ଖସିପାରିବେନି ଆତଙ୍କବାଦୀ । ଏଣିକି ଆକାଶପଥରୁ ଆତଙ୍କବାଦୀଙ୍କ ଉପରେ ନଜର ରଖିବାକୁ ଜମ୍ମୁ-କାଶ୍ମୀର ପୋଲିସକୁ ମିଳିବ ଡ୍ରୋନ, କେନ୍ଦ୍ର ଦେଲା ସବୁଜ ସଙ୍କେତ ।
ଆଉ ଖସି ପାରିବେନି ଆତଙ୍କବାଦୀ । ଏଣିକି ଭାରତୀୟ ସୀମାକୁ ଅନୁପ୍ରବେଶ କରିବା ଆତଙ୍କବାଦୀଙ୍କୁ ମହଙ୍ଗା ପଡିବ । ଆକାଶ ମାର୍ଗରୁ ବିଭିନ୍ନ ଅଞ୍ଚଳ ଉପରେ ନଜର ରଖିବାକୁ ଜମ୍ମୁ ଓ କଶ୍ମୀର ପୁଲିସ ୫୦ଟି ଡ୍ରୋନ୍ ଆଣିବ। ଏଥିପାଇଁ କେନ୍ଦ୍ର ଗୃହମନ୍ତ୍ରାଳୟ ମଞ୍ଜୁରି ମିଳିସାରିଛି। ଏହି ଡ୍ରୋନ୍ଗୁଡ଼ିକ ପ୍ରତିବାଦକାରୀ ଏବଂ ଆତଙ୍କବାଦୀଙ୍କ କାର୍ଯ୍ୟକଳାପ ଉପରେ ନଜର ରଖିବାକୁ ପୁଲିସକୁ ସାହାଯ୍ୟ କରିବ। ଏଥିପାଇଁ ଟେଣ୍ଡର୍ ଦିଆ ସରିଛି ଏବଂ ଏ ମାସ ଶେଷ ସୁଦ୍ଧା ପ୍ରକ୍ରିୟା ଶେଷ ହେବ। ବର୍ଗ ୩ ଅନ୍ତର୍ଭୁକ୍ତ ଏହି ଡ୍ରୋନଗୁଡ଼ିକରେ ଅତ୍ୟାଧୁନିକ ଏବଂ ପୁଲିସକୁ ସହାୟକ ହେଲାଭଳି ବୈଷୟିକ ଜ୍ଞାନକୌଶଳ ଏଥିରେ ଉପଯୋଗ କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଡ୍ରୋନ୍ ବ୍ୟବହାର ନିମନ୍ତେ ପୁଲିସ ଆର୍ମି ୟୁନିଟ୍ର ସାହାଯ୍ୟ ନେଉଥିଲା। ସେନା ପ୍ରାୟ ଦୁଇ ବର୍ଷ ହେବ ଉପତ୍ୟକାର ଜଙ୍ଗଲିଆ ଅଞ୍ଚଳ, ନିୟନ୍ତ୍ରଣ ରେଖା ଆଦି ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପ ଉପରେ ଦୃଷ୍ଟି ରଖିବାକୁ ଡ୍ରୋନ୍ ବ୍ୟବହାର କରି ଆସୁଛି। କିନ୍ତୁ, ଏବେ ପୁଲିସ ଆଉ ସେନାର ସହାୟତା ଆବଶ୍ୟକ କରିବ ନାହିଁ। ଏହି ଡ୍ରୋନ୍ ଗୁଡିକୁ ସମସ୍ତ ଜିଲ୍ଲା ଗୁଡିକୁ ଦିଆଯିବ ।