ଟୁଇଟରରେ ମୁହାଁମୁହିଁ ହେଲେ ରାଜସ୍ଥାନ୍ ରୟାଲ୍ସ-ଲକ୍ଷ୍ନୌ ସୁପରଜ୍ୟାଣ୍ଟସ୍ । ଦେଖନ୍ତୁ, ଦୁଇ ଦଳ କଣ କଲେ ଟୁଇଟ୍…
କନକ ବ୍ୟୁରୋ: ଇଣ୍ଡିଆନ୍ ପ୍ରିମିୟର ଲିଗର ୧୫ ତମ ସିଜିନରେ ଏଥର ଦୁଇଟି ନୂଆ ଦଳ ଭାଗ ନେବାକୁ ଯାଉଛନ୍ତି । ଲକ୍ଷ୍ନୌ ଓ ଅହମ୍ମଦାବାଦ୍ ଟିମ୍ ଏଥର ନୂଆ କରି ନିଜର ଆଇପିଏଲ୍ ଅଭିଯାନ ଆରମ୍ଭ କରିବେ । ଦୁଇଟି ଯାକ ଟିମ୍ ଏଥିପାଇଁ ନିଜର ପ୍ରସ୍ତୁତି ଆରମ୍ଭ କରିଦେଇଛନ୍ତି । ସୋମବାର ଲକ୍ଷ୍ନୌ ଟିମ ନିଜର ନାମ ମଧ୍ୟ ଘୋଷଣା କରିଦେଇଛି । ଲକ୍ଷ୍ନୌ ଟିମ୍ ଏଥର ଆଇପିଏଲରେ ଲକ୍ଷ୍ନୌ ସୁପରଜ୍ୟାଣ୍ଟସ୍ ନାଁରେ ପରିଚିତ ହେବ । ତେବେ ୨୦୧୬ ଓ ୨୦୧୭ରେ ମଧ୍ୟ ଏହି ଗୋୟନଙ୍କା ଗ୍ରୁପ୍ ଅଧୀନରେ ଥିବା ପୁଣେ ଟିମର ନାଁ ପୁଣେ ସୁପରଜ୍ୟାଣ୍ଟସ ରଖାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଲକ୍ଷ୍ନୌ ଟିମ୍ ନିଜର ନାଁ ଘୋଷଣା କରିବା ସହିତ ଦଳର ଫ୍ୟାନ୍ସମାନେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି । ଆଇପିଏଲ୍ ଟିମ୍ ରାଜସ୍ଥାନ ରୟାଲ୍ସ ମଧ୍ୟ ଏହାକୁ ନେଇ ନିଜର ପ୍ରତିକ୍ରିୟା ରଖିଛି । ପୁଣେ ଓ ଲକ୍ଷ୍ନୌ ଟିମର ନାଁ ଏକାଭଳି ରହିଥିବାରୁ ରାଜସ୍ଥାନ ରୟାଲ୍ସ ଟୁଇଟ୍ କରି ଏହାର ମଜାକ୍ ଉଡାଇଛି । ତା ସହିତ ଏକ ମିମ୍ ମଧ୍ୟ ସେୟାର କରିଛି ରାଜସ୍ଥାନ ରୟାଲ୍ସ ।
Pun(e) intended https://t.co/0BSl8twqat pic.twitter.com/yqujgBr5cJ
— Rajasthan Royals (@rajasthanroyals) January 24, 2022
ପ୍ରତି ଜବାବରେ ଲକ୍ଷ୍ନୌ ମଧ୍ୟ ରାଜସ୍ଥାନ ରୟାଲ୍ସକୁ ନେଇ ମଜାଦାର ଟୁଇଟ୍ କରିଛି । ରାଜସ୍ଥାନ ରୟାଲ୍ସର ଟୁଇଟକୁ ରି-ଟୁଇଟ୍ କରି ଲକ୍ଷ୍ନୌ ଟିମ୍ ଲେଖିଛି, ଆମେ ତମକୁ ଦୁଇ ବର୍ଷ ମିସ୍ କଲୁ । ଅର୍ଥାତ, ୨୦୧୬ ଓ ୨୦୧୭ରେ ଫିକ୍ସିଂ କାରଣରୁ ରାଜସ୍ଥାନ ରୟାଲ୍ସ ଆଇପିଏଲରୁ ବାଦ୍ ପଡିଥିଲା । ଏହି କଥାକୁ ମନେ ପକାଇ ରାଜସ୍ଥାନ ଦଳକୁ ସିଧା ତୀର ମାରିଥିଲା ଲକ୍ଷ୍ନୌ ସୁପରଜ୍ୟାଣ୍ଟସ୍ ।
With all due respect, we missed you those 2 years. 😜 https://t.co/FR0PzZKZA0
— Lucknow Super Giants (@LucknowIPL) January 24, 2022
ଟୁଇଟରରେ ଏହି ଦୁଇ ଟିମର ଏହି ଟୁଇଟ୍ ୱାରକୁ ନେଇ ଅନେକ ଚର୍ଚ୍ଚା ହୋଇଥିଲା । ତେବେ କିଛି ଫ୍ୟାନ୍ସ ପୁଣେ ଓ ଲକ୍ଷ୍ନୌ ଟିମର ନାଁ ଏକପ୍ରକାର ହେବାକୁ ନେଇ ନିଜର ଅସନ୍ତୋଷ ମଧ୍ୟ ଜାହିର କରିଥିଲେ ।