ଖର୍ଚ୍ଚ ହୋଇ ସାରିଲାଣି କୋଟିଏ ଟଙ୍କା । ହେଲେ ସରୁନି ନଦୀବନ୍ଧରେ ଘାଇ ମରାମତି କାମ ।
କନକ ବ୍ୟୁରୋ: ଗତବନ୍ୟାରେ ଭାଙ୍ଗିଥିଲା ମାହାରା ବନ୍ଧ ହେଲେ ଆଜି ଯାଏଁ ଚାଲିଛି ଏହାର ମରାମତି କାମ । ଖାଲି ସେତିକି ନୁହେଁ, ମରାମତି ବାବଦକୁ ୧ କୋଟିରୁ ଅଧିକ ଟଙ୍କା ବ୍ୟୟ ହେଲାଣି । ହେଲେ ରାଜ୍ୟରେ ମୌସୁମୀ ବାୟୁ ପ୍ରବେଶ କରିସାରିଥିଲେ ମଧ୍ୟ ସରିପାରିଲା ନାହିଁ କାମ । ଆମେ କହୁଛୁ ଯାଜପୁର ଜିଲା ବିଂଝାରପୁର ବ୍ଲକ କାମଦେବ ମାହାରା କଥା । ଗତବର୍ଷ ବନ୍ୟାରେ ବିରାଟ ଘାଈ ସୃଷ୍ଟି ହୋଇ ସେଠାରେ ବ୍ୟାପକ କ୍ଷତି ଘଟାଇଥିଲା । ଏହାପରେ କେନ୍ଦ୍ରୀୟ ଟିମ ପରିଦର୍ଶନରେ ଆସି ତୁରନ୍ତ ଏହାର ମରାମତି କରିବାକୁ ନିର୍ଦ୍ଦେଶ ଦେଇଥିଲେ । ହେଲେ ଏହାର ମରାମତି ଏଯାବତ ଶେଷ ହୋଇନି । ତେଣୁ ଏଥର ବନ୍ୟା ଆସିଲେ ପୁଣି ବ୍ୟାପକ ନଷ୍ଟ ହେବା ନେଇ ଆଶଙ୍କା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯାଜପୁର ଜିଲ୍ଲା ବିଂଝାରପୁର ବ୍ଲକ ନାଉବାଙ୍କ ଗାଁ ପାଖ କାମଦେବ ମାହାରା ନଦୀ ବନ୍ଧରେ ହୋଇଥିବା ଘାଇର ମରାମତି ସହ ଆପ୍ରୋଚ ରୋଡ ତିଆରି କାମ ଚାଲିଛି । ମାଟି ପଡିଛି, ବାଲି ବସ୍ତା ପକାଇ, ପାଣିକୁ ଅଟକା ଯାଇଛି, କଂକ୍ରିଟ ପଡିବା ପାଇଁ ଲୁହାଛଡ ମଧ୍ୟ ବନ୍ଧା ହୋଇଛି । ହେଲେ ଜାଣି ଆଶ୍ଚର୍ଯ୍ୟ ହେବେ ଏକ ବର୍ଷ ଭିତରେ କେବଳ ଏତିକି କାମ ହୋଇପାରିଛି । କେବେ ମରାମତି ସଂପୂର୍ଣ୍ଣ ହେବ ତାହା ମଧ୍ୟ ଜଣା ନାହିଁ ।
ଗତ ବର୍ଷ ବନ୍ୟାରେ ଭୁଶୁଡି ପଡିଥିଲା ମାହାରା ନଦୀ ବନ୍ଧ । କେନ୍ଦ୍ରୀୟ ଟିମ ଘଟଣାସ୍ଥଳ ପରିଦର୍ଶନ କରି ତୁରନ୍ତ ଘାଇ ମରାମତି କରିବାକୁ ନିର୍ଦ୍ଦେଶ ଦେଇଥିଲେ । ଏହାରି ଭିତରେ ବର୍ଷେ ବିତିଗଲାଣି, ଲକ୍ଷ ଲକ୍ଷ ଟଙ୍କା ଜଳସେଚନ ବିଭାଗର ବ୍ୟୟ ହେଉଛି, ଠିକାଦାର ବଦଳୁଛନ୍ତି । କିନ୍ତୁ କାମ ସରୁନାହିଁ । ଏବେ ରାଜ୍ୟରେ ମୌସୁମୀ ସକ୍ରିୟ ହୋଇଥିବାରୁ ବନ୍ୟାର ଆଶଙ୍କା ରହିଛି । ବର୍ଷା ଦିନ ପୂର୍ବରୁ ମରାମତି କାମ ସରିନଥିବାରୁ ବାତ୍ୟା ୟାସ ସମୟରେ ବ୍ୟାପକ ଅଂଚଳ ଜଳମଗ୍ନ ହୋଇଥିଲା । ମରାମତି ନାଁରେ କୋଟି କୋଟି ଟଙ୍କା ଖର୍ଚ୍ଚ କରୁଛି ଜଳସେଚନ ବିଭାଗ । କିନ୍ତୁ ନିଦ୍ଧିଷ୍ଟ ସମୟ ସୀମା ମଧ୍ୟରେ ସରିପାରୁନି ମରାମତି କାର୍ଯ୍ୟ । ପଂଳରେ ସରକାରଙ୍କ ରାଜସ୍ୱ ଖର୍ଚ୍ଚ ହେଉଛି ସିନା ସାଧାରଣ ଲୋକେ ସୁପଂଳ ପାଇପାରୁନାହାଁନ୍ତି ।