କୃଷକଙ୍କ ପାଇଁ ଝାଡଖଣ୍ଡ ସରକାରଙ୍କ ବଡ ଘୋଷଣା । ଚାଷୀଙ୍କୁ ଏକର ପିଛା ଦିଆଯିବ ୫ହଜାର ଟଙ୍କା : ସର୍ବାଧିକ ଜଣେ ଚାଷୀଙ୍କୁ ୫ଏକର ଜମି ପାଇଁ ମିଳିବ ସହାୟତା
କୃଷକଙ୍କ ପାଇଁ ଝାଡଖଣ୍ଡ ସରକାରଙ୍କ ବଡ ଘୋଷଣା
କନକ ବ୍ୟୁରୋ : କୃଷକଙ୍କ ପାଇଁ ଝାଡଖଣ୍ଡ ସରକାରଙ୍କ ବଡ ଘୋଷଣା । ରାଜ୍ୟର ୨୨ ଲକ୍ଷ ୭୬ ହଜାର କୃଷକଙ୍କ ପାଇଁ ୨୨ ଶହ ୫୦ କୋଟି ଟଙ୍କାର ଯୋଜନା ଘୋଷଣା କରିଛନ୍ତି ରଘୁବର ଦାସ ସରକାର । ଏହି ଯୋଜନା ଦ୍ୱାରା ୨୦୨୨ ସୁଦ୍ଧା ଚାଷୀଙ୍କ ଆୟ ଦୁଇ ଗୁଣା ହେବ ବୋଲି ସରକାର ଆଶା ରଖିଛନ୍ତି । ୨୦୧୯-୨୦ ଆର୍ଥିକ ବର୍ଷରୁ କାର୍ଯ୍ୟକ୍ଷମ ହେବ ମୁଖ୍ୟମନ୍ତ୍ରୀ କୃଷି ଆର୍ଶୀବାଦ ଯୋଜନା । ଏହି ଯୋଜନାରେ ଆସନ୍ତା ଆର୍ଥିକ ବର୍ଷରୁ ମଧ୍ୟମ ଏବଂ ସ୍ୱଳ୍ପ ଆୟ ଥିବା ଚାଷୀଙ୍କୁ ଏକର ପିଛା ୫ ହଜାର ଟଙ୍କା ମିଳିବ । ୧ ଏକରରୁ କମ୍ ଥିଲେ ବି ଏହି ସୁବିଧା ପାଇବେ ଚାଷୀ । ଚେକ୍ ଏବଂ ଡାଇରେକ୍ଟ ବେନିଫିଟ୍ ଟ୍ରାନ୍ସଫର ଅର୍ଥାତ୍ ସିଧାସଳଖ ବ୍ୟାଙ୍କ ଆକାଉଂଟକୁ ଏହି ଟଙ୍କା ପଠାଯିବାର ବ୍ୟବସ୍ଥା କରିବେ ସରକାର ।
Kanak News is now on WhatsApp
Join and get latest news updates delivered to you via WhatsApp
ଏହି ଟଙ୍କାରେ ଚାଷୀ ଆଉ ଅନ୍ୟ ଉପରେ ନିର୍ଭର ନକରି ନିଜ ଫସଲ ପାଇଁ ବିହନ, ସାର ଏବଂ ଅନ୍ୟାନ୍ୟ କୃଷୀ ସମ୍ବନ୍ଧୀୟ ଉପକରଣ କିଣିପାରିବେ ବୋଲି ମୁଖ୍ୟମନ୍ତ୍ରୀ ରଘୁବର ଦାସ କହିଛନ୍ତି । ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡରେ ସରକାର, ଚାଷୀଙ୍କ କୃଷି ଋଣ ଛାଡ କରିବା ପରେ ଝାଡଖଣ୍ଡ ସରକାର କୃଷକଙ୍କ ପାଇଁ ବଡ ଯୋଜନା ଘୋଷଣା କରିଛନ୍ତି ।