ଜମ୍ମୁ-କାଶ୍ମୀରରେ ଶୀଘ୍ର ବିଧାନସଭା ନିର୍ବାଚନ ପାଇଁ ସରକାରଙ୍କ ପ୍ରସ୍ତୁତି । ୬ ଜୁଲାଇରୁ ୩ ଦିନିଆ ଜମ୍ମୁ-କାଶ୍ମୀର ଗସ୍ତରେ ଯିବ ସୀମା ନିର୍ଦ୍ଧାରଣ ଆୟୋଗ ।
କନକ ବ୍ୟୁରୋ : ଜମ୍ମୁ-କାଶ୍ମୀରରେ ବିଧାନସଭା ନିର୍ବାଚନ ପାଇଁ କେନ୍ଦ୍ର ସରକାର ଯୋଜନା ପ୍ରସ୍ତୁତି କରୁଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ସର୍ବଦଳୀୟ ବୈଠକ ପରେ ପରିସୀମନ ଆୟୋଗ ଜୁଲାଇ ୬ ତାରିଖରୁ ୯ ତାରିଖ ପର୍ଯ୍ୟନ୍ତ ଜମ୍ମୁ-କାଶ୍ମୀର ଗସ୍ତ କରିବେ । ଏନେଇ ସୂଚନା ଦେଇଛନ୍ତି ନିର୍ବାଚନ ଆୟୋଗଙ୍କ ମୁଖପାତ୍ର । ତାଙ୍କ ସୂଚନା ମୁତାବକ ପରିସୀମନ ଆୟୋଗ ୬ ଜୁଲାଇରୁ ୩ ଦିନିଆ ଜମ୍ମୁ-କାଶ୍ମୀର ଗସ୍ତରେ ଯାଇ ସେଠିକାର ରାଜନୈତିକ ଦଳର ନେତା, ଲୋକପ୍ରତିନିଧି ଓ ପ୍ରଶାସନ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହିତ ପରିସୀମନ ଆୟୋଗ ସେଠାରେ ଆଇଜି ଅଧିକାରୀ ସ୍ତରରେ ଏକ ବୈଠକ କରିବେ । ଆୟୋଗ ତରଫରୁ ଖୁବଶୀଘ୍ର ଆସନ ସୀମା ନିର୍ଦ୍ଧାରଣ କରିବେ । ଏହାପରେ ରାଜ୍ୟରେ ବିଧାନସଭା ନିର୍ବାଚନ ନେଇ ଘୋଷଣା ହେବ ।
ନିର୍ବାଚନ ପ୍ୟାନେଲ ବୈଠକ ପରେ ଏଭଳି ନିଷ୍ପତ୍ତି ନିଆଯାଇଛି । ଏହି ବୈଠକରେ ସୀମା ନିର୍ଦ୍ଧାରଣ ଆୟୋଗର ଅଧ୍ୟକ୍ଷ ଅବସରପ୍ରାପ୍ତ ଜଷ୍ଟିସ୍ ରଞ୍ଜନା ପ୍ରକାଶ ଦିଶାଇ ଓ ମୁଖ୍ୟ ନିର୍ବାଚନ ଆୟୁକ୍ତ ସୁଶୀଲ ଚନ୍ଦ୍ର ଅଧ୍ୟକ୍ଷତା କରିଥିଲେ । ବୈଠକ ପରେ ନିର୍ବାଚନ ଆୟୁକ୍ତଙ୍କ ମୁଖପାତ୍ର କହିଛନ୍ତି କି “ଆୟୋଗ ବିଶ୍ୱାସ ରଖିଛିକି ସବୁପକ୍ଷ ଏହି କାର୍ଯ୍ୟରେ ସହଯୋଗ କରିବେ ଓ ଉପଯୁକ୍ତ ପରାମର୍ଶ ଦେବେ” । ଏହା ଦ୍ୱାରା ସୀମା ନିର୍ଦ୍ଧାରଣର କାର୍ଯ୍ୟ ସଠିକ୍ ସମୟରେ ହୋଇପାରିବ ।
Delimitation Commission, along with Chief Election Commissioner Sushil Chandra to visit the Union Territory of Jammu & Kashmir from July 6 to July 9 to interact with all stakeholders including political parties, UT officials, and public representatives.
— ANI (@ANI) June 30, 2021
କହିରଖୁ କି ଜମ୍ମୁ-କାଶ୍ମୀରର ସଂସଦୀୟ ଓ ବିଧାନସଭା ନିର୍ବାଚନ କ୍ଷେତ୍ର ପୁନଃନିର୍ଦ୍ଧାଣ କରିବା ଦାୟିତ୍ୱ ପରିସୀମନ ଆୟୋଗଙ୍କୁ ଦିଆଯାଇଛି । ପରିସୀମନ ଆୟୋଗଙ୍କ ସୂଚନା ମୁତାବକ ଏହି ଗସ୍ତବେଳେ ରାଜନୈତିକ ଦଳମାନଙ୍କ ସହ ହେବାକୁ ଥିବା ବୈଠକରେ ୧୧୪ ଟି ବିଧାନସଭା କ୍ଷେତ୍ରର ସୀମା ନିର୍ଦ୍ଧାରଣ ନେଇ ନିଷ୍ପତ୍ତି ହେବ ।
ବିଶେଷ ସୂତ୍ରରୁ ମିଳିଥିବା ସୂଚାନା ମୁତାବକ ୧୧୪ ଟି ଆସନ ମଧ୍ୟରୁ ୯୦ ଟି ଆସନରେ ନିର୍ବାଚନ ଅନୁଷ୍ଠିତ ହେବ । ବାକି ୨୪ ଟି ଆସନ (ଯାହା କି ପାକ୍ ଅଧିକୃତ କାଶ୍ମୀର ଅଧିନରେ) କୁ ଛାଡି ଦିଆଯିବ । ଅନ୍ୟପଟେ ଜମ୍ମୁ-କାଶ୍ମୀର ଇତିହାସରେ ଅନୁସୂଚିତ ଜାତି ଓ ଜନ ଜାତିଙ୍କ ପାଇଁ ଆସନ ସଂରକ୍ଷିତ କରାଯିବ ବୋଲି କୁହାଯାଇଛି ।