ବଢିବ ଭାରତର ଶକ୍ତି, ଋଷ ଯୋଗାଇବ ‘ବ୍ଲାକ ଜ୍ୟାକ୍ ବମ୍ବର’!
କନକ ବ୍ୟୁରୋ: ଭାରତ ପାଖରେ ବର୍ତ୍ତମାନ ସୁଦ୍ଧା କୌଣସି ବୋମାବର୍ଷଣକାରୀ ବମ୍ବର ନାହିଁ । ଅର୍ଥାତ ସେହି ବିମାନ ଯାହା ଅନେକ ଦୂର ଯିବା ସହ ଶତ୍ରୁ ଉପରେ ବୋମା ବର୍ଷା କରି ଫେରିଯାଇଥାଏ ସେହି ବିମାନ ଭାରତ ପାଖରେ ନାହିଁ । ବର୍ତ୍ତମାନ ଏହି ଭଳି ବମ୍ବରକୁ ହାଇପରସୋନିକ, କ୍ରୁଜ ଏବଂ ସୁପରସୋନିକ ପରମାଣୁ ମିସାଇଲ ଲଞ୍ଚିଙ୍ଗ ପାଇଁ ମଧ୍ୟ ବ୍ୟବହାର କରାଯାଇଥାଏ । ତେବେ ଶୁଣିବାକୁ ମିଳୁଛି ଋଷ ପାଖରୁ ଭାରତ ଏଭଳି ବମ୍ବର ଆଣିପାରେ । କାରଣ, ଋଷ ସହ ହୋଇଥିବା ଏସ-୪୦୦ ଏୟାର ଡିଫେନ୍ସ ଡିଲର ସଫଳତା ପରେ ଏହି ଡିଲ ହେବା ନେଇ ଆଶାସଞ୍ଚାର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଗୋଟିଏ କାର୍ଯ୍ୟକ୍ରମରେ ପୂର୍ବତନ ବାୟୁସେନା ମୁଖ୍ୟ ଏୟାର ଚିଫ ମାର୍ଶଲ ଅରୁପ ରାହା ଏଭଳି କିଛି ସଙ୍କେତ ଦେଇଛନ୍ତି । ଜଣେ ପ୍ରତିରକ୍ଷା ବିଶେଷଜ୍ଞଙ୍କ ପ୍ରଶ୍ନର ଉତ୍ତରରେ ଅରୁପ ଏଭଳି କିଛି ସଙ୍କେତ ଦେଇଛନ୍ତି । ତେବେ ଋଷ ପାଖରୁ ଭାରତକୁ ତୁପୋଲେବ ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବର ମିଳିବା ନେଇ ଆଶା କରାଯାଉଛି ।
ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବରକୁ ହ୍ୱାଇଟ ସ୍ୱାନ ମଧ୍ୟ କୁହାଯାଇଥାଏ । ଏହା ହେଉଛି ଗୋଟିଏ ସୁପରସୋନିକ ସ୍ୱିପ୍ ୱିଙ୍ଗ ହେଭିଷ୍ଟ୍ରାଟେଜିକ ବମ୍ବର । ଏହାର ଡିଜାଇନ୧୯୭୦ ସୋଭିଏତ ୟୁନିୟନର ତୁପୋଲେବ ଡିଜାଇନ ବ୍ୟୁରୋ ନିର୍ମାଣ କରିଥିଲା । ଏହାର ପ୍ରଥମ ଉଡାଣ ୧୯୮୧ରେ ହୋଇଥିଲା । ୧୯୮୭ରୁ ଏହା ଋଷର ବାୟୁସେନାରେ ନିୟୋଜିତ ରହିଛିା
ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବରର ୯ଟି ପରୀକ୍ଷାମୂଳକ ପ୍ଲେନ ନିର୍ମାଣ କରାଯାଇଥିଲା । ପରେ ଏହାର ଆହୁରି ୨୭ ୟୁନିଟ ପ୍ରସ୍ତୁତ କରାଯାଇଥିଲା । ୨୦୧୬ରୁ ନେଇ ବର୍ତ୍ତମାନ ଯାଏ ଋଷ ଏୟାରଫୋର୍ସର ଲଙ୍ଗ ରେଞ୍ଜ ଆଭିଏସନ ବ୍ରାଞ୍ଚରେ ୧୬ ବିମାନ ମହଜୁଦ ରହିଛି । ଋଷର ଯୋଜନା ରହିଛି ଯେ ନିଜ ସେନାରେ ୫୦ଟି ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବର ସାମିଲ କରିବ ।
ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବରକୁ ଏକାସାଙ୍ଗରେ ୪ ଜଣ ଉଡାଇଥାନ୍ତି । ଏଥିରେ ଜଣେ ପାଇଲଟ, ଜଣେ ସହ ପାଇଲଟ, ଜଣେ ବମ୍ବାଡିୟର ଏଲଂ ଜଣେ ଡିଫେନ୍ସ ସିଷ୍ଟମ ଅଫିସର ରହିଥାନ୍ତି । ଏହି ବିମାନ ୧୭୭.୬ ଫୁଟ ଲମ୍ବ, ୪୩ ଫୁଟ ଉଚ୍ଚ । ଖାଲି ପ୍ଲେନର ଓଜନ ୧.୧୦ ଲକ୍ଷ କିଲୋଗ୍ରାମ ।
ସେହିଭଳି ଟିୟୁ-୧୬୦ ବ୍ଲାକ ଜ୍ୟାକ୍ ବମ୍ବର ୪୦ ହଜାର ୨୬ ଫୁଟ ଉଚ୍ଚତାରୁ ଅଧିକ ତମ ୨୨୨୦ କିଲୋମିଟର ପ୍ରତିଘଣ୍ଟା ବେଗରେ ଉଡିପାରେ । ତେବେ ସାଧାରଣ ଭାବେ ଏହା ୯୬୦ କିମି ପ୍ରତି କିଲୋମିଟର ବେଗରେ ଉଡିଥାଏ । ଗୋଟିଏ ଥରରେ ଏହା ୧୨ ହଜାର ୩ ଶହ କିଲୋମିଟର ଉଡାଣ କରିପାରେ । ଯୁଦ୍ଧ ସମୟରେ ଏହାର କମ୍ବାକ୍ଟ ରେଞ୍ଜ ୨ ହଜାର କିଲୋମିଟର । ଏହାର ସବସୋନିକ ଗତି ବଢାଯାଇ ୭୩୦୦ କିଲୋମିଟର କରାଯାଇପାରିବ । ଯାହା ସର୍ବାଧିକ ୫୨ ହଜାର ଫୁଟ ଯାଏ ଉଡାଣ କରିପାରିବ । ଆକାଶରେ ଉଡିବା ପୂର୍ବର ଗତି ୧୪ ହଜାର କିମି ପ୍ରତି ଘଣ୍ଟା ।
ତେବେ ବର୍ତ୍ତମାନ ପ୍ରସଙ୍ଗ ହେଉଛି ଏହା ଯଦି ଭାରତୀୟ ବାୟୁ ସେନାରେ ସାମିଲ ହୁଏ ତେବେ ଦେଶରେ କୌଣସି ବି କଣରେ ମାତ୍ର କିଛି ମିନିଟରେ ପହଞ୍ଚିପାରିବ । ଶତ୍ରକୁ ଜବାବ ଦେବା ପାଇଁ ଏହା ଦେଶର ପ୍ରମୁଖ ଅସ୍ତ୍ର ହୋଇପାରିବ ।