କେକେଆର ବିଜୟୀ : ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ୮୧ ରନ ହରାଇଲା କୋଲକତା
କନକ ବ୍ୟୁରୋ : କୋଲକତାରେ କେକେଆର କମାଲ । ଇଡେନ ଗାର୍ଡେନରେ ଖେଳାଯାଇଥିବା ଏହି ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ୮୧ ରନ ହରାଇଛି କୋଲକତା । ରହମୁନୁଲା ଗୁରୁବାଜ ଓ ଶାର୍ଦୁଳ ଠାକୁରଙ୍କ ବିସ୍ଫୋରକ ଅର୍ଦ୍ଧଶତକ ବଳରେ ୨୦୪ କରିଥିଲା ଘରୋଇ ଦଳ । ବେଙ୍ଗାଲୁରୁ ୧୮ ଓଭରରେ ଅଲଆଉଟ୍ ହୋଇ ମାତ୍ର ୧୨୩ ରନ ସଂଗ୍ରହ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ବିରାଟ କୋହଲି, ଫାଫ୍ ଡୁପ୍ଲେସେସ୍ ଆଉଟ ହେବା ପରେ ଫେର ମାରିଥିଲେ ସବୁ ବ୍ୟାଟର । କୋଲକତା ପକ୍ଷରୁ ବରୁଣ ଚକ୍ରବର୍ତ୍ତୀ ସର୍ବାଧିକ ୪ ଟି ୱିକେଟ୍ ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିରାଟ କୋହଲି, ଫାପ୍ ଡୁ ପ୍ଲେସିସ୍, ଗ୍ଲେନ୍ ମ୍ୟାକ୍ସୱେଲ୍, ଦୀନେଶ କାର୍ତ୍ତିକ ପ୍ରମୁଖ କେହି ବି ଦଳକୁ ରକ୍ଷା କରିପାରିନଥିଲେ । ଭେଙ୍କଟେଶ ଆୟରଙ୍କ ବଦଳରେ ଇମ୍ପାକ୍ଟ ଖେଳାଳି ଭବେ ଆସି ଆଇପିଏଲ୍ ପଦାର୍ପଣ କରିଥିବା ଅନକ୍ୟାପ୍ଡ ସୂୟାସଙ୍କ ୩ ୱିକେଟ୍ ସଫଳତା ସବୁଠାରୁ ଚର୍ଚ୍ଚାରେ ରହିଥିଲା । ସେ ମଧ୍ୟ ପ୍ରତିପକ୍ଷର ଇମ୍ପାକ୍ଟ ପ୍ଲେୟାର୍ ଅନୂଜ ରାୱତଙ୍କୁ ଆଉଟ୍ କରିଥିଲେ । ଏହି ୩ ସ୍ପିନର୍ ମିଳିତ ଭାବେ ୯ ୱିକେଟ୍ ଅକ୍ତିଆର କରିବାରୁ ଆର୍ସିବି ୧୦୦ ରନ୍ ପୂର୍ବରୁ ୯ ୱିକେଟ୍ ହରାଇଥିଲା । ପ୍ରଥମ ଥର ପାଇଁ ଚଳିତ ସଂସ୍କରଣରେ ଏକ ଦଳ ଅଲ୍ ଆଉଟ୍ ହୋଇଯାଇଥିଲା।