ବଢିଲା ଆୟକର ରିଟର୍ଣ୍ଣ ପୈଠର ଅବଧି ! ଅଗଷ୍ଟ ୫ ପର୍ଯ୍ୟନ୍ତ ଡେଡଲାଇନ୍ ଘୁଂଚାଇଲେ କେନ୍ଦ୍ର ସରକାର
କନକ ବ୍ୟୁରୋ : ବଢିଲା ଆୟକର ରିଟର୍ଣ୍ଣ ପୈଠର ଅବଧି । ଆଜି ଆୟକର ରିଟର୍ଣ୍ଣ ପାଇଁ ଶେଷ ଦିନ ଥିଲା।କେନ୍ଦ୍ର ସରକାର ଏହି ସମୟ ଅବଧିକୁ ଆହୁରି ୫ ଦିନ ପାଇଁ ବଢାଇ ଦେଇଛନ୍ତି । ଏବେ ଆୟକର ଦାତା ଆର୍ଥିକ ବର୍ଷ ୨୦୧୬-୧୭ ପାଇଁ ଅଗଷ୍ଟ ୫ ପର୍ଯ୍ୟନ୍ତ ଆୟକର ରିଟର୍ଣ୍ଣ ଦାଖଲ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ବହୁ ପରିମାଣରେ କରଦାତା ସେମାନଙ୍କର ରିଟର୍ଣ୍ଣ ପୈଠ କରି ପାରି ନଥିବାରୁ ଆୟକର ବିଭାଗ ବାଧ୍ୟ ହୋଇ ନିଜର ନିଷ୍ପତ୍ତିରେ ପରିବର୍ତ୍ତନ ଆଣିଛନ୍ତି । ସୂଚନା ଅନୁସାରେ ଅଗଷ୍ଟ ୫ହେବ ଶେଷ ତାରିଖ । ଏହା ପରେ ଆଉ ବିଭାଗ ପକ୍ଷରୁ ଅବଧିକୁ ବଢ଼ାଯିବ ନାହିଁ ବୋଲି ଜଣାପଡ଼ିଛି । ଆୟକର ବିଭାଗକୁ ଏପର୍ଯ୍ୟନ୍ତ ୨କୋଟି କରତାତା ଇଲେକଟ୍ରୋନିକ ମାଧ୍ୟମରେ ରିଟର୍ଣ୍ଣ ଦାଖଲ କରି ସାରିଥିବା ବେଳେ ଅନେକ କରି ନାହାନ୍ତି । ସେଥିପାଇଁ ନିର୍ଦ୍ଦାରିତ ସମୟ ମଧ୍ୟରେ ରିଟର୍ଣ୍ଣ ଦାଖଲ କରିବାକୁ ଆୟକର ବିଭାଗ ନିବେଦନ କରିଛନ୍ତି ।