ଫିଲ୍ମରେ ମହିଳାଙ୍କୁ ନେଇ ହୋଇଥିବା ପରିବର୍ତ୍ତନରେ ମୁଁ ଖୁସି : କରୀନା କପୁର ଖାନ୍
ଫିଲ୍ମ ଇଣ୍ଡଷ୍ଟ୍ରିରେ ମହିଳାଙ୍କ ପ୍ରତି ବଦଳୁଥିବା ଛବିକୁ ନେଇ ଏବେ ଖୁବ୍ ଖୁସି ଜାହିର୍ କରିଛନ୍ତି କରୀନା କପୁର ଖାନ୍। ସେ କହିଛନ୍ତି ମହିଳାଙ୍କୁ ଏବେ ଫିଲ୍ମରେ ପ୍ରଗତିଶୀଳ ନଜରରେ ଦେଖାଯାଉଛି । ଏଥିପାଇଁ ସେ ବହୁତ ଖୁସି । କରୀନା କହିଛନ୍ତି , ‘ହିନ୍ଦୀ ଫିଲ୍ମରେ ଏବେ ଯେଉଁଭଳି ଭାବେ ମହିଳାଙ୍କୁ ପ୍ରଦର୍ଶିତ କରାଯାଉଛି ସେହି ପରିବର୍ତ୍ତନ ସମସ୍ତଙ୍କ ନଜରକୁ ଆସିଛି । ଏବେ ଫିଲ୍ମରେ ନୂଆ ନିର୍ଦ୍ଦେଶକମାନେ ମଧ୍ୟ ଲେଖୁଛନ୍ତି ଏବଂ ସେମାନେ ମହିଳାଙ୍କର ସଠିକ୍ ଇମେଜ୍ ଦେଖାଇବାରେ ସଫଳ ହୋଇଛନ୍ତି । ପିଲ୍ମରେ ମହିଳାଙ୍କୁ ବର୍ତ୍ତମାନ ପ୍ରଗତିଶୀଳ ନଜରରେ ପ୍ରଦର୍ଶିତ କରାଯାଉଛି ।’
Kanak News is now on WhatsApp
Join and get latest news updates delivered to you via WhatsApp
କରୀନା କପୁର ଖାନ୍ ଗତ ବର୍ଷ ଡିସେମ୍ବରରେ ମା’ ହୋଇଥିଲେ । ନିଜ ପୁଅ ତୈମୂର ଓ ନିଜ କାମ ଭିତରେ ତନ୍ତୁଳନ ବଜାୟ ରଖିବା ନେଇ କରୀନା କହିଛନ୍ତି, ‘ମୁଁ ସର୍ବଦା ପ୍ରଫେସନାଲ୍ ଓ ପର୍ସନାଲ୍ ଲାଇଫ୍ ମଧ୍ୟରେ ସନ୍ତୁଳନ ରଖିଛି । କିନ୍ତୁ ଏବେ ଏହା ମୋ ପାଇଁ କଠିନ ହୋଇପଡିଛି । କାରଣ ତୈମୂର ଏବେ ବହୁତ ଛୋଟ । ମୁଁ ସବୁଥିରେ ସନ୍ତୁଳନ ରଖିବାକୁ ଚେଷ୍ଟା କରୁଛି ଓ ଏଥିରେ ମୋତେ ପରିବାର ଓ ପତି ସୈଫ୍ ଙ୍କ ପୁରା ସହଯୋଗ ମଧ୍ୟ ମିଳୁଛି । ’
କରୀନାଙ୍କ କହିବାନୁସାରେ, ଭାରତୀୟ ମହିଳାମାନେ ନିଜର ଜୀବନରେ ଅନେକ ପ୍ରକାରର ଭୂମିକା ନିଭାଇ ଥା’ନ୍ତି । ମହିଳା ଏକା ସାଥିରେ ଅନେକ କାମ କରିପାରିବେ । ଏହା ସହ ସେମାନେ ନିଜ ଜୀବନକୁ ଭରପୁର ଉପଭୋଗ କରିପାରିବେ । କରୀନା କହିଛନ୍ତି , ‘ମୋତେ ଗର୍ବ ଯେ , ମୁଁ ବିବାହିତ , ସ୍ୱତନ୍ତ୍ର ଓ କାମ କରୁଥିବା ଜଣେ ମହିଳା ଅଟେ । ମୁଁ ଏହାକୁ ନେଇ ମୋ ପଇଁ ବଡ ସମ୍ମାନବୋଧ କରେ । ବିବାହ ପରେ ବି ମୁଁ କାମ କରୁଛି । ଆଉ ଏହା ମୋର ଏକ ଅଲଗା ପରିଚୟ ମଧ୍ୟ ହୋଇପାରିଛି ।’