କନକ ବ୍ୟୁରୋ : ସାମ୍ନାକୁ ଆସିଲା ଭାରତର ଧନୀ ବ୍ୟକ୍ତିଙ୍କ ତାଲିକା । ବଢିଛି ଧନୀ, ଗରିବଙ୍କ ମଧ୍ୟରେ ଅସମାନତା । କୋଭିଡ ମହାମାରୀ ଆରମ୍ଭରୁ ଗତବର୍ଷ ନଭେମ୍ବର ମାସ ମଧ୍ୟରେ ଭାରତର ୨୧ ଜଣ କୋରଡପତି କମାଇଛନ୍ତି ୭୦ କୋଟି ଭାରତୀୟଙ୍କ ଠାରୁ ଅଧିକ ଟଙ୍କା । ଅକ୍ସଫମ ଇଣ୍ଡିଆର ପକ୍ଷରୁ ଏନେଇ ରିପୋର୍ଟ ପ୍ରକାଶ କାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୋଭିଡ ମହାମାରୀ ସମୟରେ ଏହି ୨୧ ଜଣ କୋରଡପତଙ୍କ ସମ୍ପତି ଦନିକୁ ୧୨୧ ପ୍ରତିଶତ ଅର୍ଥାତ୍ ବୃଦ୍ଧି ହୋଇଛି । ଅର୍ଥାତ୍ ଏମାନେ ଦିନକୁ ୩ ହଜାର ୬୦୮ କୋଟି ଟଙ୍କା ଲେଖାଏଁ ଆୟ କରିଛନ୍ତି । ପ୍ରକାଶିତ ରିପୋର୍ଟ ଅନୁଯାୟୀ, ୨୦୨୧ରେ ଧନୀ ଶ୍ରେଣୀର ଉପର ଆଡୁ ଥିବା ୫ ପ୍ରତିଶତ ଭାରତୀୟ ଦେଶର ୬୨ ପ୍ରତିଶତ ସମ୍ପତିର ମାଲିକ ଅଛନ୍ତି । ସେହିପରି ଗରିବ ଶ୍ରେଣୀର ତଳଆଡୁ ଥିବା ୫୦ ପ୍ରତିଶତ ଭାରତୀୟ ମାତ୍ର ୩ ପ୍ରତିଶତ ଦେଶର ସମ୍ପତିର ମାଲିକ ଅଛନ୍ତି ।
ଓକ୍ସଫମ ଇଣ୍ଡିଆର ସଦ୍ୟ ରିପୋର୍ଟ, ‘ସର୍ଭାଇଭାଲ ଅଫ୍ ଦ ରିଚେଷ୍ଟ: ଦ ଇଣ୍ଡିଆନ ଷ୍ଟୋରୀ’ରେ ଭାରତ ଧନୀମାନଙ୍କୁ ନେଇ ରିପୋର୍ଟ ପ୍ରକାଶ କରାଯାଇଛି । ଯାହା ସୋମବାର ସୁଇଜରଲ୍ୟାଣ୍ଡର ଡୋଭାସରେ ବିଶ୍ୱ ଅର୍ଥନୀତି ଫୋରମରେ ଏହା ପ୍ରକାଶ କରାଯାଇଛି । ୨୦୧୬ରୁ ୨୦୨୨ ମଧ୍ୟରେ ଭାରତରେ କୋରଡପତିଙ୍କ ସଂଖ୍ୟା ୧୦୨ରୁ ୧୬୬ କୁ ବୃଦ୍ଧି ପାଇଛି । ତେବେ ଭାରତର ଶ୍ରେଷ୍ଠ ୧୦୦ ଧନୀଙ୍କ ସମ୍ପତି ୬୬୦ ବିଲିୟନ ଡଲାର ଅର୍ଥାତ୍ ୫୪ ଦଶମିକ୍ ୧୨ ଲକ୍ଷ କୋଟି ଟଙ୍କା ରହିଛି ।