ପିଲାଙ୍କ ଉପରେ କରୋନାର ପ୍ରଭାବ କମ୍ : ସଂକ୍ରମିତ ହେଉଥିଲେ ବି ଗୁରୁତର କି ହସ୍ପିଟାଲରେ ଭର୍ତ୍ତି ହେଉନଥିବା କହିଲେ ବିଶେଷଜ୍ଞ
ସ୍କୁଲ ବନ୍ଦ ରହିଥିଲେ ବି ପରିବାର ଲୋକଙ୍କ ଦ୍ୱାରା ଛୋଟପିଲା ସଂକ୍ରମିତ ହେଉଥିବା କହିଲେ ଡାକ୍ତର
କନକ ବ୍ୟୁରୋ : କରୋନାର ତୃତୀୟ ଲହର ସମୟରେ ସମସ୍ତ ବର୍ଗ ସଂକ୍ରମିତ ହେଉଛନ୍ତି । କିନ୍ତୁ ଛୋଟ ଛୁଆଙ୍କ କ୍ଷେତ୍ରରେ କରୋନାର ସେମିତି କୌଣସି ପ୍ରଭାବ ଦେଖିବାକୁ ମିଳୁନି । ଛୋଟ ଛୁଆଙ୍କ ପାଖରେ କରୋନାର ସାମାନ୍ୟ ଲକ୍ଷଣ ରହୁଛି । ଆଉ ସଂକ୍ରମିତ ହେଲେ ମଧ୍ୟ ଆପେ ଆପେ ଆପେ ସୁସ୍ଥ ହୋଇଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଂକ୍ରମିତ ହୋଇ ଗୁରୁତର ହେବା ଏବଂ ପରେ ହସ୍ପିଟାଲରେ ଭର୍ତ୍ତି ହେବା ସଂଖ୍ୟା କମ୍ ରହିଛି ବୋଲି ବିଶେଷଜ୍ଞ କହିଛନ୍ତି । ତୃତୀୟ ଲହର ଆସିବା ପୂର୍ବରୁ ଛୋଟ ଛୁଆ ଅଧିକ ସଂକ୍ରମିତ ହେବେ ବୋଲି ବିଶେଷଜ୍ଞ ଆକଳନ କରୁଥିଲେ । କିନ୍ତୁ ଏବେ ସେମିତି କୌଣସି ସ୍ଥିତି ଦେଖିବାକୁ ମିଳୁନି । ଯଦିଓ ସ୍କୁଲ ଛୁଟିଥିବାରୁ ପିଲାମାନେ ଘରେ ରହୁଛନ୍ତି ହେଲେ ବାପା, ମା’ ଏବଂ ପରିବାର ଲୋକଙ୍କ ପାଇଁ ଛୋଟ ଛୁଆ ସଂକ୍ରମିତ ହେଉଛନ୍ତି ବୋଲି ଡାକ୍ତରମାନେ କହିଛନ୍ତି ।