ଯାଜପୁରର ବାପା, ପୁଅ କଳିରେ ପୂର୍ଣ୍ଣଚ୍ଛେଦ। କନକ ନ୍ୟୁଜ ବିତର୍କରେ କ୍ଷମା ମାଗିଲେ ପୁଅ। ବାପା କହିଲେ, ସର୍ତ୍ତରେ ରାଜି ହେଲେ ପୁଅ ସହ ରହିବି
କହିଲେ, ପୁଅ ଯଦି ବାପାକୁ ଉଚିତ ମର୍ଯ୍ୟାଦା ଦେବେ ତେବେ ଫେରିବାର ଅପାତ୍ତି ନାହିଁ; ପୁଅକୁ ଦେଇଦେବି ସବୁ ସଂପତି
କନକ ବ୍ୟୁରୋ: ଶେଷରେ କନକ ନ୍ୟୁଜ ବିତର୍କରେ ସଫଳ ହେଲା ପ୍ରୟାସ । ଯାଜପୁରରେ ବାପା, ପୁଅ କଳିରେ ପଡିଲା ପୂର୍ଣ୍ଣଚ୍ଛେଦ । କନକ ନ୍ୟୁଜ ବିତର୍କରେ ବାପାଙ୍କୁ କ୍ଷମା ମାଗିଲେ ପୁଅ । ଆଉ ପୁଅ ସହିତ ଏକାଠି ରହିବାକୁ ରାଜି ହେଲେ ବାପା । ଏପରିକି ପୁଅ ସୂର୍ଯ୍ୟମଣୀ ମିଶ୍ର କହିଛନ୍ତି, ସେ ଯଦି କିଛି ଭୁଲ କରିଥାନ୍ତି ସେଥିପାଇଁ ତାଙ୍କୁ ବାପା କ୍ଷମା କରିଦିଅନ୍ତୁ । ହାତଯୋଡି କ୍ୟାମେରା ଆଗରେ ବାପାଙ୍କୁ ଭୁଲ ମାଗିଛନ୍ତି ପୁଅ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜିଲ୍ଲାପାଳଙ୍କ ଆଗରେ ନିର୍ଯ୍ୟାତନା ଦେବେନି ବୋଲି ଲିଖିତ ପ୍ରତିଶ୍ରୁତି ଦେବା ସହ ଯଦି ପୁଅ ସୂର୍ଯ୍ୟମଣୀ ମିଶ୍ର ଓ ବୋହୂ ତାଙ୍କୁ ସସମ୍ମାନ ନିଅନ୍ତି ତେବେ ଘରକୁ ଫେରିବେ ବୋଲି କହିଛନ୍ତି ବାପା କ୍ଷେତ୍ରମୋହନ ମିଶ୍ର । ପୁଅ ବୋହୁ ନ ପଚାରିବାରୁ ଯାଜପୁର ମୁରଲିପୁର ଗାଁର କ୍ଷେତ୍ରମୋହନ ମିଶ୍ର ନିଜର ସମସ୍ତ ସଂପତି ସରକାରଙ୍କୁ ଦାନ କରିବା ପରେ ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଥିଲା ।
ପୁଅ-ବୋହୂ ତାଙ୍କୁ ନିର୍ଯାତନା ଦେଉଛନ୍ତି, ତେଣୁ ସେ ତାଙ୍କ ସଂପତିର ହକଦାର ନୁହଁନ୍ତି, ସେ ତାଙ୍କ ସଂପତି ସରକାରଙ୍କୁ ଦାନ ବି କରିିଦେଇଛନ୍ତି ବୋଲି କହିଥିଲେ କ୍ଷେତ୍ରମୋହନ ମିଶ୍ର । ଯବାବରେ ପୁଅ ମଧ୍ୟ ଯୁକ୍ତି ରଖିଥିଲେ । ହେଲେ ଆଜି ଏହି ବିବାଦର ଅନ୍ତ ଘଟିଛି । କ୍ଷମା ପ୍ରାର୍ଥନା କରିବା ସହିତ ବାପାଙ୍କୁ ଆପଣେଇବା ପାଇଁ କ୍ୟାମେରା ଆଗରେ କହିଛନ୍ତି ପୁଅ । ସମ୍ପତିକୁ ନେଇ ବିବାଦ ଆଉ ବିବାଦରୁ ସମାଧାନର ବାହାରିଛି ସୁତ୍ର । ଏସବୁ ସମ୍ଭବ ହୋଇଛି କନକ ନ୍ୟୁଜର ବିତର୍କରେ ।