ପାରାଲିମ୍ପିକ୍ସରେ ଭାରତର ଅଭିଯାନ ଶେଷ, ମେଡାଲ ଜିତି ରଚିଲେ ନୂଆ ରେକର୍ଡ
କନକ ବ୍ୟୁରୋ: ଚଳିତ ପାରା ଅଲିମ୍ପିକ୍ସରେ ଭାରତର ଅଭିଯାନ ଶେଷ ହୋଇଛି । ଭାରତକୁ ମିଳିଛି ମୋଟ୍ ୧୯ଟି ମେଡାଲ । ଏହା ମଧ୍ୟରେ ରହିଛି ୫ଟି ସ୍ୱର୍ଣ୍ଣ । ୮ଟି ରୌପ୍ୟ ଓ ୬ଟି ବ୍ରୋଂଜ ପଦକ ପାଇଛି ଭାରତ । ପଦକ ତାଲିକାରେ ଭାରତ ୨୪ ତମ ସ୍ଥାନରେ ରହିଛି । ଶାରୀରିକ ଅକ୍ଷମତାକୁ ପଛରେ ପକାଇ ଏହି ଅଲମ୍ପିଆଡ୍ମାନେ ଦେଶ ପାଇଁ ଗୌରବ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଟିଂରେ ଅବନୀ ଲେଖାରା ପ୍ରଥମ ଭାରତୀୟ ମହିଳା ଭାବେ ଗୋଟିଏ ପାରା ଅଲିମ୍ପିକ୍ସରେ ଦୁଇଟି ପଦକ ଜିତି ଇତିହାସ ସୃଷ୍ଟି କରିଛନ୍ତି । ଗୋଟିଏ ସ୍ୱର୍ଣ୍ଣ ଓ ଗୋଟିଏ ବ୍ରୋଂଜ ମେଡାଲ ଜିତିଛନ୍ତି ଅବନୀ । ସେହିପରି ସୁଟିରେ ମନୀଷ ସ୍ୱର୍ଣ୍ଣ ଓ ସିଂହରାଜ ରୌପ୍ୟ ପଦକ ଜିତିଛନ୍ତି ।
ବ୍ୟାଡମିଣ୍ଟନରେ ଦୁଇଟି ସ୍ୱର୍ଣ୍ଣ ପଦକ ମିଳିଛି । ପ୍ରମୋଦ ଭଗତ ଓ କ୍ରିଷ୍ଣା ନାଗର ଗୋଲଡ୍ ମେଡାଲ ଜିତଛନ୍ତି । ଓଡ଼ିଆ ପୁଅ ପ୍ରମୋଦ ଭଗତ ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଗୌରବ ଆଣିଛନ୍ତି । ଆଥଲେଟିକ୍ରେ ୮ଟି, ଟେବୁଲ ଟେନିସ୍ରେ ଗୋଟିଏ ଓ ଆର୍ଚେରୀରେ ଗୋଟିଏ ପଦକ ଭାରତକୁ ମିଳିଛି ।