‘ଓମିକ୍ରନ୍’କୁ ନେଇ ଭାରତରେ ସତର୍କ ସୂଚନା: ବିଦେଶ ଫେରନ୍ତାଙ୍କ ପାଇଁ କଟକଣା ଲଗାଇଲେ
କନକ ବ୍ୟୁରୋ: କରୋନା ଭୂତାଣୁର ନୂଆ ପ୍ରଜାତି ଓମିକ୍ରନକୁ ନେଇ ଗାଇଡଲାଇନ ଜାରି କଲେ କେନ୍ଦ୍ର ସରକାର । ବିଦେଶ ଫେରନ୍ତାଙ୍କ ପାଇଁ ନୂଆ ନିୟମ ଜାରି କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ଏଣିକି ବିଦେଶରୁ ଫେରୁଥିବା ବ୍ୟକ୍ତି ବିମାନବନ୍ଦରରେ ୭୨ ଘଂଟା ପୂର୍ବର ଆରଟି-ପିସିଆର ରିପୋର୍ଟ ଦେବାକୁ ପଡିବ । ଏହାସହ ଏକ ସ୍ୱ ଘୋଷଣା ପତ୍ର ମଧ୍ୟ ଦେବାକୁପଡିବା ସେହିପରି ଏ ପର୍ଯନ୍ତ ବ୍ୟାପି ସାରିଥିବା ଦେଶମାନଙ୍କ ମଧ୍ୟରୁ ଭାରତ ଆସିଲେ ବିମାନ ବନ୍ଦରରେ ଆର-ଟିପିସିଆର ଟେଷ୍ଟ ପାଇଁ ନମୁନା ଦେବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଓମିକ୍ରନ ର ଆକ୍ରାନ୍ତ ଚିହ୍ନଟ ହୋଇଥିବା ଦେଶରୁ ଭାରତ ଫେରୁୁଥିବା ଯାତ୍ରୀଙ୍କ ମଧ୍ୟରେ ଲକ୍ଷଣ ନ ଥିଲେ ମଧ୍ୟ ସାତ ଦିନିଆ ସଂଘରୋଧ ରହିବାକୁ ପଡିବ । ଏହାପରେ ପୁଣି ଟେଷ୍ଟ କରାଯିବ ବୋଲି ଏକ ସ୍ୱତନ୍ତ୍ର ମାର୍ଗଦର୍ଶିକା ଜରିଆରେ ସର୍ତାବଳୀ ଜାରି କରାଯାଇଛି । ଏ ସବୁ ନିୟମ ର ଖିଲାପ କଲେ ଯାତ୍ରୀମାନେ ଭାରତକୁ ପ୍ରବେଶ କରିପାରିବେ ନାହିଁ ବୋଲି ମାର୍ଗ ଦର୍ଶିକାରେ ଉଲ୍ଲେଖ ରହିଛି ।