ଏମିତି କାହିଁକି କହିଲେ ରାଇନା?; ‘ମୋ ପାଇଁ ଧୋନୀ ଆଗ, ଦେଶ ପଛ’
କନକ ବ୍ୟୁରୋ: ଚର୍ଚ୍ଚା ଟିମ୍ ଇଣ୍ଡିଆର ପୂର୍ବତନ ବ୍ୟାଟ୍ସମ୍ୟାନ୍ ତଥା ମିଷ୍ଟର ଆଇପିଏଲ୍ ଭାବେ ଜଣାଶୁଣା ସୁରେଶ ରାଇନାଙ୍କୁ ଆପଣ ଭଲ ଭାବେ ଜାଣିଥିବେ । ମହେନ୍ଦ୍ର ସିଂହ ଧୋନୀଙ୍କର ସେ ଜଣେ ବଡ ଫ୍ୟାନ୍ ଭାବେ ମଧ୍ୟ ସେ ବେଶ ଜଣାଶୁଣା । ଅନେକ ସମୟରେ ସେ ଧୋନୀଙ୍କୁ ପ୍ରଂଶସା କରିବା ସହ. ତାଙ୍କ ସହ ଧୋନୀଙ୍କର ସମ୍ପର୍କ ବେଶ ନିବିଡ ବୋଲି ମଧ୍ୟ ପରିଚୟ ଦେଇଛନ୍ତି । ତେବେ ରାଇନାଙ୍କର ଧୋନୀଙ୍କୁ ନେଇ ଗୋଟିଏ ବୟାନ ଏବେ ଚାରିଆଡେ ଚର୍ଚ୍ଚା ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ରାଇନାଙ୍କ କହିବା କଥା, ସେ ପ୍ରଥମ ଧୋନୀଙ୍କ ପାଇଁ ଆଉ ତା ପରେ ଭାରତ ପାଇଁ କ୍ରିକେଟ୍ ଖେଳିଛନ୍ତି । ତାଙ୍କ କ୍ରିକେଟ୍ କ୍ୟାରିୟରରେ ଧୋନୀ ଆଗ ଆଉ ଦେଶ ପଛ ବୋଲି କହିଛନ୍ତି ସୁରେଶ ରାଇନା । ତେବେ ରାଇନାଙ୍କ ଏହି ବୟାନ ଏବେ ସୋସିଆଲ୍ ମିଡିଆରେ ଭାଇରାଲ ହେବା ସହ ଏହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ସୁରେଶ ରାଇନାଙ୍କ କହିବା କଥା, ସେ ଗାଜିଆବାଦରୁ ଆସନ୍ତି ଆଉ ଧୋନୀ ରାଞ୍ଚିରୁ । ସେମାନେ ଦୁହେଁ ସାଙ୍ଗ ହୋଇ ଅନେକ ମ୍ୟାଚ୍ ଖେଳିଛନ୍ତି । ଭାରତକୁ ବିଶ୍ୱକପ୍ ବି ଜିତାଇଛନ୍ତି । ତେବେ ଧୋନୀଙ୍କ ସହ ଟିମ୍ ଇଣ୍ଡିଆ ପାଇଁ ଖେଳିବା ଆଉ ଆଇପିଏଲ୍ ଖେଳିବା ବଡ କଥା ବୋଲି ରାଇନା କହିଛନ୍ତି । ଏଥିସହିତ ଧୋନୀ ଜଣେ ଭଲ ଲିଡର ହେବା ସହ ଜଣେ ଭଲ ମଣିଷ ବୋଲି କହିଛନ୍ତି ସୁରେଶ ରାଇନା ।
୨୦୨୦ ମସିହା ଅଗଷ୍ଟ ମାସ ୨୦ ତାରିଖରେ ଅନ୍ତର୍ଜାତୀୟ କ୍ରିକେଟକୁ ଗୁଡବାଏ କହିଥିଲେ ଏମ୍ ଏସ୍ ଧୋନୀ । ସ୍ୱାଧୀନତା ଦିବସର ସନ୍ଧ୍ୟାରେ ସମସ୍ତଙ୍କୁ ଚମକାଇ ଏହି ନିଷ୍ପତି ନେଇଥିଲେ ମହେନ୍ଦ୍ର ସିଂହ ଧୋନୀ । ତେବେ ଟିମ୍ ଇଣ୍ଡିଆର ଏହି ସଫଳ ଅଧିନାୟକ ଇଣ୍ଟରନ୍ୟାସନାଲ କ୍ରିକେଟରୁ ସନ୍ୟାସ ନେବାର କିଛି ସମୟ ଭିତରେ ହିଁ, ରାଇନା ମଧ୍ୟ ନିଜର ରିଟାର୍ୟରମେଣ୍ଟ ଘୋଷଣା କରିଥିଲେ । ଯାହା ଦୁହିଁଙ୍କ ଭିତରେ ଥିବା ଭଲପାଇବାକୁ ଦର୍ଶାଇବା ସହ ରାଇନା ଧୋନୀଙ୍କୁ କେତେ ମାନିଥାନ୍ତି ତାହା ଦର୍ଶାଇଥିଲା ।
ରାଇନା ଦୀର୍ଘ ସମୟ ହେଲା ଟିମ୍ ଇଣ୍ଡିଆରୁ ବାହାରେ ଥିଲେ । ଲମ୍ବା ସମୟ ଧରି ସେ କୌଣସି ଅନ୍ତର୍ଜାତୀୟ ମ୍ୟାଚ୍ ଖେଳିନଥିଲେ । ହେଲେ ଆଇପିଏଲରେ ସେ ଧୋନୀଙ୍କ ସହ ଖେଳିବା ସହ ସିଏସକେ ତରଫରୁ ମ୍ୟାଚ୍ ଖେଳିବା ଜାରି ରଖିଥିଲେ । କିନ୍ତୁ ଧୋନୀ ଯେତେବେଳେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ,ଏହାର କିଛି ଘଣ୍ଟା ଭିତରେ ହିଁ ରାଇନା ନିଜର ମଧ୍ୟ ଅବସର ଘୋଷଣା କରିଥିଲେ ।
ସୂଚନାଯୋଗ୍ୟ ଯେ, ରାଇନା-ଧୋନୀଙ୍କ ବନ୍ଧୁତାକୁ ନେଇ ଅନେକ ସମୟରେ ଚର୍ଚ୍ଚା ହୁଏ । ଧୋନୀଙ୍କୁ ରାଇନା ନିଜର ଜଣେ ଭଲ ମେଣ୍ଟର ଭାବେ ମାନୁଥିବାବେଳେ । ଏହି ଦୁଇ ଖେଳାଳି ଭାରତକୁ ଅନେକ ମ୍ୟାଚରେ ପରାଜୟରୁ ବଞ୍ଚାଇଥିଲେ । ଖାଲି ସେତିକି ନୁହେଁ ୨୦୧୧ କ୍ରିକେଟ୍ ବିଶ୍ୱକପରେ ମଧ୍ୟ ଏହି ଦୁଇ ଖେଳାଳି ଚାମ୍ପିୟନ୍ ଦଳର ସଦସ୍ୟ ଥିଲେ ।