ବଡ ମ୍ୟାଚ୍ ପୂର୍ବରୁ ରସିଦଙ୍କୁ ବ୍ୟାଟ୍ ଗିଫ୍ଟ କଲେ କୋହଲି । ଆଜି ମୈଦାନରେ ମୁହାଁମୁହିଁ ହେବେ ଉଭୟଙ୍କ ଟିମ୍ ।
କନକ ବ୍ୟୁରୋ : ଗୁଜୁରାଟ ବିପକ୍ଷ ମ୍ୟାଚରେ ବାଙ୍ଗାଲୋର ଟିମ୍ ପାଇଁ ଆଜି କର ବା ମର ସ୍ଥିତି । ଯଦି ବାଙ୍ଗାଲୋର ବିଜୟୀ ହେଉଛି ତେବେ ଦିଲ୍ଲୀ ଓ ମୁମ୍ବାଇ ମ୍ୟାଚର ଫଳାଫଳକୁ ଅପେକ୍ଷା କରିବାକୁ ପଡିବ । ଏପରିକି ମୁମ୍ବାଇ ଏହି ମ୍ୟାଚରେ ବିଜୟୀ ହେଲେ ହିଁ ବାଙ୍ଗାଲୋର ପାଇଁ ପ୍ଲେ-ଅଫ୍ ବାଟ ଫିଟିବ । ତେବେ ଏହି ବଡ ମ୍ୟାଚ୍ ପୂର୍ବରୁ ବାଙ୍ଗାଲୋର ଓ ଗୁଜୁରାଟ ଟିମର ଖେଳାଳୀ ପଡିଆରେ ଖୁବ ଝାଳ ବୁହାଇଛନ୍ତି । ଉଭୟ ଟିମର ଖେଳାଳୀ ପଡିଆରେ ମଜାମସ୍ତି କରୁଥିବାର ଦେଖିବାକୁ ମିଳିଛି । ଆଉ ଏହି ସମୟରେ ବାଙ୍ଗାଲୋରର ପୂର୍ବତନ ଅଧିନାୟକ ବିରାଟ କୋହଲି ଗୁଜୁରାଟ ଟିମର ଅଲରାଉଣ୍ଡର ରସିଦ ଖାନଙ୍କୁ ଏକ ବ୍ୟାଟ୍ ଉପହାର ଆକାରରେ ଦେଇଛନ୍ତି । ଆଉ ଏ ବାବଦରେ ସୋସିଆଲ ମିଡ଼ିଆରେ ଏକ ଭିଡ଼ିଓ ସେୟାର ଜଣାଇଛନ୍ତି ରସିଦ ଖାନ୍ ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ଭିଡ଼ିଓ ସେୟାର କରି ରସିଦ କହିଛନ୍ତି, କୋହଲିଙ୍କ ସହ ଭେଟଘାଟ ସବୁବେଳେ ସ୍ୱତନ୍ତ୍ର । ଉପହାରରେ ବ୍ୟାଟ ଦେଇଥିବାରୁ ଧନ୍ୟବାଦ । ଏସବୁ ଭିତରେ ଗୁଜୁରାଟ ପାଇଁ ଏହି ମ୍ୟାଚ୍ ଏତେ ଗୁରୁତ୍ୱ ବହନ କରୁନାହିଁ । ତେଣୁ ପୂର୍ବ ମ୍ୟାଚ୍ ଗୁଡିକରେ ଚୂଡାନ୍ତ ଏକାଦଶରେ ସ୍ଥାନ ପାଇନଥିବା ଖେଳାଳୀଙ୍କୁ ଦଳ ସୁଯୋଗ ଦେଇପାରେ । ଦଳ ଏବେ ପଏଣ୍ଟ ଟେବୁଲର ଶୀର୍ଷରେ ରହିଥିବା ବେଳେ ପ୍ଲେ-ଅଫରେ ଏଣ୍ଟ୍ରି କରି ସାରିଛି ।