ଯୁକ୍ତ ୨ ପରୀକ୍ଷାଫଳକୁ ନେଇ ପ୍ରଶ୍ନ ଉଠାଇଲେ ଶିକ୍ଷାବିତ୍ ପ୍ରୀତିଶ ଆଚାର୍ଯ୍ୟ । କହିଲେ ଅଧିକାଂଶ ପିଲାଙ୍କ ନମ୍ବର ସମାନ, କେଉଁ ଆଧାରରେ ଦିଆଯିବ ଆଡମିଶନ?
କନକ ବ୍ୟୁରୋ : ବିନା ପରୀକ୍ଷାରେ ଯୁକ୍ତ ଦୁଇ ପରୀକ୍ଷା ଫଳ ଉଚ୍ଚଶିକ୍ଷାରେ ବାଧା ସୃଷ୍ଟି କରିପାରେ । ଏନେଇ ଆଶଙ୍କା ପ୍ରକାଶ କରିଛନ୍ତି ଶିକ୍ଷାବିତ୍ ପ୍ରୀତିଶ ଆଚାର୍ଯ୍ୟ । ପରୀକ୍ଷା ଦେଇଥିଲେ ଏତେ ସଂଖ୍ୟକ ଛାତ୍ରଛାତ୍ରୀ ପାସ୍ କରିନଥାନ୍ତେ କି ପିଲାଙ୍କ ଏତେ ମାର୍କ ଆସିନଥାନ୍ତା । ଉଚ୍ଚଶିକ୍ଷାରେ ଅନର୍ସ ନେବାରେ ବାଧା ସୃଷ୍ଟି କରିପାରେ । ଅନେକ ପିଲାଙ୍କ ଏକ ନିର୍ଦ୍ଦିଷ୍ଟ ଅନୁଷ୍ଠାନରେ ପଢିବା ପାଇଁ ଚେଷ୍ଟା କରିବେ । ପିଲାଙ୍କ ନମ୍ବର ସମାନ ଥିବାରୁ କେଉଁ ହିସାବରେ ଆଡମିଶନ ଦିଆଯିବ ବୋଲି ସେ ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏଭଳି ସମସ୍ୟା ଏଡାଇବାକୁ ସିଟ୍ ବୃଦ୍ଧି କରିବାକୁ ସରକାର ବିକଳ୍ପ ଭାବେ ଚିନ୍ତା କରୁଛନ୍ତି । ସିଟ୍ ବୃଦ୍ଧି କଲେ କଲେଜ ଭିତ୍ତିଭୂମି ଓ ଶିକ୍ଷକ ସଂଖ୍ୟାରେ ବୃଦ୍ଧି କରାଯିବା ଆବଶ୍ୟକ । କ୍ଲାସ ରୁମରେ ପିଲାଙ୍କ ସଂଖ୍ୟା ଅଧିକ ହେଲେ ପିଲାମାନେ ଯେଉଁ ଆଶା ନେଇ ପାଠ ପଢିବାକୁ ଯାଇଛନ୍ତି, ସେ ଆଶା ପୂରଣ ହେବ ନାହିଁ । ଉଚ୍ଚଶିକ୍ଷାରେ ପିଲାଙ୍କ ବାଧା ସୃଷ୍ଟି ହେବ ।