ହାତୀ କରୁଛି Smoking ! ଜାଣନ୍ତୁ ଏହି ଭାଇରାଲ ଭିଡିଓର ସତ୍ୟତା
ୱାଇଲ୍ଡ ଲାଇଫ କଂଜର୍ବେସନ ସୋସାଇଟି ତରଫରୁ ୟୁଟ୍ୟୁବ ରେ ପୋଷ୍ଟ କରାଯାଇଥିବା ଏକ ଭିଡିଓ ଲୋକଙ୍କୁ ଆଶ୍ଚର୍ଯ୍ୟ କରଦେଇଛି । ବାସ୍ତବରେ ଏହି ଭିଡିଓରେ ଏମିତି ଲାଗୁଛି ଯେ, ଗୋଟେ ହାତୀ Smoking କରୁଛି । ଏହି ଭିଡିଓକୁ ଅନେକ ଲୋକ ଦେଖି ସାରିଲେଣି ଏବଂ ଏହାକୁ ସେୟାର ମଧ୍ୟ କରାଯାଉଛି । ଏହି ଭିଡିଓ ଭାଇରାଲ ହେବା ପରେ ଏବେ ସାଧାରଣରେ ଅନେକ ପ୍ରଶ୍ନ ସୃଷ୍ଟି ହୋଇଛି । ପ୍ରକୃତରେ ହାତୀଟି କଣ କରୁଥିଲା ? ସତରେ କଣ ହାତୀ Smoking କରନ୍ତି ?
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ, ଏହି ଭିଡିଓ ୨୦୦୭ରେ ଭାରତୀୟ ବନ୍ୟଜୀବ ସଂରକ୍ଷଣ ସମିତି ସଂରକ୍ଷକ ସହାୟତା ଏବଂ ନୀତି ସହାୟକ ନିର୍ଦ୍ଦେଶକ ବିନୟ କୁମାର ଏହି ଭିଡିଓଟି ସୁଟିଂ କରିଥିଲେ । ଏବଂ ଏହା ପରେ ଏହାକୁ କିଛି ଦିନ ପୂର୍ବେ ହିଁ ଅପଲୋଡ କରାଯାଇଛି । ଯାହାକି ଏକ ଆଶ୍ଚର୍ଯ୍ୟ କରିଦେବା ଭଳି ଭିଡିଓ ଅଟେ । ଏହି ଭିଡିଓରେ ଦେଖାଯାଉଛି ଯେ, ହାତୀଟି ମାଟିରୁ କିଛି ଉଠାଉଛି ଏବଂ ନିଜ ପାଟିରେ ପୁରାଉଛି । ଆଉ ଏହା ପରେ ଏମିତି ଲାଗୁଛି ଯେ, ହାତୀଟି Smoking କରୁଛି । ଏହି ଭିଡିଓଟି କର୍ଣ୍ଣାଟକର ନଗରହୋଲ ରାଷ୍ଟ୍ରୀୟ ଉଦ୍ୟାନର ଅଟେ ।
ସତରେ କଣ ହାତୀ Smoking କରେ ?
ଡବ୍ଲୁସିଏସ ଇଣ୍ଡିଆର ବୈଜ୍ଞାନିକ ହାତୀ ଜୀବ ବିଜ୍ଞାନୀ ଡାଃ ବରୁଣ ଗୋସ୍ୱାମୀ କହିଛନ୍ତି ଯେ, ହାତୀଟି କାଠରୁ ଜଳିସାରିବା ପରେ ହୋଇଥିବା ଅଙ୍ଗାରକୁ ପାଟିରେ ପୁରାଇବାକୁ ଚେଷ୍ଟା କରୁଥିଲା । ଜଳିଯାଇଥିବା କାଠ ଖଣ୍ଡକୁ ସେ ନିଜ ଶୁଣ୍ଢରେ ଉଠାଉଥିଲା । ଗୋସ୍ୱାମୀଙ୍କ କହିବା କଥା ଯେ, କାଠଖଣ୍ଡ ଅଙ୍ଗାରର କୌଣସି ପୌଷ୍ଟିକ ମହତ୍ୱ ନଥାଏ । କିନ୍ତୁ ଜଙ୍ଗଲର ପଶୁମାନେ ଅଧିକାଂଶ ସମୟ ଏହାର ଔଷଧୀୟ ଗୁଣ ପାଇଁ ଆକୃଷ୍ଟ ହୋଇଥାନ୍ତି ।
ସତ କଥା ଏହା ଯେ, ହାତୀ Smoking କରିନଥାନ୍ତି । ଯେତେବେଳେ ହାତୀଟି ସେହି ଜଳିଯାଇଥିବା କାଠଖଣ୍ଡଟିକୁ ପୁଣି ଥରେ ତଳକୁ ଫୋପାଡିଥାଏ, ସେତେବେଳେ ଏପରି ଲାଗିଥାଏ ଯେ, ହାତୀ Smoking କରୁଛି ।