କାବୁଲ ଛାଡ଼ିବାକୁ ମନାକଲେ ମନ୍ଦିର ପୂଜକ : କହିଲେ ତାଲିବାନୀ ମାରିଦେଲେ ଭାବିବି ସେବା; ରତନନାଥ ମନ୍ଦିର ଛାଡ଼ି କୁଆଡ଼େ ନଯିବାକୁ ସ୍ପଷ୍ଟ କଲେ
କନକ ବ୍ୟୁରୋ : କାବୁଲ ଛାଡ଼ିବାକୁ ମନାକଲେ ମନ୍ଦିର ପୁଜକ । କହିଲେ ତାଲିବାନ ମାରିଦେଲେ ତାହାକୁ ସେବା ବୋଲି ଭାବିବି । କାବୁଲକୁ ତାଲିବାନ କବଜା କରିବା ପରେ ଅଫଗାନିସ୍ତାନର ସ୍ଥିତି ଅଧିକ ଭୟାବହ ହୋଇଛି । ୨୦ ବର୍ଷ ପରେ ତାଲିବାନ ଶାସନ ଫେରିବା ଡ଼ରରେ ଜୀବନ ବଂଚାଇବା ପାଇଁ ହଜାର ହଜାର ଲୋକ ଅଫଗାନିସ୍ତାନ ଛାଡ଼ୁଛନ୍ତି । ହେଲେ ସେଠାରେ ଥିବା ଜଣେ ମନ୍ଦିର ପୂଜକ କାବୁଲ ଛାଡ଼ିବାକୁ ଅମଙ୍ଗ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରତନନାଥ ମନ୍ଦିରରେ ଥିବା ପୂଜକ ପଣ୍ଡିତ ରାଜେଶ କୁମାର ମନ୍ଦିର ଛାଡ଼ି କୁଆଡ଼େ ଯିବେ ନାହିଁ ବୋଲି ସ୍ପଷ୍ଟ କରିଛନ୍ତି । ସେ କହିଛନ୍ତି ଯଦି ତାଲିବାନ ହାତରେ ତାଙ୍କୁ ମରିବାକୁ ହୁଏ ସେ ଏହାକୁ ସେବା ବୋଲି ଭାବିବେ । ତାଙ୍କ ପୂର୍ବଜମାନେ ବର୍ଷ ବର୍ଷ ଧରି ଏହି ମନ୍ଦିରର ପୂଜା କରିଆସୁଛନ୍ତି, ତେଣୁ ଏହି ମନ୍ଦିର ଛାଡ଼ି ସେ କୁଆଡ଼େ ଯିବେ ନାହିଁ ବୋଲି କହିଛନ୍ତି ପୂଜକ । ରାଜଧାନୀ କାବୁଲ କବଜା କରିବା ପରଠାରୁ ଅଫଗାନିସ୍ତାନ ଛାଡ଼ୁଥିବା ଲୋକଙ୍କ ସଂଖ୍ୟା ବଢୁଛି । ଏବେ ବି ଅନେକ ଲୋକ ଫସି ରହିଛନ୍ତି ।