କନକ ବ୍ୟୁରୋ: ଝରାଫୁଲଙ୍କ ସନ୍ଦେହ ଜନକ ମୃତ୍ୟୁକୁ ନେଇ ପଡୁଛି ଉଠୁଛି ରାଜଧାନୀ । ଯାଜପୁରର ତଦନ୍ତକାରୀ ଟିମ ଭୁବନେଶ୍ୱରରେ ଡେରା ପକାଇଛି । ତଦନ୍ତ ଯେତିକି ଆଗଉଛି, ସେତିକି ନୂଆ ନୂଆ ତଥ୍ୟ ଓ ପ୍ରମାଣ ସାମନାକୁ ଆସିବାରେ ଲାଗିଛି । ଝରାଫୁଲଙ୍କ ମୃତଦେହକୁ ସ୍କୁଟିରେ ବୁହାଇ ନେଉଥିବା ଚିତ୍ର ସାମନାକୁ ଆସିବା ପରେ ଗେଷ୍ଟ ହାଉସରେ ସାଇଂଟିଫିକ ଟିମ ସହ ରେଡ ମାରିଛି କୁଆଖିଆ ପୋଲିସ । ଗେଷ୍ଟହାଉସରେ ଲାଗିଥିବା ସିସିଟିଭି କ୍ୟାମେରା, ରେଜିଷ୍ଟର ଓ ଗେଷ୍ଟହାଉସର କର୍ମଚାରୀଙ୍କୁ ଜେରା ପରେ ଜଣାପଡିଛି, ୨୬ ତାରିଖରୁ ୨୭ ତାରିଖ ସକାଳ ପର୍ଯ୍ୟନ୍ତ, ଝରାଫୁଲ ଓ ତାଙ୍କ ପୁରୁଷ ବନ୍ଧୁ ରାକେଶ ୨୦୧ ନମ୍ବର ରୁମରେ ରହିଥିଲେ । ୨୦୧ ନମ୍ବର ରୁମକୁ ସିଲ କରି ସାଇଂଟିଫିକ ଟିମ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ହାସଲ କରିଛି । ଯାହା ତଦନ୍ତ ପ୍ରକ୍ରିୟାକୁ ତ୍ୱରାନ୍ୱିତ କରିବାରେ ସାହାଯ୍ୟ କରିବ ।
Kanak News is now on WhatsApp
Join and get latest news updates delivered to you via WhatsApp
ମୃତଦେହ ମିଳିବାର ୨୪ ଘଂଟା ପୂର୍ବରୁ ପୁରୁଷ ବନ୍ଧୁ ରାକେଶଙ୍କ ସହିତ ଲଂଚ ପାଇଁ ଲିଙ୍ଗରାଜ ଷ୍ଟେସନ ନିକଟ ଏକ ଫାଷ୍ଟଫୁଡ ଦୋକାନକୁ ଯାଇଥିଲେ ଝରାଫୁଲ । ୨୬ ତାରିଖ ଦିନ ପ୍ରାୟ ୧୨ଟା ୨୦ ମିନିଟ ସମୟରେ ବିରିୟାନୀ ଖାଇବା ପାଇଁ ଦୋକାନରେ ପହଂଚିଥିଲେ ଉଭୟ।ହେଲେ ଖାଇବା ଆରମ୍ଭ ହେବା ଆଗରୁ ଝରାଫୁଲଙ୍କ ଦେହ ଖରାପ ହୋଇଯାଇଥିଲା । ପେଟ କାଟୁଛି, ଦେହ ଭଲ ଲାଗୁନି କହି କାନ୍ଦି ପକାଇଥିଲେ ଝରାଫୁଲ । ଶେଷରେ ବାନ୍ତି କରି ନିସ୍ତେଜ ହୋଇପଡିଥିଲେ । ଆଉ ଦିନ ଗୋଟାଏ ୫ ସମୟରେ ଉଭୟ ସ୍କୁଟି ଯୋଗେ ବାହାରି ଯାଇଥିଲେ । ଏ ସମସ୍ତ ଭିଡିଓ ଦୋକାନରେ ଲାଗିଥିବା କ୍ୟାମେରାରେ କଏଦ ହୋଇଯାଇôଥିଲା ।
ଅନ୍ୟପଟେ ପୋଲିସ ତଦନ୍ତ ବେଳେ ଜାଣିବାକୁ ପାଇଛି, ଗେଷ୍ଟହାଉସର ରୁମ ନମ୍ବର ୨୦୧ରୁ ବାହାରିବା ପୂର୍ବରୁ ଝରାଫୁଲଙ୍କ ମୃତ୍ୟୁ ହୋଇସାରିଥିଲା । ତେବେ ଝରାଫୁଲଙ୍କ ମୃତ୍ୟୁ ହେଲା କେମିତି? ଝରାଫୁଲ ମୃତ୍ୟୁ ପଛରେ ରହିଛି କାହାର ହାତ? ପୁରୁଷ ବନ୍ଧୁ ରାକେଶ ଓ ତାର ସହଯୋଗୀଙ୍କର ଏହି ମୃତ୍ୟୁ ସହିତ ରହିଛି କି ସମ୍ପର୍କ? ପୋଷ୍ଟମର୍ଟମ ରିପୋର୍ଟ , ଭିସେରା ରିପୋର୍ଟ, ସାଇଂଟିଫିକ ଟିମର ରିପୋର୍ଟ ଏବଂ ରିମାଣ୍ଡରେ ଆସିବା ପରେ ରାକେଶର ବୟାନ ଖୋଲିବ ଝରାଫୁଲ ମୃତ୍ୟୁ ପଛର ରହସ୍ୟ ।