ଘଡ଼ଘଡ଼ି ସହ ପ୍ରବଳ ବର୍ଷା ସମ୍ଭାବନା ! ୮ଟି ଜିଲ୍ଲା ପାଇଁ ସର୍ତକ ସୂଚନା ଜାରି କଲା ପାଣିପାଗ ବିଭାଗ, ମାଲକାନଗିରିରେ କାଳବୈଶାଖୀର ତାଣ୍ଡବ
କନକ ବ୍ୟୁରୋ : ମାଲକାନଗିରିରେ କାଳବୈଶାଖୀ ତାଣ୍ଡବ । ଆଜି ସକାଳୁ ମାଲକାନଗିରିରେ ପ୍ରବଳ ବେଗରେ ବର୍ଷା ହେବା ସହ ପବନ ବୋହିଛି । ପ୍ରବଳ ବେଗରେ ପବନ ବୋହିବା ଯୋଗୁଁ ବିଭିନ୍ନ ସ୍ଥାନରେ ଗଛ ଭାଙ୍ଗି ରାସ୍ତାରେ ପଡିଥିବାରୁ ଯୋଗାଯୋଗ ବିଚ୍ଛିନ୍ନ ହୋଇଛି । ଘର ବି କ୍ଷତିଗ୍ରସ୍ତ ହୋଇଛି । ଗଛ ପଡି ୩ ଜଣଙ୍କ ଅବସ୍ଥା ଗୁରୁତର ହୋଇଥିବା ସୂଚନା ମିଳିଛି । ସେମାନଙ୍କ ମଧ୍ୟରେ ଜଣେ ମହିଳା ଓ ୨ ଜଣ ଶିଶୁ ଥିବା ଜଣାପଡିଛି । ଗୋବିନ୍ଦପାଲ୍ଲୀରେ ଗଛପଡି ଜାତୀୟ ରାଜପଥ ଅବରୋଧ ହୋଇଯାଇଛି । ଜୟପୁର-ମାଲକାନଗିରି ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପାଣିପାଗ ବିଭାଗ ମଧ୍ୟ ଆସନ୍ତା ୨୪ ଘଂଟା ମଧ୍ୟରେ ନବରଙ୍ଗପୁର, ନୂଆପଡା. କୋରାପୁଟ କଳାହାଣ୍ଡି, କନ୍ଧମାଳ, ଗଞ୍ଜାମ, ରାୟଗଡ଼ା ଓ ଗଜପତିରେ ବର୍ଷା ହେବା ସହ ୫୦ରୁ ୬୦ କିଲୋମିଟର ବେଗରେ ପବନ ବୋହିବା ଚେତାବନୀ ଦେଇଛି । ଦିନ ୧୨ଟା ୪୫ ପର୍ଯ୍ୟନ୍ତ ଘଡ଼ଘଡ଼ି ସହ ବର୍ଷା ହୋବର ସମ୍ଭାବନା ରହିଛି । ଅନ୍ୟପଟେ କାଳବୈଶାଖୀ ବର୍ଷାରେ ଡଙ୍ଗା ବୁଡିଯିବାରୁ ବ୍ରହ୍ମଗିରିରେ ୪ ମତ୍ସ୍ୟଜୀବୀ ନିଖୋଜ ହୋଇଯାଇଛନ୍ତି । କାଲି ଚିଲିକାକୁ ମାଛ ମାରିବାକୁ ଯାଇଥିଲେ ମତ୍ସ୍ୟଜୀବୀ । ନିଖୋଜ ମତ୍ସ୍ୟଜୀବୀ କଣାସ ବ୍ଲକ କଉଡିଖୁଂଟି ଗାଁର ବୋଲି ଜଣାପଡିଛି । ଉଦ୍ଧାର ପାଇଁ ଅଗ୍ନିଶମ ବିଭାଗର ଉଦ୍ୟମ ଜାରି ରହିଛି ।