କନକ ବ୍ୟୁରୋ : ଘୋଷଯାତ୍ରା ପାଇଁ ସଜେଇ ହୋଇଛି ପାରଳା ବଡ଼ଦାଣ୍ଡ । ଗଜପତି ଜିଲ୍ଲା ପାରଳାଖେମୁଣ୍ଡିରେ ଥିବା ଜଗନ୍ନାଥ ମନ୍ଦିରରେ ରଥଯାତ୍ରା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପ୍ରତିବର୍ଷ ପାରଳାଖେମୁଣ୍ଡିରେ ବେଶ ଧୁମଧାମରେ ନବଦିନାତ୍ମକ ଘୋଷଯାତ୍ରା ପାଳନ କରାଯାଏ । ପୌରପରିଷଦ ପକ୍ଷରୁ ବଡ଼ଦାଣ୍ଡରେ ବିଭିନ୍ନ ପ୍ରକାରର ଝୋଟି ଅଙ୍କାଯାଇ ବଡ଼ଦାଣ୍ଡକୁ ସୁନ୍ଦର କରାଯାଇଛି । କରୋନା କଟକଣା ପାଇଁ ଦୁଇ ବର୍ଷ ହେଲା କେବଳ ରୀତିନୀତି ମଧ୍ୟରେ ଏହା ସୀମିତ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ରଥଟାଣିବା ସହ ଗୁଣ୍ଡିଚା ମନ୍ଦିରରେ ଠାକୁରଙ୍କୁ ଦର୍ଶନ କରିବା ପାଇଁ ଭକ୍ତ ମାନେ ଉତ୍ସାହିତ ଅଛନ୍ତି । ମନ୍ଦିର ନିକଟ ରାସ୍ତାରେ ରଙ୍ଗ କାମ କରିବା ସହ ବିଭିନ୍ନ ପ୍ରକାର ଝୋଟି ଆଙ୍କିଛି ପୌର ପ୍ରଶାସନ । ସେହିପରି ରଥଯାତ୍ରା ଅବସରରେ ବ୍ୟବସାୟୀ ମାନେ ଭଲ ବ୍ୟବସାୟ ଆଶାରେ ଷ୍ଟଲ ଖୋଲିବା ପାଇଁ ପାରଳାଖେମୁଣ୍ଡିରେ ପହଞ୍ଚି ସାରିଛନ୍ତି । ତେବେ ପାରଳାଖେମୁଣ୍ଡି ରଥଯାତ୍ରା ଦେଖିବା ପାଇଁ ପଡ଼ୋଶୀ ଆନ୍ଧ୍ର ପ୍ରଦେଶରୁ ମଧ୍ୟ ଲୋକେ ଆସିଥାଆନ୍ତି । ଲୋକଙ୍କ ସୁରକ୍ଷା ପାଇଁ ପୋଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି ।