କନକ ବ୍ୟୁରୋ: କର୍ଣ୍ଣାଟକରେ ଉଦଘାଟିତ ହୋଇଛି ହାଲର ହେଲିକପ୍ଟର ଫ୍ୟାକ୍ଟ୍ରି । ଏହି ହେଲିକପ୍ଟର କାରଖାନା ଏସିଆ ମହାଦେଶର ସବୁଠାରୁ ବଡ ହେଲିକପ୍ଟର କାରଖାନା । ପ୍ରତିରକ୍ଷା ବିଭାଗର ସୂଚନା ଅନୁସାରେ ଏହାର ନାମ ରଖାଯାଇଛି ଗ୍ରୀନଫିଲ୍ଡ ହେଲିକପ୍ଟର କାରଖାନା । ଆଗାମୀ ୨୦ ବର୍ଷରେ ଏଠାରେ ୧ ହଜାରରୁ ଅଧିକ ହେଲିକପ୍ଟର ନିର୍ମାଣର ଲକ୍ଷ୍ୟ ରଖାଯାଇଛି । ଏହି କାରଖାନା ପାଖାପାଖି ୬୧୫ ଏକର ଅଞ୍ଚଳରେ ପରିବ୍ୟାପ୍ତ ହୋଇଛି । ପ୍ରତ୍ୟେକ ବର୍ଷ ୩୦ହେଲିକପ୍ଟର ପ୍ରସ୍ତୁତ କରିବାକୁ ଯୋଜନା କରାଯାଇଛି । ଆସନ୍ତୁ ଜାଣିନେବା ସରକାର ଏହାକୁ ନେଇ କଣ ଯୋଜନା ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଢିବ ହେଲିକପ୍ଟର ନିର୍ମାଣର କ୍ଷମତା
ଏସିଆ ମହାଦେଶର ଏହି ସର୍ବବୃହତ ହେଲିକପ୍ଟର କାରଖାନା ସାହାଯ୍ୟରେ ଦେଶର ହେଲିକପ୍ଟର ନିର୍ମାଣର କ୍ଷମତା ବଢିବ । ପ୍ରଥମେ ଏଠାରେ ଲାଇଟ ୟୁଟିଲିଟି ହେଲିକପ୍ଟର ନିର୍ମାଣ କରାଯିବ । ଏହା ସ୍ୱଦେଶୀ ଡିଜାଇନରେ ପ୍ରସ୍ତୁତ ତଥା ତିନି ଟନ କ୍ୟାଟେଗୋରୀର ସିଙ୍ଗଲ ଇଞ୍ଜିନ ହେଲିକପ୍ଟର । ପ୍ରଥମ ବର୍ଷରେ ଏଭଳି ୩୦ ହେଲିକପ୍ଟର ନିର୍ମାଣ କରାଯିବ ।
ପ୍ରତ୍ୟେକ ବର୍ଷ ୬୦ରୁ ୯୦ ହେଲକପ୍ଟର ପ୍ରସ୍ତୁତି ଲକ୍ଷ୍ୟ
ପ୍ରଥମେ ଏହି କାରଖାନାରେ ୩୦ ହେଲିକପ୍ଟର ପ୍ରସ୍ତୁତ କରିବାକୁ ଲକ୍ଷ୍ୟ ରଖାଯାଇଛି । ପରେ ଏଠାରେ ୬୦ରୁ ୯୦ ହେଲିକପ୍ଟର ପ୍ରସ୍ତୁତି କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି । କାରଖାନାରେ ଲାଇଟ ୟୁଟିଲିଟି ହେଲିକପ୍ଟର ଛଡା କିଛି ସମୟ ପରେ ଲାଇଟ କମ୍ବାକ୍ଟ ଏବଂ ଇଣ୍ଡିଆନ ମଲ୍ଟିରୋଲ ହେଲିକପ୍ଟର ପ୍ରସ୍ତୁତ କରାଯିବ ।
ଆତ୍ମନିର୍ଭରତା ସହ ରପ୍ତାନୀ ବୃଦ୍ଧି ହେବ
ଏହି ଫ୍ୟାକ୍ଟ୍ରି ଜରିଆରେ ପ୍ରତିରକ୍ଷା କ୍ଷେତ୍ରରେ ମେଡ-ଇନ-ଇଣ୍ଡିଆ ଅଭିଯାନକୁ ସଫଳତା ମିଳିବ । ଏହା ଛଡା ହେଲିକପ୍ଟର ସହ ଜଡିତ ମରାମତିର କାମ ମଧ୍ୟ ହୋଇପାରିବ । ଏଠାରେ ପ୍ରସ୍ତୁତ ହେଉଥିବା ସିଭିଲ ଲାଇଟ ୟୁଟିଲିଟି ହେଲିକପ୍ଟରକୁ ବାହାରକୁ ରପ୍ତାନି କରାଯାଇପାରିବ ।
୬ ହଜାର ଯୁବକଙ୍କୁ ମିଳିବ ରୋଜଗାର
ପିଏମଓ ପକ୍ଷରୁ ଜାରିହୋଇଥିବା ବୟାନରେ କୁହାଯାଇଛି, ଆଗାମୀ ୨୦ ବର୍ଷ ମଧ୍ୟରେ ୧ ହଜାର ହେଲିକପ୍ଟରକୁ ପ୍ରସ୍ତୁତ କରାଯିବା ନେଇ ଲକ୍ଷ୍ୟ ରଖାଯାଇଛି । ଏଠାରେ ପାଖାପାଖି ୬ ହଜାର ଯୁବକ ଯୁବତୀଙ୍କୁ ରୋଜଗାର ମିଳିବ । ଦେଶ ଉତ୍ପାଦନ କ୍ଷେତ୍ରରେ ଆଗକୁ ବଢୁଛି ତେଣୁ ଏହି କ୍ଷେତ୍ରରେ ଦେଶର ଯୁବକଙ୍କୁ ଆଗକୁ ସୁଯୋଗ ମିଳିବ ।
ଫ୍ୟାକ୍ଟ୍ରି ହେବ ପରେ ଅନେକ କିଛି ବଦଳିବ
ବେଙ୍ଗାଲୁରୁରେ ପ୍ରଥମେ ହାଲ ଥିବା କାରଣରୁ ଏହି କାରଖାନାକୁ ଫାଇଦା ମିଳିବ । ଏହା ଦ୍ୱାରା ଏରୋସ୍ପେସ ମ୍ୟାନୁଫ୍ୟାକଚରିଂ ଇକୋସିଷ୍ଟମକୁ ଅଗ୍ରାଧିକାର ମିଳିବ । ଏଠାରେ ବିକାଶ ହେବା ଦ୍ୱାରା ସ୍କୁଲ, କଲେଜ, ଆଞ୍ଚଳିକ କ୍ଷେତ୍ରକୁ ମଧ୍ୟ ବିକଶିତ କରାଯାଇପାରିବ । ସ୍ୱାସ୍ଥ୍ୟ କ୍ଷେତ୍ରରେ ସେବା ବଢିବ । ସେହିଭଳି ଏୟାର ଟ୍ରାଫିକ କଣ୍ଟ୍ରୋଲ, ଫ୍ଲାଇଂ ହ୍ୟାଙ୍ଗର, ଫାଇନାଲ ଆସେମ୍ବଲି ହ୍ୟାଙ୍ଗର, ଷ୍ଟ୍ରକଚର ଆସେମ୍ବଲି ହ୍ୟାଙ୍ଗର ଭଳି ସୁବିଧା ସହ କାରଖାନା କାର୍ଯ୍ୟକରିବ । ଅତ୍ୟାଧୁନିକ ସାମଗ୍ରୀରେ ପୂରା କାରଖାନା ଦେଶବାସୀଙ୍କ ପାଇଁ ପ୍ରସ୍ତୁତ ହୋଇରହିଛି ।