ବିଜେଡିକୁ ଯିବା ଚର୍ଚ୍ଚା ପ୍ରସଙ୍ଗରେ ପୂର୍ଣ୍ଣଚ୍ଛେଦ ଟାଣିଲେ ନବ ଦାସ । କହିଲେ, କଂଗ୍ରେସରେ ରହିବି ଓ ୨୦୧୯ରେ କଂଗ୍ରେସରୁ ହିଁ ନିର୍ବାଚନ ଲଢିବି
କନକ ବ୍ୟୁରୋ: କଂଗ୍ରେସ ନେତା ନବ ଦାସ ବିଜେଡିକୁ ଯିବା ଚର୍ଚ୍ଚା ପ୍ରସଙ୍ଗରେ ପୂର୍ଣ୍ଣଚ୍ଛେଦ ପକାଇଛନ୍ତି । ସେ କଂଗ୍ରେସରେ ରହିବେ ଓ ୨୦୧୯ରେ କଂଗ୍ରେସରୁ ନିବାଚନ ଲଢିବେ ବୋଲି କହିଛନ୍ତି । କଂଗ୍ରେସ ଦଳରେ ଅଛି, ଅନ୍ୟ କୌଣସି ଦଳକୁ ଯିବାର ନାହିଁ । ଯେଉଁ ଚର୍ଚ୍ଚା ଚାଲିଛି, ସେମିତି କିଛି ହେଲେ ଜଣାଇବି ବୋଲି ନବ ଦାସ କହିଛନ୍ତି । କିଛି ଦିନ ହେବ ବିଜେଡିରେ ନବ ଦାସ ଯୋଗ ଦେବା ନେଇ ଚର୍ଚ୍ଚା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସର ହେଭିୱେଟ ନେତା ତଥା ପିସିସି କାର୍ୟ୍ୟକାରୀ ସଭାପତି ନବ ଦାସଙ୍କୁ ନେଇ ଚର୍ଚ୍ଚା ଥମିବାର ନା ନେଉନାହିଁ । କାରଣ ବିଜେଡ଼ିକୁ ଯିବା ଚର୍ଚ୍ଚା ପ୍ରସଙ୍ଗରେ ପୂର୍ଣ୍ଣଚ୍ଛେଦ ଟାଣିଛନ୍ତିପଶ୍ଚିମ ଓଡ଼ିଶା କଂଗ୍ରେସର ଏହି ଟାଣୁଆ ନେତା । ଗତ କିଛି ଦିନ ତଳେ ଖୋଦ୍ ନବ ଦାସ କଂଗ୍ରେସ ନଛାଡ଼ିବା ନେଇ ଏକ ପ୍ରେସ୍ ରିଲିଜ୍ ଜରିଆରେ ସ୍ପଷ୍ଟୀକରଣ ରଖିଥିଲେ ।
କିନ୍ତୁ ୨୦୧୯ ନିର୍ବାଚନ ପୂର୍ବରୁ ନବ ଦାସ ହାତ ଛାଡ଼ି ଶଙ୍ଖ ଧରିବାକୁ ମନବଳାଉଥିବା ଚର୍ଚ୍ଚା ଜୋର ଧରିଥିବା ବେଳେ ଖୋଦ୍ ନବ ଦାସ ଏହାକୁ ଖଣ୍ଡନ କରି କହିଛନ୍ତି କି, ସେ କଂଗ୍ରେସରେ ରହିବେ ଓ ୨୦୧୯ରେ କଂଗ୍ରେସରୁ ନିବାଚନ ଲଢିବେ ବୋଲି । ନିକଟରେ ଏକ ସାକ୍ଷାତକାରରେ ନବ ଦାସ କହିଥିଲେ କି, ବର୍ତ୍ତମାନ ସେ କଂଗ୍ରେସରେ ଅଛନ୍ତି କିନ୍ତୁ ଭବିଷ୍ୟତ କଥା ସେ ଜାଣି ନାହାନ୍ତି ବୋଲି । ଯାହାକୁ ନେଇ ରାଜ୍ୟ ରାଜନୀତିରେ ଉଷ୍ମତା ଦେଖାଦେଇଥିଲା ।