ବିଶ୍ୱକପ ପୂର୍ବରୁ ଅଷ୍ଟ୍ରେଲିଆକୁ ବଡ ଝଟକା । ଆହତ ଯୋଗୁଁ ଦଳରୁ ବାଦ ପଡିଲେ ରିଚାର୍ଡସନ୍ ।
କନକ ବ୍ୟୁରୋ : ଆସନ୍ତା ୩୦ ତାରିଖରୁ ଆରମ୍ଭ ହେବାକୁ ଯାଉଛି ୨୦୧୯ ବିଶ୍ୱକପ । ତେବେ ଏହା ପୂର୍ବରୁ ଅଷ୍ଟ୍ରେଲିଆକୁ ଲାଗିଛି ବଡ ଝଟକା । ଅନ୍ତର୍ଜାତୀୟ କ୍ରିକେଟ ପରିଷଦ ଦିନିକିଆ ବିଶ୍ୱକପ୍ ନିକଟତର ହୋଇଥିବାରୁ ଏଥିରେ ଅଂଶଗ୍ରହଣ କରୁଥିବା ଦେଶଗୁଡ଼ିକ ନିଜର ଜାତୀୟ ଟିମ୍ ଘୋଷଣା କରିସାରିଛନ୍ତି । ଏବେ ବିଶ୍ୱର ଶକ୍ତିଶାଳୀ ଟିମର ଖେଳାଳି ଆହତ ହୋଇଥିବା ଗଣମାଧ୍ୟମରୁ ଜଣାପଡ଼ିଛି, ଯେଉଁଥି ପାଇଁ ତାଙ୍କୁ ଟିମରେ ସ୍ଥାନ ମିଳିବ ନାହିଁ । ଆଘାତ ଯୋଗୁଁ ଟିମରୁ ବାଦ୍ ପଡ଼ିଥିବା ଖେଳାଳି ଜଣକ ହେଉଛନ୍ତି ବୋଲର ଜଏ ରିଚାର୍ଡସନ୍ ।
Kanak News is now on WhatsApp
Join and get latest news updates delivered to you via WhatsApp
ରିଚାର୍ଡସନ୍ଙ୍କୁ ମାର୍ଚ୍ଚରେ ସାରଜାରେ ପାକିସ୍ତାନ ବିରୋଧରେ ହୋଇଥିବା ଶୃଙ୍ଖଳାର ୨ୟ ଦିନିକିଆ ମ୍ୟାଚ୍ରେ ଆଘାତ ଲାଗିଥିଲା, ଯେଉଁଥିରୁ ସେ ଏବେ ଯାଏଁ ଠିକ୍ ହୋଇପାରି ନାହାନ୍ତି । କ୍ରିକେଟ ଅଷ୍ଟ୍ରେଲିଆ ବୁଧବାର କହିଛି, କେନ୍ ରିଚାର୍ଡସନ୍ଙ୍କୁ ଜଏ ରିଚାର୍ଡସନ୍ଙ୍କ ସ୍ଥାନରେ ଟିମ୍ରେ ସାମିଲ କରାଯାଇଛି। ଜଏ ଭାରତ ବିପକ୍ଷରେ ୫ ଦିନିକିଆ ଶୃଙ୍ଖଳାରେ ଭଲ ବୋଲିଂ କରି ମୋଟ ୭ ଓ୍ଵିକେଟ ନେଇଥିଲେ। ସେ ଏଯାଏଁ ୧୨ଟି ଦିନିକିଆ ମ୍ୟାଚ୍ ଖେଳି ୨୬ଟି ଓ୍ଵିକେଟ୍ ନେଇଛନ୍ତି ।