କନକ ବ୍ୟୁରୋ: ପୁଣି ତେଜିଲା ଟାଟା ବିରୋଧି ଆନ୍ଦୋଳନ । ଟାଟା ପକ୍ଷରୁ ସ୍ମାର୍ଟ କେମ୍ ଟେକ୍ନେଲୋଜି ନାମକ ସାର କାରଖାନା ପ୍ରକଳ୍ପ ନିର୍ମାଣକୁ କାଳିପଲ୍ଲୀ ଗ୍ରାମବାସୀ ଘୋର ବିରୋଧ କରିଛନ୍ତି । ଦୀର୍ଘ ଦିନ ହେବ ଫର୍ଟିଲାଇଜର କମ୍ପାନୀକୁ ବିରୋଧ କରିଆସୁଛନ୍ତି ଗ୍ରାମବାସୀ । ଆଜି ପୁଣି ଥରେ କାମ ଆରମ୍ଭ ବେଳେ ଧସ୍ତାଧସ୍ତିି ହୋଇଛନ୍ତି ଗ୍ରାମବାସୀ ଓ ପୋଲିସ । ଏନେଇ ବହୁବାର ବଡ଼ଧରଣର ଆନ୍ଦୋଳନ ମୁଣ୍ଡ ଟେକିଛି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ତଳେ ନିର୍ମାଣ କାର୍ଯ୍ୟକୁ ବନ୍ଦ କରିବା ଦାବି ନେଇ ପ୍ରକଳ୍ପ ନିର୍ମାଣ ସ୍ଥାନରେ ଆନ୍ଦୋଳନକୁ ତ୍ରୀବତର କରାଯାଇଥିଲା । ଆଜି ପୁଣି ଥରେ କାମ ଆରମ୍ଭ ହେବାରୁ ଏହାକୁ ବିରୋଧ କରିଥିଲେ ଗ୍ରାମବାସୀ । ନିର୍ମାଣ କାର୍ଯ୍ୟ ତୁରନ୍ତ ବନ୍ଦ କରିବାକୁ ଦାବି କରି କାଳିପଲ୍ଲୀ ଗାଁର ଶତାଧିକ ମହିଳା ଓ ପୁରୁଷମାନେ ଘଟଣା ସ୍ଥଳରେ ପହଞ୍ଚି ପାଟିତୁଣ୍ଡ କରିଥିଲେ । ଘଟଣାସ୍ଥଳରେ ପୋଲିସ ଗ୍ରାମବାସୀ ମୁହାଁମୁହିଁ ହୋଇଛନ୍ତି । ସାର କାରଖାନା ହେଲେ ପରିବେଶ ବିଷାକ୍ତ ହୋଇଯିବ । ଗାଁଲୋକ ନାନା ଅସୁବିଧାରେ ସମ୍ମୁଖୀନ ହେବେ ବୋଲି ଦାବି କରି ସାର କାରଖାନା ନିର୍ମାଣକୁ ବିରୋଧ କରିଛନ୍ତି ।