ସାମ୍ବାଦିକଙ୍କ ପ୍ରଶ୍ନ ଶୁଣି ଚମକି ପଡିଲେ ଉପ ମୁଖ୍ୟମନ୍ତ୍ରୀ, ମାଇକ୍ ଫିଙ୍ଗି ଇଣ୍ଟରଭ୍ୟୁ ବର୍ଜନ
କନକ ବ୍ୟୁରୋ : ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ କେଶପ ପ୍ରସାଦ ମୌର୍ଯ୍ୟଙ୍କ ରାଗ ଦେଖିବାକୁ ମିଳିଛି ଏକ ଇଣ୍ଟରଭ୍ୟୁରେ । ସେଠାରେ ଯେତେବେଳେ ସାମ୍ବାଦିକ ଜଣଙ୍କ ତାଙ୍କୁ ଧର୍ମ ସଂସଦ ସହିତ ଜଡିତ କିଛି ପ୍ରଶ୍ନ ପଚାରିଥିଲେ ସେତେବେଳେ ସେ ଏତେ ରାଗି ଯାଇଥିଲେ କି ଇଣ୍ଟରଭ୍ୟୁ ଛାଡି ଚାଲିଯିବା ସହ ମାଇକ ଫିଙ୍ଗି ଦେଇଥିଲେ । ସେ କହିଥିଲେ କି ଧର୍ମ ସଂସଦ ନିର୍ବାଚନ ସହିତ ଜଡିତ ପ୍ରସଙ୍ଗ ନୁହେଁ ଏହାସହ ସାଧୁସନ୍ଥମାନେ ସେମାନଙ୍କ ମଞ୍ଚରେ ତାଙ୍କର ମତ ରଖିବାର ଅଧିକାର ରହିଛି ବୋଲି ୟୁପି ଉପ ମୁଖ୍ୟମନ୍ତ୍ରୀ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମରେ ଇଣ୍ଟରଭ୍ୟୁ ଚାଲିଥିବା ବେଳେ ଉତ୍ତର ପ୍ରଦେଶ ଉପ ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କୁ ସାମ୍ବାଦିକ ଜଣଙ୍କ ହରିଦ୍ୱାର ଓ ରାୟପୁରରେ ହୋଇଥିବା ଧର୍ମ ସଂସଦ ଉପରେ ପ୍ରଶ୍ନ ପଚାରିଥିଲେ । ଏହି ପ୍ରଶ୍ନ ଶୁଣିବା ପରେ ମୌର୍ଯ୍ୟ ଏତେ ରାଗିଯାଇଥିଲେ କି ମାଇକ ଫିଙ୍ଗିଦେଇ ଇଣ୍ଟରଭ୍ୟୁରୁ ବାହାରି ଯାଇଥିଲେ । କେବଳ ସେତିକି ନୁହେଁ ମୌର୍ଯ୍ୟ ତାଙ୍କ ସୁରକ୍ଷାକର୍ମୀଙ୍କୁ ଡାକି ଇଣ୍ଟରଭ୍ୟୁରେ ସୁଟିଂ ହୋଇଥିବା ଭିଡିଓ ଫୁଟେଜ ବି ଡିଲିଟ କରାଇ ଦେଇଥିଲେ । ଏହାପରେ କୌଣସି ପ୍ରକାର ଭିଡିଓ ଫୁଟେଜଗୁଡିକୁ ଚ୍ୟାନେଲ ପକ୍ଷରୁ ରିକୋଭରୀ କରାଯାଇଛି ।
କହିରଖୁ କି ଉକ୍ତ ଇଣ୍ଟରଭ୍ୟୁରେ ସାମ୍ବାଦିକ ଜଣଙ୍କ ଧର୍ମ ସଂସଦରେ ମୁସଲିମ ଓ ମହାତ୍ମା ଗାନ୍ଧୀଙ୍କୁ ନେଇ ସାଧୁମାନେ ଯେଭଳି ଭାବେ ଅବଶବ୍ଦ ବ୍ୟବହାର କରିଥିଲେ ତାହା ଉପରେ ପ୍ରଶ୍ନ ପଚାରିଥଲେ । ଏନେଇ ମୌର୍ଯ୍ୟ କହିଥିଲେ କି ବିଜେପିକୁ କୌଣସି ପ୍ରକାର ପ୍ରମାଣ ପତ୍ରର ଆବଶ୍ୟକତା ନାହିଁ , ବିଜେପି କେବସ ସବକା ସାଥ ଓ ସବକା ବିକାଶ ଉପରେ ଆଲୋଚନା କରିବାକୁ ଚାହେଁ ବୋଲି ମୌର୍ଯ୍ୟ କହିଥିଲେ ।
ମୌର୍ଯ୍ୟ ଆହୁରି ଜମ୍ମୁ କାଶ୍ମୀରର ଉଦାହରଣ ଦେଇ କହିଥିଲେ କି ଜମ୍ମୁ-କାଶ୍ମୀରରୁ ୩୭୦ ହଟାଯିବା ପୁର୍ବରୁ କେତେ ଲୋକ ସେଠାରୁ ପଳାୟନ କରିଥିଲେ ତାହା ଉପରେ କାହିଁକି ପ୍ରଶ୍ନ ପଚରାଯାଉ ନାହିଁ । ଅନ୍ୟପଟେ ଧର୍ମ ସଂସଦ ଭାରତୀୟ ଜନତା ପାର୍ଟି ଦ୍ୱାରା ଆୟୋଜିତ କରାଯାଇଥିଲା କି ବୋଲି ସେ ଉଲଟା ସାମ୍ବାଦିକଙ୍କୁ ପ୍ରଶ୍ନ କରିଥିଲେ । ସାଧୁସନ୍ଥମାନେ ସେମାନଙ୍କ ସଂସଦରେ କଣ ବୟାନ ରଖିବେ ତାହା ସେମାନଙ୍କ ଉପରେ ନିର୍ଭର କରେ ବୋଲି ମୌର୍ଯ୍ୟ ସ୍ପଷ୍ଟ କରିଥିଲେ ।