କନକ ବ୍ୟୁରୋ: ଷ୍ଟାର୍ଟଅପଗୁଡିକୁ ଋଣ ପ୍ରଦାନ କରି ଘାଟାରେ ପଡିଯାଇଥିବା ବ୍ୟାଙ୍କକୁ ନେଇ ଭାରତୀୟ ସେୟାର ବଜାର ପ୍ରଭାବିତ ହୋଇଛି । ଆମେରିକା କାର୍ଲିଫର୍ଣ୍ଣିଆରେ ଥିବା ଏହି ଘରୋଇ ବ୍ୟାଙ୍କ୍ ବୁଡିଯିବା ପରେ ଅର୍ଥନୀତି ଉପରେ ଏହାର କ’ଣ ପ୍ରଭାବ ରହିବ ତାହା ଏପର୍ଯ୍ୟନ୍ତ ସଠିକ୍ ଭାବେ ଆକଳନ କରାଯାଇନାହିଁ । ହେଲେ ଏହି ବ୍ୟାଙ୍କ ସାରା ବିଶ୍ୱରେ ବଡ ବଡ ଷ୍ଟାର୍ଟଅପ ଗୁଡିକୁ ଋଣ ଦେବା ଏବଂ କିଛି ଷ୍ଟାର୍ଟଅପରେ ନିଜର ଟଙ୍କା ଲଗାଇଥିବାରୁ ଏବେ ସେସବୁ ପ୍ରଭାବିତ ହେଉଛି । ଭାରତରେ ପେଟିଏମ୍, ସାଦି, ନାପଟଲ, ଇନମୋବି, କାରୱାଲେ, ବ୍ଲ୍ୟୁଷ୍ଟୋନ ଭଳି ୬୦ରୁ ଅଧିକ ଷ୍ଟାଟଅପ୍ରେ ପୁଞ୍ଜିନିବେଶ କରିଥିଲା ସିଲିକନ ଭ୍ୟାଲି । ଏବେ କମ୍ପାନୀ ବୁଡିଯିବାରୁ ଭାରତରେ ସେୟାର ବଜାର ତଳକୁ ଖସିଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀର ଅର୍ଥନୀତି, ବିଶ୍ୱ ଅର୍ଥନୀତି ସହ ଦୃଢ ଭାବେ ଜଡିତ ଥିବାରୁ ସିଲିକନ ଭ୍ୟାଲି ବ୍ୟାଙ୍କ ବୁଡିଯିବା ଭାରତର ଅର୍ଥନୀତିକୁ ବିଶେଷ ପ୍ରଭାବିତ କରିବ । ଲିକ୍ୟୁଡିଟି, ପ୍ରାଇସ୍ ଏବଂ ଡିମାଣ୍ଡ ତିନିଟି ଚ୍ୟାନେଲ ନେଇ ଅର୍ଥନୀତି ପ୍ରଭାବିତ ହେଉଥିବାରୁ ଏହା ବାଧାପ୍ରାପ୍ତ ହେବ ବୋଲି ଅର୍ଥନୈତିକ ବିଶେଷଜ୍ଞମାନେ କହିଛନ୍ତି । ଭାରତର ପେଟିଏମ୍, ସାଦି, ନାପଟଲ, ଇନମୋବି, କାରୱାଲେ, ବ୍ଲ୍ୟୁଷ୍ଟୋନ ୨୦ରୁ ଅଧିକ କମ୍ପାନୀରେ ଏବେ ଚିନ୍ତାରେ ପଡିଯାଇଛନ୍ତି । ୪୦ରୁ ଅଧିକ ଭାରତୀୟ ଷ୍ଟାଟଅପ ସିଲକନ ଭ୍ୟାଲି ବ୍ୟାଙ୍କରେ ୨ ଲକ୍ଷ ୫୦ ହଜାରରୁ ୧ ମିଲିୟନ ଡଲାର ବିନିଯୋଗ କରିଛନ୍ତି । ସେହିପରି ୨୦ ରୁ ଅଧିକ ଭାରତୀୟ ଷ୍ଟାଟଅପ ଏହି ବ୍ୟାଙ୍କରେ ୧ ମିଲିୟନ ଡଲାରରୁ ଅଧିକ ବିନିଯୋଗ କରିଛନ୍ତି । ଏହାକୁ ହିସାବ କଲେ ପ୍ରାୟ ୫୦୦ କୋଟିରୁ ଅଧିକ ଟଙ୍କା ବିନିଯୋଗ କରିଛନ୍ତି ଭାରତୀୟ ଷ୍ଟାର୍ଟଅପ୍ । କିନ୍ତୁ ଭାରତର ଅର୍ଥନୀତି ଉପରେ ଏହା ଏତେଟା ପ୍ରଭାବ ପକାଇବ ନାହିଁ ବୋଲି ଅର୍ଥନୈତିକ ବିଶେଷଜ୍ଞମାନେ ମତ ରଖିଛନ୍ତି ।