ଗାଜା ଉପରେ ଇସ୍ରାଏଲର ବୋମା ବର୍ଷଣ ଜାରି । ଜବାବରେ ହମାସର ରକେଟ ମାଡ଼
କନକ ବ୍ୟୁରୋ: ଇସ୍ରାଏଲ ଓ ପାଲେଷ୍ଟାଇନ ମଧ୍ୟରେ ସଂଘର୍ଷ ଦିନକୁ ଦିନ ଅଧିକ ଭୟଙ୍କର ହେବାରେ ଲାଗିଛି । ଗୋଟିଏ ପଟେ ହମାସ ପକ୍ଷରୁ ଇସ୍ରାଏଲର ବିଭିନ୍ନ ଟାର୍ଗେଟକୁ ଲକ୍ଷ୍ୟକରି ରକେଟ ମାଡ଼ କରାଯ଼ାଉଥିବାବେଳେ ଇସ୍ରାଏଲ ପକ୍ଷରୁ ଗାଜା ସହର ଉପରେ ଘନ ଘନ ବିମାନ ଆକ୍ରମଣ ଜାରି ରହିଛି । ଏହା ସହିତ ଗାଜା ସୀମାରେ ଇସ୍ରାଏଲ ପକ୍ଷରୁ ଟ୍ୟାଙ୍କ ଓ ଅନ୍ୟାନ୍ୟ ସାମରିକ ଯ଼ାନ ମୁତୟନ କରାଯ଼ାଇଛି ।
Kanak News is now on WhatsApp
Join and get latest news updates delivered to you via WhatsApp
ଅଲ ଜଜିରା ପକ୍ଷରୁ ପ୍ରକାଶିତ ଏକ ରିପୋର୍ଟ ଅନୁସାରେ ଗାଜାର ବିଭିନ୍ନ ଗୁରୁତ୍ବପୂର୍ଣ୍ଣ କୋଠା ଉପରେ ଇସ୍ରାଏଲର ବୋମାବର୍ଷୀ ବିମାନଗୁଡ଼ିକ ବୋମା ମାଡ଼ କରାଯ଼ାଉଛି । ଇସ୍ରାଏଲର ଏହି ଆକ୍ରମଣ ଫଳରେ ଏପର୍ୟ଼୍ୟନ୍ତ ମୋଟ ୮୭ ଜଣ ଲୋକ ପ୍ରାଣ ହରାଇଛନ୍ତି । ମୃତକଙ୍କ ମଧ୍ୟରେ ୧୮ ଜଣ ଶିଶୁ ଥିବା ଜଣାଯ଼ାଇଛି । ଏହା ସହିତ ପ୍ରାୟ ୫୩୦ ଜଣ ଆହତ ହୋଇଛନ୍ତି । ଅନ୍ୟପକ୍ଷରେ ହମାସର ରକେଟ ମାଡ଼ରେ ୬ ଇସ୍ରାଏଲ ନାଗରିକ ଓ ଜଣେ ଭାରତୀୟ ନାଗରିକ ପ୍ରାଣ ହରାଇଛନ୍ତି ।
ଅନ୍ୟପକ୍ଷରେ ଇସ୍ରାଏଲ ମଧ୍ୟରେ ବି ହିଂସା ବ୍ୟାପିବାରେ ଲାଗିଛି । ଇସ୍ରାଏଲର ଇହୁଦି ନାଗରିକ ଓ ପାଲେଷ୍ଟାଇନ ନାଗରିକଙ୍କ ମଧ୍ୟରେ ହିଂସା ସୃଷ୍ଟି ହୋଇଛି ।