ଭାରତ-ଚୀନର ତିକ୍ତତା ଆଗକୁ ନେଇପାରେ ଯୁଦ୍ଧର ରୂପ । ଚିନ୍ତା ବଢାଇଲେ ଆମେରିକା ଇଣ୍ଟେଲିଜେନ୍ସ ରିପୋର୍ଟ
କନକ ବ୍ୟୁରୋ : ଭାରତ ଚୀନ୍ ମଧ୍ୟରେ ତିକ୍ତତା ଆହୁରି ବଢିବ । ଆଗକୁ ଏହି ତିକ୍ତତା ଯୁଦ୍ଧର ରୂପ ନେଇପାରେ । ଏକଥା ଆମେ କହୁନାହୁଁ । ଏପରି କିଛି ଆକଳନ କରିଛି ଆମେରିକା ଇଣ୍ଟେଲିଜେନ୍ସ କମ୍ୟୁନିଟିର ଆନୁଆଲ୍ ରିପୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ୟୁଏସ୍ ଇଣ୍ଟେଲିଜେନ୍ସର ବାର୍ଷିକ ରିପୋର୍ଟ ଆଧାରରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତୀୟ ସେନା ପାକିସ୍ତାନ ଏବଂ ଚୀନକୁ ଯବାବ ଦେବ । ସୀମାରେ ଭାରତ-ଚୀନ ମଧ୍ୟରେ ବଢୁଥିବା ତିକ୍ତତା ଆଗକୁ ଯାଇ ଯୁଦ୍ଧରେ ପରିଣତ ହୋଇପାରେ ବୋଲି ଏହି ରିପୋର୍ଟରେ ପ୍ରକାଶ ପାଇଛି । ୨୦୨୦ରୁ ଉଭୟ ଦେଶ ମଧ୍ୟରେ ଆରମ୍ଭ ହୋଇଥିବା ବିବାଦ ଥମିବାର ନାଁ ନେଉନାହିଁ । ଏଲଏସିରେ ଉଭୟ ପକ୍ଷରୁ ସେନା ମୁତୟନକୁ ବଢାଯାଉଛି । ଉଭୟ ଦେଶର ସେନାଙ୍କ ମଧ୍ୟରେ ବାରମ୍ବାର ମୁହାଁମୁହିଁ ପରିସ୍ଥିତି ସୃଷ୍ଟି ହେଉଛି । ଆଉ ଏହି ସବୁକୁ ଦୃଷ୍ଟିରେ ରଖି ଆଗକୁ ଭାରତ-ଚୀନ ମଧ୍ୟରେ ଯୁଦ୍ଧ ଆଶଂକା ଦେଖାଦେଇପାରେ ବୋଳି ଆକଳନ କରିଛି ଆମେରିକା ଇଣ୍ଟେଲିଜେନ୍ସ ।
ଅନ୍ୟପଟେ ପ୍ରକାଶ ପାଇଥିବା ଏହି ରିପୋର୍ଟକୁ ଚିନ୍ତାର ବିଷୟ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଜୋ-ବାଇଡେନ୍ । ଆମେରିକା ରାଷ୍ଟ୍ରପତି କହିଛନ୍ତି, ପାକିସ୍ତାନର ଇତିହାସ କୁହେ, ଭାରତ ବିପକ୍ଷରେ ପାକିସ୍ତାନ୍ ସବୁବେଳେ ଆତଙ୍କବାଦୀଙ୍କୁ ସମର୍ଥନ କରିଆସିଛି । ଅନେକ ଥର ଅସ୍ତ୍ରବିରତୀ ଉଲଂଘନ କରିଛି । ତେଣୁ ଅନୁମାନ କରାଯାଉଛି କି, ଆଗକୁ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ଭାରତୀୟ ସେନା ଠିକ୍ ସମୟରେ ଠିକଣା ଜବାବ ଦେବ ।