ରେସଲିଂର ଇତିହାସ ବଦଳାଇଲେ ଭାରତୀୟ ମହିଳା ରେସଲର ! ସାଲୱାର ସୁଟ୍ ପିନ୍ଧି ରିଂରେ ଫାଇଟ୍ କଲେ କବିତା ଦେବୀ
କନକ ବ୍ୟୁରୋ : ରେସଲିଂର ଇତିହାସ ବଦଳାଇ ଦେଲେ ଭାରତୀୟ ମହିଳା ରେସଲର । ସାଲୱାର ସୁଟ୍ ପିନ୍ଧି ରେସଲିଂ ରିଂରେ କଲେ ଫାଇଟ୍ । ଏହି ଭାରତୀୟ ରେସଲରଙ୍କ ନାଁ କବିତା ଦେବୀ । ନିକଟରେ ୟଙ୍ଗ୍ କ୍ଲାସିକ୍ ଟୁର୍ଣାମେଂଟରେ ଭାଗ ନେଇଥିବା କବିତା ନିଜ ପୋଷାକ ପାଇଁ ଚର୍ଚ୍ଚାକୁ ଆସିଛନ୍ତି । ସାଧାରଣତଃ ରେସଲିଂ ଲଢୁଥିବା ମହିଳା ରେସଲର ମାନଙ୍କ ପୋଷାକରେ ନଗ୍ନତା ସ୍ପଷ୍ଟ ବାରି ହୋଇ ପଡୁଥିବା ବେଳେ ଏଥିରେ ବ୍ୟତିକ୍ରମ ସୃଷ୍ଟି କରିଛନ୍ତି ଏହି ମୂଳ ଭାରତୀୟ ବାସିନ୍ଦା । ସଂପୂର୍ଣ ଭାରତୀୟ ପୋଷାକ ସାଲୱାର ସୁଟ୍ ପିନ୍ଧିବା ସହ ରିଂରେ ଫାଇଟ୍ କରିଛନ୍ତି । ନ୍ୟୁଜିଲାଣ୍ଡ ରେସଲର ଡକୋଟା କାଇଙ୍କୁ ଖୁବ୍ ପିଟିଛନ୍ତି କବିତା ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ଏହି ଫାଇଟରେ ଇକୋକାଙ୍କ ଠାରୁ ହାରି ଯାଇଥିଲେ କବିତା, ତେବେ ତାଙ୍କର ଏହି ରେସଲିଂ ଭିଡିଓ ଏବେ ଭାଇରାଲ ହୋଇଛି । ଭାରତୀୟ ପୋଷାକ ପିନ୍ଧି ରେସଲିଂ ଲଢୁଥିବା କବିତାଙ୍କୁ ବେଶ୍ ପ୍ରଶଂସା କରାଯାଇଛି ସୋସିଆଲ ମିଡିଆରେ । କାରଣ ପୂର୍ବରୁ କୌଣସି ମହିଳା ରେସଲର ଏପରି ପୋଷାକ ପିନ୍ଧି ରିଂକୁ ଓହ୍ଲାଇ ନଥିଲେ । ଯେଉଁଥି ପାଇଁ ରେସଲିଂ ଇତିହାସରେ ସାଲୱାର ସୁଟରେ ଫାଇଟ୍ କରିବାରେ କବିତା ହେଉଛନ୍ତି ପ୍ରଥମ ରେସଲର । ଅନ୍ତର୍ଜାତୀୟ ରେସଲିଂ ଦୁନିଆରେ ନାଁ କରିଥିବା ଭାରତୀୟ ରେସଲର ଦି ଗ୍ରେଟ୍ ଖଲିଙ୍କ ଠାରୁ ଏବେ ତାଲିମ ନେଉଛନ୍ତି କବିତା ।