ପ୍ରତ୍ୟେକ ଦିନ ମନକୁ ଆସିଥାଏ ୧୧ଟି ନକରାତ୍ମକ ଚିନ୍ତା, ୪୩ ପ୍ରତିଶତ କରିପାରନ୍ତି ଲଢେଇ।
କନକ ବ୍ୟୁରୋ: ଆମ ଜୀବନରେ ସଫଳତା ଆଉ ବିଫଳତା ଆମ ବିଚାର ଉପରେ ବଡ ପ୍ରଭାବ ପକାଏ । ଆମ ମନରେ ଅନେକ ଥର ସକରାତ୍ମକ ଚିନ୍ତା ଆସୁଥିବା ବେଳେ ଅନେକ ଥର ନକରାତ୍ମକ ଚିନ୍ତା ମଧ୍ୟ ଆସିଥାଏ । ସକରାତ୍ମକ ଚିନ୍ତା ବା ପଜିଟିଭ ଥଟ୍ସ ଆମକୁ ସଫଳତା ଆଡକୁ ନେଇଯାଉଥିବା ବେଳେ ନକରାତ୍ମକ ଚିନ୍ତା ବା ନେଗେଟିଭ ଥଟ୍ସ ବିଫଳତା ଆଡକୁ ନେଇ ଯାଇଥାଏ । ମାୟାମି ବିଶ୍ୱବିଦ୍ୟାଳୟର ଏକ ରିପୋର୍ଟ ଅନୁସାରେ ସଫଳତା ଏବଂ ବିଫଳତାର ଅନୁପାତ ୬୦:୪୦ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆମେ ସକରାତ୍ମକ ଏବଂ ନକରାତ୍ମକ ମଧ୍ୟରେ ତୁଳନା କରିବା ତେବେ ରିପୋର୍ଟ ଅନୁସାରେ ସକରାତ୍ମକ ଚିନ୍ତା ରଖୁଥିବା ୫୮ ପ୍ରତିଶତ ଲୋକ ସଫଳ ହୋଇଥାନ୍ତି । ସେହିଭଳି ନକରାତ୍ମକ ଚିନ୍ତା ରଖୁଥିବା ୪୦ ପ୍ରତିଶତ ଲୋକ ବିଫଳତାର ସାମ୍ନା କରୁଛନ୍ତି । ଆମର ବିଚାର ଅନେକ ଥର ଆମର ଶତ୍ରୁ ହୋଇଯାଇଥାଏ । ପାଖପାଖି ୩୭ ପ୍ରତିଶତ ଲୋକେ ନିଜକୁ ନିଜର ଶତ୍ରୁ ଭାବିଥାନ୍ତି । ୩୫ପ୍ରତିଶତ ଲୋକ ନିଜର ଲକ୍ଷ୍ୟକୁ ହାସଲ କରିପାରିନଥାନ୍ତି । ୩୪ ପ୍ରତିଶତ ଲୋକ ଭାବିଥାନ୍ତି ସେମାନେ ନିଜକୁ ନିଚ୍ଚା ଦେଖାଉଛନ୍ତି । ୩୨ ପ୍ରତିଶତ ଲୋକେ ଏହା ଚିନ୍ତା କରିଥାନ୍ତି ଯେ ତାଙ୍କ ଦ୍ୱାରା କେହି ନିରାଶ ନ ହୋଇଯାନ୍ତୁ ।
ଆପଣ ବୋଧେ ଅନୁମାନ କରିପାରୁନଥିବେ ଯେ ପ୍ରତ୍ୟେକ ଦିନ ଆମ ଜୀବନରେ ୧୧ଟି ନକରାତ୍ମକ ଚିନ୍ତା ଆସିଥାଏ । ତେବେ ଖୁସିର କଥା ଯେ ୪୩ ପ୍ରତିଶତ ଲୋକ ନିଜ ଜୀବନ ଶୈଳୀରେ ପରିବର୍ତ୍ତନ କରି ନକରାତ୍ମକ ଚିନ୍ତା ସହ ଲଢିପାରନ୍ତି । ନକରାତ୍ମକ ଚିନ୍ତା ସହ ଲଡେଇ କରିବା ପାଇଁ ମେଡିଟେସନ, ନିଜର ଖୁସି ଅନୁସାରେ କାମ, ପଢିବା ସବୁଠାରୁ ମଜବୁତ ହତିଆର ।