କଳିଙ୍ଗରେ ଭାରତର ବିଶ୍ୱକପ ହକି ଅଭିଯାନ ଶେଷ । ନେଦରଲାଣ୍ଡ ଠାରୁ ୨-୧ ପରାସ୍ତ ହୋଇ ସେମିଫାଇନାଲରୁ ବାଦ୍ ପଡିଲା ଟିମ୍ ଇଣ୍ଡିଆ
କନକ ବ୍ୟୁରୋ : ଭାରତର ବିଶ୍ୱକପ ହକି ଅଭିଯାନ ଶେଷ । ବିଶ୍ୱକପ ହକିରୁ ବାଦ ପଡିଲା ଟିମ ଇଣ୍ଡିଆ । ଆଜି ଖେଳାଯାଇଥିବା କ୍ୱାର୍ଟର ଫାଇନାଲ ମ୍ୟାଚରେ ଭାରତ ପାଇଁ ଥିଲା କର ବା ମର ସ୍ଥିତିା ନେଦରଲ୍ୟାଣ୍ଡ ସହ କଡା ମୁକାବିଲା ସତ୍ୱେ ଭାରତକୁ ପରାଜୟର ସାମନା କରିବାକୁ ପଡିଛି । ଶେଷ ମିନିଟ ପର୍ଯ୍ୟନ୍ତ ଚାଲିଥିବା ଏହି ଘମାସାନ ଲଢେଇରେ ଭାରତ ନେଦରଲ୍ୟାଣ୍ଡକୁ ଗୋଟିଏ ମାତ୍ର ଗୋଲ ଦେଇପାରିଥିଲା ।
Kanak News is now on WhatsApp
Join and get latest news updates delivered to you via WhatsApp
Winning vs losing.
Great game between these two teams, so close in every way but there has to be a winner! @oranjehockey @hockey_nl @TheHockeyIndia
📸FIH/@GettySport pic.twitter.com/3IukcPzhu6— International Hockey Federation (@FIH_Hockey) December 13, 2018
ତେବେ ଜବରଦସ୍ତ ପ୍ରଦର୍ଶନ ସହ ନେଦରଲ୍ୟାଣ୍ଡ ଭାରତକୁ ୨-୧ ଗୋଲରେ ପରାସ୍ତ କରିଛି । ଏହି ପରାଜୟ ସହ ଭାରତ ସେମିଫାଇନାଲ ରେସରୁ ବାଦ ପଡିଛି । ବିଶ୍ୱକପ ହକିରୁ ବିଦାୟ ନେଇଛି ଟିମ ଇଣ୍ଡିଆ । ଏହାସହ ଭାରତକୁ ହରାଇ ସେମିଫାଇନାଲରେ ସ୍ଥାନ ପକା କରିଥିବା ନେଦରଲ୍ୟାଣ୍ଡ ପରବର୍ତ୍ତୀ ମ୍ୟାଚରେ ବିଶ୍ୱକପ ଚାମ୍ପିୟନ ଅଷ୍ଟ୍ରେଲିଆକୁ ଭେଟିବାକୁ ଯାଉଛି । ତେବେ ମ୍ୟାଚ୍ ପରେ ଭାରତୀୟ ଟିମ୍ ପକ୍ଷରୁ ଯେଉଁ ପ୍ରେସମିଟ୍ କରାଯାଇଥିଲା ସେଥିରେ ପରାଜୟ ପାଇଁ ଅମ୍ପାୟରଙ୍କ ଭୁଲ ନିଷ୍ପତିକୁ ଦାୟୀ କରିଛନ୍ତି ଅଧିନାୟକ ଓ କୋଚ୍ ହରେନ୍ଦ୍ର ସିଂ । ଏହା ପୂର୍ବରୁ ପ୍ରଥମେ ଖେଳାଯାଇଥିବା କ୍ୱାର୍ଟର ଫାଇନାଲରେ ବେଲଜିୟମ ଜର୍ମାନୀକୁ ୨-୧ ଗୋଲରେ ହରାଇ ସେମିଫାଇନାଲରେ ପହଂଚିଛି । ସେହିଭଳି ବେଲଜିୟମ ଇଂଲଣ୍ଡ ମଧ୍ୟରେ ଖେଳାଯିବ ସେମିଫାଇନାଲର ଅନ୍ୟ ଏକ ମ୍ୟାଚ୍ ।