ମହିଳା ସରପଂଚଙ୍କୁ ସଂଘବଦ୍ଧ ଆକ୍ରମଣ : ସମସ୍ତଙ୍କ ସମୁଖରେ ୫ଜଣ ଆକ୍ରମଣ କରିଥିବା ଅଭିଯୋଗ ଆଣିଲେ ସଂରପଂଚ ରେଣୁବାଳା ପଲେଇ
ଥାନାରେ ମାମଲା, କରୋନା ଫାଇଲକୁ ହୋଇଥିଲା ବିବାଦ
କନକ ବ୍ୟୁରୋ : ସର୍ବ ସମ୍ମୁଖରେ ମହିଳା ସରପଂଚଙ୍କୁ ସଂଘବଦ୍ଧ ଭାବେ ଆକ୍ରମଣ । ଢ଼େଙ୍କାନାଳ ଜିଲ୍ଲା ପରଜଙ୍ଗ ବ୍ଲକ କଙ୍କିଳି ପଂଚାୟତରେ ଦେଖିବାକୁ ମିଳିଛି ଏହି ଘଟଣା । ସୂଚନା ମୁତାବକ ମହିଳା ସରପଂଚ ରେଣୁବାଳା ପଲେଇଙ୍କୁ କଙ୍କିଳି ଗାଁର ଗୋଟିଲ ପରିବାରର ୫ଝଣ ସଦସ୍ୟ ସଂଘବଦ୍ଧ ଭାବେ ଆକ୍ରମଣ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ, କଙ୍କିଳି ଗାଁର ଲତାଙ୍ଗୀନ ସାହୁ ତାଙ୍କ ସ୍ୱାମୀ ରଂଜନ କୁମାର ସାହୁ ଏବଂ ଦୁଇ ପୁଅ ଓ ଶଶ୍ୱୁର ମିଶି ସରପଂଚକୁ କୋଭିଡ ଫାଇଲ ମାଗିଥିଲେ । କୋଭିଡ ଫାଇଲ ତାଙ୍କ ପାଖରେ ନାହିଁ କାର୍ଯ୍ୟ ନିର୍ବାହୀ ଅଧିକାରୀଙ୍କ ପାଖରେ ଅଛି ସେ ଆସିଲେ ଫାଇଲ ଦେବି ବୋଲି କହିଥିଲେ । ହେଲେ ଲତାଙ୍ଗୀନ ସାହୁଙ୍କ ପରିବାର ଲୋକେ ଉତକ୍ଷିପ୍ତ ହୋଇ ସରପଂଚଙ୍କୁ ସର୍ବସମ୍ମୁଖରେ ଘୋଷାଡ଼ି ଘୋଷାଡି ମାଡ଼ ମାରିଥିଲେ । ସରପଂଚଙ୍କ ସ୍ୱାମୀ ଉଦ୍ଧାର କରିବାକୁ ଗଲା ବେଳେ ତାଙ୍କୁ ମଧ୍ୟ ମାଡ ମାରିବା ସହ ଜୀବନରୁ ମାରି ଦେବାକୁ ଆକ୍ରମଣକାରୀମାନେ ଧମକ ମଧ୍ୟ ଦେଇଥିବା ସରପଂଚ ଥାନାରେ ଅଭିଯୋଗ ମଧ୍ୟ କରିଛନ୍ତି ।