋଇଗଲା ମଣ୍ଡି; ଚାଷୀଙ୍କ ଭିତରେ ପ୍ରବଳ ଅସନ୍ତୋଷ
କନକ ବ୍ୟୁରୋ : ମଣ୍ଡିରୁ ଉଠୁନି ମାଣ୍ଡିଆ । ମଣ୍ଡିରେ ଅବ୍ୟବସ୍ଥା ନେଇ ଚାରିଆଡୁ ଖବର ଭିତରେ କୋରାପୁଟ ଜିଲ୍ଲା ପଟାଙ୍ଗୀରୁ ଆସିଛି ଏହିଭଳି ଖବର । ଚାଷୀଙ୍କଠାରୁ ସରକାରୀ ଦରରେ ମାଣ୍ଡିଆ କିଣିବା ପାଇଁ ଏଠାରେ ଜାନୁଆରୀ ୨୧ ତାରିଖରୁ ମଣ୍ଡି ଖୋଲା ଯାଇଥିଲା । ମଣ୍ଡି ଜିରଆରେ ଚାଷୀଙ୍କଠାରୁ ୪ ହଜାର କ୍ୱିଂଟାଲ ମାଣ୍ଡିଆ କିଣିବା ପାଇଁ ପଟାଙ୍ଗୀ ଲ୍ୟାମ୍ପ୍ସକୁ ଟାର୍ଗେଟ୍ ଦିଆଯାଇଥିଲା । ହେଲେ ଏହାରି ଭିତରେ କେବଳ ୨୭ଶହ କ୍ୱିଂଟାଲ ମାଣ୍ଡିଆ କିଣିବା ପରେ ବନ୍ଦ ହୋଇଯାଇଛି ମଣ୍ଡି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ମଣ୍ଡି ବାହାରେ ୬ଶହ କ୍ୱିଂଟାଲରୁ ଅଧିକ ମାଣ୍ଡିଆ ଧରି ବସି ରହିଥିବା ଚାଷୀଙ୍କ ଭିତରେ ପ୍ରବଳ ଅସନ୍ତୋଷ ଦେଖାଦେଇଛି । ଏପରିକି ଚାଷୀ ବିକ୍ରି କରିପାରିନଥିବା ମାଣ୍ଡିଆକୁ ଫେରାଇ ନେବା ପାଇଁ ପଟାଙ୍ଗି ଲ୍ୟାମ୍ପ୍ସର ଏମଡି କହିଥିବା ଅଭିଯୋଗ ହୋଇଛି । ସରକାରୀ ପ୍ରୋତ୍ସାହନରେ ଚାଷୀ ଏଥର ଅଧିକ ମାଣ୍ଡିଆ ଚାଷ କରିଥିବାବେଳେ ମଣ୍ଡିରେ ମାଣ୍ଡିଆ ଉଠୁନି । ଏପରିକି ଖର୍ଚ୍ଚାନ୍ତ ହୋଇ ଚାଷୀ ମାଣ୍ଡିଆ ଧରି ମଣ୍ଡିରେ ପହଂଚିଥିବା ବେଳେ ଏହାକୁ ଫେରାଇ ନେବା ପାଇଁ କୁହାଯାଉଛି ।