ଆମେରିକାର ପାକିସ୍ତାନ ପ୍ରୀତିକୁ ନେଇ ଭାରତର ଅସନ୍ତୋଷ ପ୍ରକାଶ । ଆମେରିକା ବୈଦେଶିକମନ୍ତ୍ରୀଙ୍କୁ ଜୟଶଂକରଙ୍କ ଶାଣିତ ଜବାବ୍
କନକ ବ୍ୟୁରୋ : ଆମେରିକାର ପାକିସ୍ତାନ ପ୍ରୀତିକୁ ନେଇ ଭାରତର ଅସନ୍ତୋଷ ପ୍ରକାଶ । ଭାରତୀୟ ବୈଦେଶିକମନ୍ତ୍ରୀ ଏସ ଜୟଶଙ୍କର ଆମେରିକାର ବୈଦେଶିକମନ୍ତ୍ରୀ ଆନ୍ଥୋନୀ ବ୍ଲିକେନକୁ ଶାଣିତ ଅନ୍ଦାଜରେ ଜବାବ ଦେଇଛନ୍ତି ।ନିକଟରେ ପାକିସ୍ତାନକୁ ଆମେରିକା ୪୫୦ ମିଲିୟନ ଡଲାର ଆର୍ଥିକ ସହାୟତ କରିବା ପରେ ଭାରତକୁ ଏହାକୁ ସମାଲୋଚନା କରିଛି । ପାକିସ୍ତାନର ଏଫ ୧୬ ଫାଇଟର ଜେଟର ମରାମତି ପାଇଁ ଆର୍ଥିକ ସାହାଯ୍ୟ ଦେଇଥିଲା ଆମେରିକା । ଏହାକୁ ନେଇ ଭାରତ ବିରୋଧ କରିବା ପରେ ଆମେରିକା ନିଜର ସଫେଇ ରଖିଥିଲା ଓ କହିଥିଲା କି ଏହା ଆତଙ୍କବାଦ ବିରୋଧୀ ଲଢେଇ ପାଇଁ ସହାୟକ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ ବାଇଡେନ ପ୍ରଶାସନର ଏହି ନିଷ୍ପତିକୁ ବିରୋଧ କରି ଭାରତ କହିଛି ଏଭଳି ବୟାନବାଜୀ କରି କାହାକୁ ବୋକା ବନାଇବାକୁ ଚେଷ୍ଟା ନକରୁ ଆମେରିକା । ଏଥିସହ ଆମେରିକାକୁ ସର୍ତକ କରାଇ ଭାରତ କହିଛି ପାକିସ୍ତାନ ସହ ସର୍ମ୍ପକ ଯୋଡିବା ଆମେରିକା ପାଇଁ ବିଭିନ୍ନ ଦୃଷ୍ଟିରୁ କ୍ଷତିକାରକ ସାବ୍ୟସ୍ତ ହୋଇପାରେ । ତେଣୁ ଭାବିଚିନ୍ତି ନିଷ୍ପତି ନେଉ ବାଇଡେନ ପ୍ରଶାସନ । ସେପଟେ ନିଆଁରେ ଘିଅ ଢାଳି ବନ୍ୟା ପରିସ୍ଥିତି ଓ ମାନବିକ ସହାୟତା ପାଇଁ ପାକିସ୍ତାନକୁ ଆମେରିକା ପୁଣି ଥରେ ୫୬.୯୮ ନିୟୁତ ଡଲାର ଅର୍ଥାତ ଭାରତୀୟ ମୁଦ୍ରା ହିସାବରେ ୪୬୦କୋଟି ଟଙ୍କା ସାହାଯ୍ୟ କରିଛି