ଏସିଆନ କ୍ରିକେଟ କାଉନସିଲର ସଭାପତି ହେଲେ ଜୟ ଶାହା । ଟ୍ୱିଟ କରି ସୂଚନା ଦେଲା ଏସିଆନ କ୍ରିକେଟ କାଉନସିଲ ।
କନକ ବ୍ୟୁରୋ: ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ(ବିସିସିଆଇ)ର ସଂପାଦକ ଜୟ ଶାହା ଏସିଆନ୍ କ୍ରିକେଟ୍ କାଉନସିଲର ସଭାପତି ଭାବରେ ଦାୟିତ୍ବ ଗ୍ରହଣ କରିଛନ୍ତି । ସେ ନାଜମୁଲ ହାସନ ପାପନଙ୍କ ସ୍ଥାନରେ ଅବସ୍ଥାପିତ ହୋଇଛନ୍ତି । ବିସିସିଆଇର କୋଷାଧ୍ୟକ୍ଷ ଅରୁଣ ଧୁମଲ “ଏସିଆନ୍ କ୍ରିକେଟ୍ କାଉନସିଲର ସଭାପତି ଭାବରେ ଦାୟିତ୍ୱ ଗ୍ରହଣ କରିଥିବାରୁ ଟୁଇଟର ଜରିଆରେ ଜୟ ଶାହାଙ୍କୁ ଅଭିନନ୍ଦନ ଜଣାଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ପ୍ରତି ଦୁଇ ବର୍ଷରେ ଏସିଆନ୍ କ୍ରିକେଟ୍ କାଉନସିଲର ସମସ୍ତ ସଦସ୍ୟଙ୍କ ମଧ୍ୟରୁ ଏହି ପଦବୀ ଲାଗି ଜଣଙ୍କୁ ମନୋନୀତ କରାଯାଏ । ଏହା ହେଉଛି ଏସିଆର ଆଞ୍ଚଳିକ ପ୍ରଶାସନିକ ସଂସ୍ଥା ଏବଂ ବର୍ତ୍ତମାନ ୨୪ ସଦସ୍ୟଙ୍କୁ ନେଇ ଗଠିତ । ଚଳିତ ବର୍ଷ ଅନୁଷ୍ଠିତ ହେବାକୁ ଯାଉଥିବା ଏସିଆ କପର ଆୟୋଜନ ଜୟ ଶାହାଙ୍କ ପାଇଁ ସବୁଠାରୁ ବଡ ଆହ୍ବାନ ହେବ ବୋଲି କୁହାଯାଉଛି।