ଦେଶରେ ବଢୁଛି କରୋନା ମୃତ୍ୟୁ : ୨୪ ଘଣ୍ଟାରେ ଗଲା ଆଉ ୨୭ ଜୀବନ; ୧୦ହଜାର ତଳକୁ ଖସିଲା ଦୈନିକ ସଂକ୍ରମଣ

କନକ ବ୍ୟୁରୋ : ଦେଶରେ ବଢୁଛି କରୋନା ମୃତ୍ୟୁ । ଗତ ୨୪ ଘଣ୍ଟାରେ ଦେଶରେ ୨୭ ଜଣଙ୍କ ଜୀବନ ଯାଇଛି । ସେପଟେ ୧୦ ହଜାର ତଳକୁ ଖସିଲା ଦେଶରେ କରୋନାର ଦୈନିକ ସଂକ୍ରମଣ । ଫଳରେ ଆକ୍ଟିଭ୍ କେସ୍ ୬୦ ହଜାର ପାର କରିଛି । ଗତକାଲି ଦେଶରେ ୧୦ ହଜାର ୯୩ ଜଣ ପଜିଟିଭ୍ ଚିହ୍ନଟ ହୋଇଥିବା ବେଳେ ୨୩ ଜଣଙ୍କ କରୋନାରେ ମୃତ୍ୟୁ ହୋଇଥିଲା ।

ରାଜଧାନୀ ଦିଲ୍ଲୀରେ କରୋନା ଦ୍ରୁତ ଗତିରେ ବୃଦ୍ଧି ପାଉଛି । ଗତକାଲି ଦିଲ୍ଲୀରେ ୧୬୩୪ ନୂଆ ପଜିଟିଭ୍ ଚିହ୍ନଟ ହୋଇଥିଲେ । ସେହିପରି ଦିନକରେ ୩ ଜଣଙ୍କ କରୋନାରେ ଜୀବନ ଯାଇଛି । କାନପୁର ଆଇଆଇଟି ପ୍ରଫେସର ମନିନ୍ଦ୍ର ଅଗ୍ରୱାଲ କହିଛନ୍ତି ମେ’ ମାସର ମଧ୍ୟ ଭାଗରେ କରୋନା ପିକରେ ପହଞ୍ଚିପାରେ । ଏହି ସମୟରେ ଦିନକୁ ୫୦ ହଜାରରୁ ଅଧିକ ମାମଲା ଆସିପାରେ ।