କନକ ବ୍ୟୁରୋ: ସୌର ମଣ୍ଡଳର ସବୁଠାରୁ ବୃହତ୍ତମ ଗ୍ରହ ବୃହସ୍ପତି ପୃଥିବୀର ଅତି ନିକଟତର ହେବ । ମାତ୍ର ୫ ଦିନ ପରେ ଆକାଶରେ ଦେଖାଦେବ ମହାଜାଗତିକ ଦୃଶ୍ୟ । ନାସା ବୈଜ୍ଞାନିକଙ୍କ କହିବା ଅନୁସାରେ ଏହି ବିରଳ ଘଟଣା ଦୀର୍ଘ ୫୯ ବର୍ଷ ପରେ ଘଟିବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପ୍ଟେମ୍ବର ୨୬ ତାରିଖ । ପୃଥିବୀର ନିକଟତର ହେବ ଗୁରୁ ଗ୍ରହ ବୃହସ୍ପତି । ଏହି ଦିନ ବୃହସ୍ପତି ସୂର୍ଯ୍ୟଙ୍କର ଠିକ ବିପରୀତ ଦିଗରେ ଦୃାଶ୍ୟମାନ୍ ହେବ । ଏହା ପୃଥିବୀ ପୃଷ୍ଠରୁ ଦୃଶ୍ୟମାନ ହେବ । ବୃହସ୍ପତିଙ୍କର ଏହି ଚଳନକୁ ବୈଜ୍ଞାନିକ ଭାଷାରେ ‘ଅପୋଜିସନ୍’ ବୋଲି କୁହାଯାଉଛି ।
NASA says Jupiter is at its closest in 59 years https://t.co/JaYFkDqBDh pic.twitter.com/E2jAlskNrE
— SPACE.com (@SPACEdotcom) September 19, 2022
ଅବଶ୍ୟ ବୃହସ୍ପତିଙ୍କର ଅପୋଜିସନ ଏକ ସାମାନ୍ୟ ପ୍ରକ୍ରିୟା । ପ୍ରତି ୧୩ ମାସରେ ଥରେ ବୃହସ୍ପତି ନିଜର ସ୍ଥାନ ପରିବର୍ତ୍ତନ କରନ୍ତି । ପ୍ରତିବର୍ଷ ପୃଥିବୀ ଓ ବୃହସ୍ପତି ପରସ୍ପରର ନିକଟତର ହୁଅନ୍ତି । କିନ୍ତୁ ଏଥର ୨୬ ତାରିଖରେ ଯାହା ଘଟିବ ତାହା ସବୁଠୁ ବିରଳ । କାରଣ ଏଥର ଦୁଇଟି ଗ୍ରହର ସବୁଠାରୁ ଅଧିକ ନିକଟତର ହେବେ । ଫଳରେ ଆକାଶରେ ଖାଲି ଆଖିରେ ବୃହସ୍ପତି ଗ୍ରହକୁ ଦେଖିହେବ ବୋଲି ନାସାର ବୈଜ୍ଞାନିକ ମାନେ ମତ ଦେଇଛନ୍ତି ।