ହନିଟ୍ରାପ୍ କୁ ନେଇ ଭାରତୀୟ ସେନାର ଚିନ୍ତା । ଟ୍ରାପ୍ ରୋକିବାକୁ ସେନା ଆପଣାଇଲା ଅଭିନବ ଉପାୟ । କେମିତି ରହିବେ ନିବୃତ୍ତ, ଭିଡିଓ ମାଧ୍ୟମରେ ଯବାନଙ୍କୁ ଦିଆଯାଉଛି ଶିକ୍ଷା
କନକ ବ୍ୟୁରୋ : ଶତ୍ରୁରାଷ୍ଟ୍ରର ହନିଟ୍ରାପ ରୋକିବାକୁ ଭାରତୀୟ ସେନାର ନୂଆ ଯୋଜନା । ଶତୃରାଷ୍ଟ୍ର ଦ୍ୱାରା ହନିଟ୍ରାପ ମାଧ୍ୟମରେ ଫସୁଥିବା ଯବାନ ମାନଙ୍କୁ ଦିଆଯିବ ନୂତନ ଜ୍ଞାନ କୌଶଳର ଶିକ୍ଷା । ଭାରତୀୟ ସେନା ଆଣିଲା ଫେସ୍କାଲ ପ୍ରୋଫାଇଲ କ୍ଳୋନିଂ ବନ୍ଦ କରିବାର ବ୍ୟବସ୍ଥା । ଏହାଦ୍ୱାରା ଯବାନ ମାନଙ୍କ ଫେସବୁକ୍ ଆସୁଥିବା ନୋଟିଫିକେସନକୁ ଆଗୁଆ କରାଯାଇପାରିବ ଯାଂଚ ।
Kanak News is now on WhatsApp
Join and get latest news updates delivered to you via WhatsApp
ସିଆରପିଏଫ୍ ସେମାନଙ୍କ ଯବାନ ମାନଙ୍କର ଫେସବୁକ୍ ପ୍ରୋଫାଇଲକୁ ବନ୍ଦ କରିବା ପାଇଁ ଏକ ଆଲାର୍ମ ପ୍ରକାଶ କରି ଏକ ଚିଠି ଜାରୀ କରିଛନ୍ତି । ଦେଖା ଦେଇଛି ଯେ ଶତୃରାଷ୍ଟ୍ର ବିିଭିନ୍ନ ଉପାୟରେ ଭାରତୀୟ ସେନା ମାନଙ୍କୁ ଫସାଇ ଦେଉଛି । ଯେମିତି କି ଫେସବୁକ୍ ସାଇଟ୍ କୁ ଏନେଇ ଏକ ବଡ ମାଧ୍ୟମ କରିଛି ଶତୃରାଷ୍ଟ୍ର । ଯବାନ ମାନଙ୍କ ଫେସବୁକ୍ କୁ ଆସୁଛି ସୁନ୍ଦରୀ ମହିଳା ମାନଙ୍କର ଫ୍ରେଣ୍ଡ ରିକ୍ୱେଷ୍ଟ । ଏହି ମହିଳା ମାନେ ଧିରେ ଧିରେ ଯବାନ ମାନଙ୍କ ସହ ବନ୍ଧୁତା କରୁଛନ୍ତି । ଏହା ପରେ ଯବାନ ମାନଙ୍କୁ ହନିଟ୍ରାପ୍ ମାଧ୍ୟମରେ ଫସାଇ ସେମାନଙ୍କ ଠାରୁ ଦେଶର ଅନେକ ଗୁପ୍ତ ତଥ୍ୟ ହାସଲ କରୁଛନ୍ତି । ଏହାକୁ ସୁରକ୍ଷିତ ଓ ଗୁପ୍ତ ରଖିବାକୁ ସେମାନେ ଫେସ୍କାଲ ପ୍ରୋଫାଇଲ କ୍ଲୋନିଂ ଭଳି ଆପ୍ ବ୍ୟବହାର କରୁଛନ୍ତି । ଏହା ଉପରେ ରୋକ୍ ଲଗାଇବାକୁ ସମ୍ବେଦନଶୀଳ ସ୍ଥାନରେ ନିୟୋଜିତ ଯବାନ ମାନଙ୍କୁ ଏକ ଚିଠି ଜାରୀ କରାଯାଇଛି ଭାରତୀୟ ସେନା ।
ଏହା ବ୍ୟତିତ ସିଆରପିଏଫ୍ ର ସୋସିଆଲ ମିଡିଆ ଟିମ୍ ‘ ସୋସିଆଲ ମିଡିଆ କ୍ଲୋନିଂ ଉପରେ ମାନୁଆଲ’ ଜାରି କରିଛନ୍ତି । ଏହାସହ ସୁରକ୍ଷାକର୍ମୀ ମାନଙ୍କୁ ଟାର୍ଗେଟ୍ କରିବାକୁ କିଭଳି ଫେସବୁକ୍ ପ୍ରୋଫାଇଲ କ୍ଲୋନିଂ ବ୍ୟବହାର କରାଯାଏ ଓ ଏହାକୁ କିଭଳି ପ୍ରତିରୋଧ କରାଯାଇ ପାରିବ ସେ ନେଇ ଏକ ଭିଡିଓ ଜାରି କରାଯାଇଛି ।
ସିଆରପିଏଫ୍ ର ଜଣେ ବରିଷ୍ଠ ଅଧିକାରୀ କହିଛନ୍ତି କି ଗତ କିଛିମାସ ମଧ୍ୟରେ ସେମାନଙ୍କ ପରିବାର ସଦସ୍ୟ ଓ ବନ୍ଧୁ ମାନଙ୍କର କ୍ଲୋନ ପ୍ରୋଫାଇଲକୁ ଅନେକ ଫ୍ରେଣ୍ଡ ରିକ୍ୱେଷ୍ଟ ଆସିଛି ଓ ତାହାକୁ ସେମାନେ ଗ୍ରହଣ କରିଛନ୍ତି । ଏହାସହ ଏହି ବନ୍ଧୁମାନଙ୍କୁ ଟଙ୍କାର ଲୋଭ ଦେଖାଇ ଯବାନ ମାନଙ୍କର ସ୍ଥିତି ଓ ଫେସବୁକ୍ ଆଇଡି ମାଗୁଥିବା ବି କିଛି ଯବାନ ଅଭିଯୋଗ କରିଛନ୍ତି ।
ଏହାକୁ ପ୍ରତିହତ କରିବା ଓ କିଭଳି ଭାବେ ଯବାନ ମାନଙ୍କୁ ଏଭଳି ଫେସ୍କାଲ କ୍ଲୋନିଂ ଆପ୍ ମାଧ୍ୟମରେ ହନିଟ୍ରାପ୍ ରୁ ରକ୍ଷା କରିବାକୁ ଅଣ୍ଟା ଭିଡିଛି ଭାରତୀୟ ସେନା ।