କନକ ବ୍ୟୁରୋ: ଚର୍ଚ୍ଚାରେ ହାଇପ୍ରୋଫାଇଲ ଲଭ ଷ୍ଟୋରୀ । ପୂର୍ବତନ ବ୍ରହ୍ମାଣ୍ଡ ସୁନ୍ଦରୀ ସୁସ୍ମିତା ସେନଙ୍କ ପ୍ରେମରେ ପଡିଛନ୍ତି କ୍ରିକେଟ ପ୍ରଶାସକ ଲଳିତ ମୋଦୀ । ସୁସ୍ମିତାଙ୍କ ଗୋପନୀୟ ପ୍ରେମ କାହାଣୀକୁ ସୋସିଆଲ ମିଡିଆରେ ଲଳିତ ମୋଦୀ ସେୟାର କରିବା ପରେ ସବୁଆଡେ ଖାଲି ଏହାରି ଚର୍ଚ୍ଚା । ଏହାସହ ସୁସ୍ମିତାଙ୍କ ସହ ନିଜର ରୋମାଣ୍ଟିକ ଫଟୋ ମଧ୍ୟ ସେୟାର କରିଛନ୍ତି ଲଳିତ ମୋଦୀ । ନଜର ପକାନ୍ତୁ :-
ଲଳିତ ମୋଦୀ କିଏ?
– ଲଳିତ ମୋଦୀ ଜଣେ ପ୍ରତିଷ୍ଠିତ ଶିଳ୍ପପତି ଓ କ୍ରିକେଟ୍ ପ୍ରଶାସକ
– ୨୦୦୫-୧୦ ମଧ୍ୟରେ ଭାରତୀୟ କ୍ରିକେଟ୍ କଂଟ୍ରୋଲ ବୋର୍ଡର ଉପାଧ୍ୟକ୍ଷ ଥିଲେ
– ପଞ୍ଜାବ କ୍ରିକେଟ୍ ଆସୋସିଏସନ୍ର ଅଧ୍ୟକ୍ଷ ଭାବେ ମଧ୍ୟ କାର୍ଯ୍ୟ କରିଥିଲେ
– ରାଜସ୍ଥାନ କ୍ରିକେଟ୍ ଆସୋସିଏସନ୍ର ଅଧ୍ୟକ୍ଷ ମଧ୍ୟ ଥିଲେ ଲଳିତ ମୋଦୀ
– ଇଣ୍ଡିଆନ୍ ପ୍ରିମିୟର ଲିଗ୍ର ପ୍ରଥମ ଅଧ୍ୟକ୍ଷ ଥିଲେ ଲଳିତ ମୋଦୀ
– ତିନି ବର୍ଷ ପର୍ଯ୍ୟନ୍ତ ତାଙ୍କ ନେତୃତ୍ୱରେ ଆଇପିଏଲ୍ ଖେଳାଯାଇଥିଲା
– ୨୦୧୦ରେ ଠକାମୀ ଅଭିଯୋଗରେ ଲଳିତ ମୋଦୀଙ୍କୁ ନିଲମ୍ବିତ କରାଯାଇଥିଲା
– ମନି ଲଣ୍ଡ୍ରିଂ ଅଭିଯୋଗ ପରେ ସେ ଦେଶ ଛାଡି ପଳାଇଥିଲେ
Kanak News is now on WhatsApp
Join and get latest news updates delivered to you via WhatsApp
ଆଇପିଏଲର ପୂର୍ବତନ ଅଧ୍ୟକ୍ଷ ଲଲିତ ମୋଦି ଗୁରୁବାର ଏକ ଟୁଇଟ୍ ପୁରା ଦେଶବ୍ୟାପି ଚର୍ଚ୍ଚା ସୃଷ୍ଟି କରିଥିଲା । କିନ୍ତୁ ଲଲିତ ମୋଦୀଙ୍କ ଟ୍ୱିଟ୍ ଅନେକ ସମୟରେ ଚର୍ଚ୍ଚା ସୃଷ୍ଟି କରିଆସିଛି । ବିଭିନ୍ନ ସମୟରେ ଲଳିତ କ୍ରିକେଟ ପ୍ରସଙ୍ଗରେ ନିଜର ମତ ରଖିଥାନ୍ତି । ସିଧାସଳଖ ସେ ବିସିସିଆଇ ପୂର୍ବତନ ଅଧ୍ୟକ୍ଷ ଏନ୍ ଶ୍ରୀନିବାସନଙ୍କୁ ନିଶାନା କରି ଟ୍ୱିଟ୍ କରି ଲେଖିଥିଲେ, ଚେନ୍ନାଇ ସୁପରକିଙ୍ଗସର ଅତିକମରେ ୪ ଜଣ ଖେଳାଳୀ ମ୍ୟାଚ ଫିକ୍ସିଂରେ ଲିପ୍ତ ଅଛନ୍ତି । ଏହି ଘଟଣା ବର୍ଷ ବର୍ଷ ଧରି ଚାଲିଆସୁଛି, ମିଡିଆ ବନ୍ଧୁଙ୍କୁ ମଧ୍ୟ ସଜାଗ ରହିବାକୁ କହିବା ସହ ପ୍ରତି ମ୍ୟାଚ ଉପରେ ୯ରୁ ୧୦ ହଜାର କୋଟି ଟଙ୍କା ବେଟିଙ୍ଗ ପାଇଁ ଲାଗୁଛି । ଏନ ଶ୍ରୀନିବାସନଙ୍କ ଚେନ୍ନାଇ ସୁପର କିଙ୍ଗସ ଉପରେ ମଧ୍ୟ ପ୍ରତିବନ୍ଧକ ଲଗାଇବା ଉଚିତ୍ ବୋଲି ସେ କହିବାକୁ ପଛେଇନଥିଲେ ।
ପଳାତକ ସାଜିଥିବା ଲଳିତ ମୋଦୀ ଇଂଲଣ୍ଡରେ ବିଳାସପୂର୍ଣ୍ଣ ଜୀବନ ଅତିବାହିତ କରୁଛନ୍ତି । ଲଣ୍ଡନରେ ତାଙ୍କ ଏକ ବଡ କୋଠା ରହିଛି । ୪ବର୍ଷ ପୂର୍ବେ ତାଙ୍କ ପତ୍ନୀଙ୍କ ଦେହାନ୍ତ ହୋଇଥିବା ବେଳେ ନିକଟରେ ସେ ଧୁମଧାମରେ ତାଙ୍କ ଝିଅର ବିବାହ କରିଛନ୍ତି । ଏହି ପ୍ରତିଷ୍ଠିତ ଶିଳ୍ପପତିଙ୍କ ଅପାର ଧନସମ୍ପତି ରହିଛି ।
ଲଳିତ ମୋଦୀଙ୍କ ସମ୍ପତ୍ତି
– ଗଣମାଧ୍ୟମ ସୂଚନା ଅନୁସାରେ ୫୭କୋଟି ଡଲାର ସମ୍ପତ୍ତିର ମାଲିକ
– ଭାରତୀୟ ମୁଦ୍ରାରେ ୪ହଜାର ୫୫୫କୋଟି ସମ୍ପତ୍ତିର ମାଲିକ ଲଳିତ
– ଏକ ଶିଳ୍ପପତି ପରିବାରରେ ଜନ୍ମ ଗ୍ରହଣ କରିଥିଲେ ମୋଦୀ
– ସିଗାରେଟ, ପାନ ମସଲା ଓ ବିଭିନ୍ନ ଫେମସ ବ୍ରାଣ୍ଡର ମାଲିକ ଲଳିତ ମୋଦୀ
– ରିଟେଲ ଷ୍ଟୋର, ରେସ୍ତୁରାଁ ଚେନ୍ ଓ ଟ୍ରାଭେଲ କମ୍ପାନୀର ମାଲିକ ଲଳିତ
– ଲଲିତଙ୍କ ଜେଜେବାପା ରାୟ ବାହାଦୂର ଗୁଜରାଲ ତାଙ୍କ ସମୟର ବିଶିଷ୍ଟ ଶିଳ୍ପପତି
– ୧୯୩୩ରେ ଚିନି କାରଖାନା କରି ବ୍ୟବସାୟ ଆରମ୍ଭ କରିଥିଲେ ରାୟ ବାହାଦୂର ଗୁଜରାଲ
– ପରେ ପରେ କାରବାର ବଢିବା ସହ ‘ମୋଦୀ ଏଣ୍ଟରପ୍ରାଇଜେସ’ ଗଠନ ହୋଇଥିଲା
– ଉତ୍ତରପ୍ରଦେଶ ମେରଠ ନିକଟରେ ମୋଦୀ ନଗର ପ୍ରତିଷ୍ଠା କରିଥିଲେ ରାୟ ବାହାଦୂର ଗୁଜରାଲ
– ୮ ଭାଇ ଭଉଣୀ ମଧ୍ୟରେ ସବୁଠୁ ବଡ ଥିଲେ ଲଳିତ ମୋଦୀଙ୍କ ବାପା କେକେ ମୋଦୀ
– ରାୟ ବାହାଦୂର ଗୁଜରାଲଙ୍କ ପରେ ସେ ବ୍ୟବସାୟ ସମ୍ଭାଳି ଥିଲେ
ବିଶିଷ୍ଟ ଶିଳ୍ପପତି ତଥା କ୍ରିକେଟ ପ୍ରଶାସକ ଲଳିତ ମୋଦୀ ଦୀର୍ଘ ଦିନ ହେଲା ବିଦେଶରେ ରହୁଛନ୍ତି । ମନି ଲଣ୍ଡ୍ରିଂ ମାମଲାରେ ଛନ୍ଦି ହେବା ପରେ ସେ ପଳାତକ ସାଜିଛନ୍ତି । ଏବଂ ଇଂଲଣ୍ଡରେ ନିଜ ପରିବାର ସହ ରହୁଛନ୍ତି ।
ପଳାତକ ଲଳିତ ମୋଦୀ
– ମନି ଲଣ୍ଡ୍ରିଂ ମାମଲାରେ ପଳାତକ ସାଜିଛନ୍ତି ଲଳିତ ମୋଦୀ
– ୨୦୧୦ରେ ସେ ଭାରତ ଛାଡି ପଳାଇଥିଲେ
– ଲଣ୍ଡନର ସ୍ଲୋଏନ ଷ୍ଟ୍ରିଟରେ ରହୁଛନ୍ତି ଲଳିତ ମୋଦୀ
– ଲଣ୍ଡନରେ ୫ହଜାର ବର୍ଗ ଫୁଟ ବିଶିଷ୍ଟ ୫ମହଲା କୋଠା ରହିଛି
– ଭାରତୀୟ ମୁଦ୍ରାରେ ୪ହଜାର ୫୫୫କୋଟି ସମ୍ପତିର ମାଲିକ ଲଳିତ
ସୁସ୍ମିତା ସେନଙ୍କ ସମ୍ପତ୍ତି
– ଭାରତୀୟ ମୁଦ୍ରାରେ ୭୪କୋଟି ଟଙ୍କାର ମାଲିକ ସୁସ୍ମିତା ସେନ
– ମାସିକ ପ୍ରାୟ ୬୦ଲକ୍ଷ ଟଙ୍କା ରୋଜଗାର କରନ୍ତି ସୁସ୍ମିତା
– ଅଭିନୟ ଓ ମଡେଲିଂ ପରେ ଦୁବାଇରେ ହୀରା ବ୍ୟବସାୟ କରନ୍ତି ସୁସ୍ମିତା
– ସୁସ୍ମିତାଙ୍କ ଦାମୀ ଗାଡିର ସଉକ ରହିଛି
– ଦୁଇଟି ବିଏମଡବ୍ଲୁ ଗାଡି ରଖିଛନ୍ତି ସୁସ୍ମିତା
କୁହାଯାଏ ଆଇପିଏଲ ଆରମ୍ଭ ଦିନଠାରୁ ସୁସ୍ମିତାଙ୍କ ପ୍ରେମରେ ପଡିଯାଇଥିଲେ ଲଳିତ ମୋଦୀ । ପ୍ରାୟ ୧୨ବର୍ଷ ତଳୁ ଉଭୟଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା ହୁଏ । ଯାହା ଏବେ ସତ ପ୍ରମାଣିତ ହୋଇଛି ।