ଡ୍ରୋନ ଆକ୍ରମଣରେ ଭାରତୀୟ ଆଇଏସଆଇଏସ ଯୁବକର ମୃତ୍ୟୁ !
କନକ ବ୍ୟୁରୋ : ଡ୍ରୋନ ଆକ୍ରମଣରେ ଭାରତୀୟ ଆଇଏସଆଇଏସ ଯୁବକର ମୃତ୍ୟୁ ହୋଇଛି । ଗତ ଶୁକ୍ରବାର ଆଇଏସଆଇଏସ ଆତଙ୍କବାଦୀଙ୍କ ଉପରେ ସେନା ତରଫରୁ ଡ୍ରୋନ ଆକ୍ରମଣ କରାଯାଇଥିଲା । ଏହି ଆକ୍ରମଣରେ ଭାରତୀୟ ଯୁବକ ହଫିସୁୁଦ୍ଧିନ ଟି.କୋଲେଥଙ୍କ ମୃତ୍ୟୁ ହୋଇଛି । ଏକଥା ହଫିସୁଦ୍ଧିନଙ୍କ ପରିବାର ଲୋକ ସ୍ୱୀକାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେରଳ କାସଗୋଡା ଜିଲ୍ଲା ପଡେନ ଗାଁର ହଫିସୁଦ୍ଧିନ ୨୦୧୬ ମସିହାରେ ୨୧ ଜଣିଆ ଗ୍ରୁପ ସହ ଭାରତରୁ ଫେରାର ହୋଇ ଆଇଏସଆଇଏସରେ ସାମିଲ ହୋଇଥିଲା । ହାଫିଜର ମାଆକୁ ଆଇଏସ ଆତଙ୍କବାଦୀ ଅସଫାକ ମାଜିଦ ଟେଲିଗ୍ରାମ କରି ହଫିସୁଦ୍ଧିନ ଡ୍ରୋନ ଆକ୍ରମଣରେ ସହିଦ ହୋଇଥିବା ଜଣାଇଛି । ସୂଚନା ଅନୁସାରେ ହଫିଜୁଦ୍ଧିନଙ୍କୁ ଆଫଗାନିସ୍ତାନରେ ହିଁ ତାର ସାଥୀମାନେ କବର ଦେଇଛନ୍ତି । ଏସବୁ ସୂଚନା ଏନଆଇଏ ମଧ୍ୟ ଜାଣିଥିବା କୁହାଯାଉଛି ।