୨୦୨୧-୨୨ରେ ୯. ୨ ପ୍ରତିଶତ ବୃଦ୍ଧି ପାଇବ ଭାରତର ଅଭିବୃଦ୍ଧି ହାର । ପରିସଂଖ୍ୟାନ ମନ୍ତ୍ରଣାଳୟ ପକ୍ଷରୁ ପ୍ରକାଶ ପାଇଲା ରିପୋର୍ଟ ।
କନକ ବ୍ୟୁରୋ: ଚଳିତ ଆର୍ଥିକ ବର୍ଷ ୨୦୨୧-୨୨ରେ ଭାରତର ଅଭିବୃଦ୍ଧି ହାର ୯. ୨ ପ୍ରତିଶତ ବୃଦ୍ଧି ପାଇବ ବୋଲି ଆକଳନ କରାଯାଇଛି । କୃଷି, ନିର୍ମାଣ, ପରିବହନ, ହୋଟେଲ ,ଟ୍ରେଡ୍ କ୍ଷେତ୍ରରେ ବିକାଶ ଯୋଗୁ ଅଭିବୃଦ୍ଧି ହାର ବୃଦ୍ଧି ପାଇବ ବୋଲି କୁହାଯାଇଛି । ପରିସଂଖ୍ୟାନ ମନ୍ତ୍ରଣାଳୟ ପକ୍ଷରୁ ଆଜି ରିଲିଜ ହୋଇଥିବା ରିପୋର୍ଟରେ କୁହାଯାଇଛି ଯେ, ୨୦୨୧-୨୨ ଆର୍ଥିକ ବର୍ଷରେ ଭାରତରେ ଜିଡିପି ୯.୨ ପ୍ରତିଶତ ବୃଦ୍ଧି ପାଇବ । ନିର୍ମାଣ କ୍ଷେତ୍ରରେ ଭାରତ ୧୨.୫ ପ୍ରତିଶତ ଅଭିବୃଦ୍ଧି କରିବ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଖଣି ଏବଂ ମାଇନ୍ସ କ୍ଷେତ୍ରରେ ୧୪.୩ ପ୍ରତିଶତ ଏବଂ ଟ୍ରେଡ୍, ହୋଟେଲ, ପରିବହନ, ଯୋଗାଯୋଗ ଆଦି କ୍ଷେତ୍ରରେ ୧୧.୯ ପ୍ରତିଶତ ଅଭିବୃଦ୍ଧି କରିବ । ଅନ୍ୟପଟେ କୃଷି କ୍ଷେତ୍ରରେ ୩.୯ ପ୍ରତିଶତ ଅଭିବୃଦ୍ଧି କରିବ । ସେହିପରି ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ମଧ୍ୟ ଚଳିତ ଆର୍ଥିକ ବର୍ଷର ଅଭିବୃଦ୍ଧି ୯.୫ ପ୍ରତିଶତ ହେବ ବୋଲି ପୂର୍ବରୁ ଆକଳନ କରିଥିଲା । ଓମିକ୍ରନ ସଂକ୍ରମଣ ସତ୍ୱେ ଚଳିତ ବର୍ଷ ଅଭିବୃଦ୍ଧି ହାର ୧୦ ପ୍ରତିଶତ ରହିବ ବୋଲି ବହୁ ଘରୋଇ ଅର୍ଥନିତିଜ୍ଞମାନେ ପୂର୍ବାନୁମାନ କରିଛନ୍ତି । ଗତ ବର୍ଷ ଭାରତ ଅଭିବୃଦ୍ଧି ହାର ୭.୩ ପ୍ରତିଶତ ଥିôଲା । କରୋନା ସଂକ୍ରମଣ ଯୋଗୁ ଗତ ୪ ଦଶନ୍ଧୀରେ ସବୁଠୁ ଖରାପ ଅଭିବୃଦ୍ଧି ୨୦୨୦-୨୧ ବର୍ଷରେ ହୋଇଥିଲା ।