ଭାରତୀୟ ରେଳ ବିଭାଗର ପ୍ରବକ୍ତାଙ୍କ ବୟାନକୁ ନେଇ ତେଜିଲା ରାଜନୀତି । କହିଲେ ‘କବଚ’ ଥିଲେ ହୋଇନଥାନ୍ତା ଦୁର୍ଘଟଣା

କନକ ବ୍ୟୁରୋ : ଓଡିଶାର ବାଲେଶ୍ୱର ଜିଲ୍ଲା ବାହାନଗା ଠାରେ ହୋଇଥିବା ରେଳ ଦୁର୍ଘଟଣାରେ ୨୬୧ ଜଣ ଯାତ୍ରୀଙ୍କର ଜୀବନ ଯାଇଛି । ୯୦୦ରୁ ଅଧିକ ଲୋକ ଆହତ ହୋଇ ଏବେ ଚିକିତ୍ସିତ ହେଉଛନ୍ତି । ହେଲେ ଏବେ ଭାରତୀୟ ରେଳ ବିଭାଗର ପ୍ରବକ୍ତା ଅମିତାଭ ଶର୍ମାଙ୍କ ବୟାନ ରାଜନୀତିକୁ ସରଗରମ କରିଛି । ଅମିତାଭ ଶର୍ମା କହିଛନ୍ତି କି ଯଦି ଏହି ରେଳ ଲାଇନରେ କବଚ ଉପଲବ୍ଧ ଥାନ୍ତା ତେବେ ଦୁର୍ଘଟଣା ହୋଇ ନଥାନ୍ତା । ତାଙ୍କ ବୟାନରେ ଏବେ କବଚକୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଯାଇଛି । କହିରଖୁ କି, ରେଳ ମନ୍ତ୍ରଣାଳୟ ଗତବର୍ଷ କବଚ ଟେକ୍ନୋଲୋଜୀର ଟେଷ୍ଟିଂ କରିଥିଲା । ଏହାକୁ ନେଇ ରେଳମନ୍ତ୍ରୀ ଅନେକ ପ୍ରଚାର ମଧ୍ୟ କରିଥିଲେ ।

SPAD test, tried crossing signal at red. Kavach is protecting and not allowing the Loco to move.#BharatKaKavach pic.twitter.com/x6Ys9iz9xJ

— Ashwini Vaishnaw (@AshwiniVaishnaw) March 4, 2022

ସେହି ସମୟରେ ରେଳ ବିଭାଗ ଓ ରେଳ ମନ୍ତ୍ରୀ ଉଭୟ ଦାବି କରିଥିଲେ କି ଏହି ଟେକ୍ନୋଲୋଜୀ ସହାୟତାରେ ବିନା ଦୁର୍ଘଟଣାରେ ସମସ୍ତ ଟ୍ରେନ ନିଜର ଲକ୍ଷ୍ୟସ୍ଥଳରେ ପହଂଚିପାରିବ । ଏହି ଟେକ୍ନୋଲୋଜୀ ମାଧ୍ୟମରେ ଯଦି କୌଣସି ଟ୍ରେନ ବିନା ଅନୁମତିରେ ସିଗନାଲ କ୍ରସ କରେ ତେବେ ଟ୍ରେନଟି ସ୍ୱତଃପ୍ରବୁତ ଭାବେ ଅଟକି ଯିବ । ଏହାକୁ ଲଗାଇବାକୁ ହେଲେ କିଲୋମିଟର ପ୍ରତି ୫୦ ଲକ୍ଷ ଟଙ୍କା ଖର୍ଚ୍ଚ ହେବ । ଏହି ଟେକ୍ନୋଲୋଜୀ ୩ ଟି ସ୍ତରରେ କାମ କରିଥାଏ । ଯେଭଳି ମୁହାଁ ମୁହିଁ ଧକ୍କା, ପଛପଟରୁ ଧକ୍କା ଓ ସିଗନାଲ ବିପଦ ।