ମଙ୍ଗଳବାରରୁ ମଙ୍ଗଳା ମନ୍ଦିର ବନ୍ଦ ! ଭକ୍ତଙ୍କ ପାଇଁ ୪ ଦ୍ୱାର ବନ୍ଦ ଧମକ, ଜାଣନ୍ତୁ କାହିଁକି ?
କନକ ବ୍ୟୁରୋ : ଘନେଇଲା କାକଟପୁର ମଙ୍ଗଳା ମନ୍ଦିରରେ ଭକ୍ତଙ୍କୁ ସେବାୟତଙ୍କ ମାଡ ବିବାଦ । ପୁଲିସ ଓ ସେବାୟତଙ୍କ ଆଲୋଚନା ବିଫଳ ହେବା ପରେ ଧାରଣା ଜାରି ରଖିଲେ ସେବାୟତ । କହିଲେ, ପ୍ରତିବାଦ ଜାରି ରହିବା ସହ କାଲିଠୁ ଭକ୍ତଙ୍କ ପାଇଁ ମଙ୍ଗଳା ମନ୍ଦିରର ୪ ଦ୍ୱାର ବନ୍ଦ କରାଯିବ । ସେପଟେ ଭକ୍ତଙ୍କୁ ମାଡ ମାରିବା ଅଭିଯୋଗରେ ଗିରଫ ହୋଇଥିବା ୩ ସେବାୟତଙ୍କୁ ଆଜି ଜାମିନ ପ୍ରଦାନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କାକଟପୁର ମା’ ମଙ୍ଗଳାଙ୍କ ମନ୍ଦିରରେ ମହିଳା ଭକ୍ତଙ୍କୁ ସେବାୟତଙ୍କ ମାଡ ଘଟଣାକୁ ନେଇ ଅଭିଯୋଗ ପରେ ସେବାୟତଙ୍କୁ ଗିରଫ କରାଯାଇଥିଲା । ଯାହାକୁ ମନ୍ଦିରର ସେବାୟତମାନେ ବିରୋଧ କରି ମନ୍ଦିର ସାମନାରେ ଧାରଣା ଦେଇଛନ୍ତି । ଗତକାଲି ମଙ୍ଗଳାଙ୍କ ଦର୍ଶନ ପାଇଁ ପୁରୀରୁ ୨ ଜଣ କନଷ୍ଟେବଳଙ୍କ ପରିବାର ଆସିଥିବା ବେଳେ ମନ୍ଦିର ଜଗମୋହନ ନିକଟରେ ସେବାୟତମାନେ ସେମାନଙ୍କ ଅଟକାଇ କେଉଁଠୁ ଆସିଛ ବୋଲି ବାରମ୍ବାର ପଚାରିଥିଲେ । ପରେ ଦକ୍ଷିଣା ମାଗିବା ବେଳେ ଉଭୟ ପକ୍ଷ ମଧ୍ୟରେ ଝମେଲା ହୋଇଥିଲା । କିିଛି ସେବାୟତ ମହିଳାଙ୍କୁ ଠେଲାପେଲା କରିଥିବା ମଧ୍ୟ ଅଭିଯୋଗ ହୋଇଛି । ଏହି ପୂରା ଘଟଣାର ଚିତ୍ର କଏଦ ହୋଇଛି ସିସିଟିଭିରେ ।
ଏହି ଘଟଣା ପରେ କନଷ୍ଟେବଳଙ୍କ ପରିବାର ପକ୍ଷରୁ କାକଟପୁର ଥାନାରେ ଏତଲା ଦିଆଯାଇଥିଲା । ପୋଲିସ ଘଟଣାର ତଦନ୍ତ କରି ୩ ଜଣ ସେବାୟତଙ୍କୁ ଗିରଫ କରିଥିଲା । ତେବେ ଏହା ଏକପାଖିଆ କାର୍ଯ୍ୟାନୁଷ୍ଠାନ ଦର୍ଶାଇ ଆଜି ଭକ୍ତଙ୍କ ଠାରୁ ଭୋଗ ଗ୍ରହଣ ନକରିବାକୁ ମା’ ମଙ୍ଗଳା ସେବକ ସମିତିର ବୈଠକରେ ସେବାୟତମାନେ ନିଷ୍ପତି ନେଇଛନ୍ତି । ଏହି ନିଷ୍ପତି ନେଇଥିଲେ ।